Kɔlɔsi 2:8 - ALLALA KUMƐ

⁸ Wo ni a ma wo fɛrɛma. Mɔgɔ-wo-mɔgɔ kana wo yanfa anuta kun-takolonya-karan fɛ ha wo ni ma yɔɔn la. Karan wo bɔnɛ mɔgɔya-kɛ-nya anubɛ duninya-nyina-kun-tiginu de tɔ. Yanfɛ wo sa bɔla Kirasiti bolo muk,

Kɔlɔsi 2:8 Iomraidhean Croise

Keninteya-Siginu 2:15

Bɛnsɛnkɔninya fenfen kana don ma tɛma iko sogo-mɛsɛ anubɛ ki-fan-tɛmɛ ye nya min. A kana don ma tɛma ma fere-labɔ-wati kɛ la.

Yɛrɛmaya 29:8

Mari Sɛnbɛ-Bɛɛ-Tigi, Isirɛlata Alla ko wola foninya-nɛbinu anubɛ wola bolo-tafɛlɛnnɛnu kana wo bolo labira. Wo kana wo tole masɔ anuna kiyo-kannu na.

Matiyu 10:17

Wo ni a ma wo fɛrɛma bawo mɔgɛ donu bi nyɔ minnu si wo bira ka ta wo la kiti tɛgɛ tinɛ. Anu si wo gbesi Yahudiya-dina-bɔnnu na.

Matiyu 16:6

Yisa ya a fɔ anu ye ko, “Wo ni a ma wo fɛrɛma Farisinu anubɛ Sadusinuna biredi-yɛlɛ-fanla ko la.”

Matiyu 7:15

“Wo ni a ma wo fɛrɛma foninya-nɛbinuna ko la. Anu si a fɔ ko anu bi kumala Alla ye kɔnɔ anu foni. Anu kungban-kungban ye nala wo wara iko sagɛnu kɔnɔ anu sɔn mani de iko suluku-kɔnkɔtoe.

Kɛwɔlɛnu 17:18

Ɛpikuriyannu anubɛ Sitowikanuna karan-mɔgɛ donu ya a sɔsɔ. Donu ko, “Karanbɛlɛ nyɛrɛ-mayiralɛ kɛ ye a rayala ka nfen fɔ?” Donu ko fanan, “A manɛ iko a ye kumala mɔgɔ-gbɛrɛnuna allanuna ko la.” Anu ya kɛ fɔ bawo Pɔli ye kawandili bɔla Yisala ko la nun anubɛ mɔgɔ-lawuli-koe ka bɔ furinu tɛma.

Kɛwɔlɛnu 17:32

Pɔli ya furi-lawuli-koe fɔ min kɛ, anu donu ya a mayɛlɛn. Kɔnɔ dogbɛrɛnu ko, “Ma ye a fɛ, i ni kɛ fɔ ma ye wati-gbɛrɛ.”

Romu 16:17

N na-kelen-nyɔgɛnu, n bi wo madiyala ko wo ni a ma wo fɛrɛma mɔgɛ wonuna ko la minnu bi dan-nafarɛ kɛla wo tɛma. Wonu bi mɔgɛnu nasamala ka anu bɔ anuna dɛnkɛninyɛ rɔ. Wo ara karan-bɛrɛ min sɔrɔn, anu bi wo tinyana. Wo ni wo masɛgi mɔgɛ wonu na feu,

1 Kɔrɛnti 10:12

Woletɔ ni min bi a mirila ko a sɔnɛ gben, wo ni a ma a fɛrɛma alako a kana na bu boloko-yogomɛ-kɛ.

1 Kɔrɛnti 8:9

Wo ni a ma wo fɛrɛma. Minnu sɔndɔmɛ rafaganɛ, wola hɔrɔyɛ kɛ kana na a ma, wonu ni bui hakɛ rɔ.

2 Kɔrɛnti 10:5

anubɛ anu wasinɛ fan min bɛɛ la, minnu si a ma, mɔgɔ kana na Alla lɔn, ma ye wonu kasarala le pɔ! Ma ye kɛlɛ-kɛ-fan wonu nawɔlila ka miriya bɛɛ ladon Kirasitita marɛ kɔrɔ alako anu ni ala kumɛ bira nya min.

Kalesiya 1:14

N tenbira n ta-nyɔgɔn siyaman na Yahudiyanuna dina rɔ. Ma benbanuna namunyɛ hɔnya taranta n na bɛrɛkɛ!

Kalesiya 4:3

Male fanan, yanni ma ni koloya tumɛ min, ma taranta yɔɔnyɛ rɔ wo nya na duninya-nyina-kun-tiginu kɔrɔ.

Kalesiya 4:9

Nba kaka, wo ya Alla lɔn, ado min fisa, n ni a fɔ ko Alla ya wole le lɔn ata dannu na. Nfenna worɔ, wo ye a fɛ ka sɛgi nyina-sɛnbɛbɔnɔ-fuyi wonu ma tun? Nfenna wo ye a fɛ ka ma wonuna yɔɔn la tun?

Kalesiya 5:15

Kɔnɔ ni wo tora ko ladanna iko sogo-feremɛnu ka wo nyɔgɔn madumɛ ka wo nyɔgɔn dɔn, feda worɔ, wo ni a ma wo fɛrɛma, ni wo ma, wo si wo nyɔgɔn kasara pɔ!

Ɛfɛsa 2:2

Wo bilanɛ duninya kɛ kila-yogomɛnu fɛ wo wati le tɔ. Ni-yogo-sɛnbɛ-tigi min bi wola minɛ rɔ, wo ya wo leta kilɛ bira, ado ni-yogo kelan wo ye kun-tigiyɛ kɛla Allata kuma-birabɛlɛnu kun na kaka.

Ɛfɛsa 4:20

Wole ma Kirasiti wara-koe karan wo nya.

Ɛfɛsa 5:6

Wo kana sɔn, mɔgɔ ni wo bolo labira kun-takolonya-kumɛnu na. Allata diminyɛ si na wonu denu kuma minnu ti sɔn ata kumɛ birala.

Tɔn-Fɔɛ-Fila-Nyɔgɛ 6:12

Wo ni a ma wo fɛrɛma, wo kana nyina Mari ko min ya wo labɔ yɔɔnyɛ rɔ Iyipiti nyamanɛ rɔ.

Filipai 3:2

Wo ni a ma wo fɛrɛma ko-yogoma-kɛlɛnuna ko la. Minnu bara nɔrɔ fɛrɛ-tɛgɛ-koe ma, wuli le wonu na,

Kɔlɔsi 2:18

Wo kana sɔn, mɔgɔ-wo-mɔgɔ ni wo yiliki min bi a nyɛrɛ gbiliyala ko-rayen rɔ ka a famayigi foninyɛ rɔ. Wo kana don melika-bato-koe rɔ. Mɔgɔ sifa wo wasinɛ hadama-danta miriya le la fufafu!

Kɔlɔsi 2:20

Wobɛ Kirasiti ara faga wo nyɔgɔn fɛ worɔ. Ale ya wo hɔrɔya ka wo bɔ nyina-kun-tiginu fanka kɔrɔ duninya kɛ rɔ. Nfenna worɔ, wo ye ko ladanna iko duninya kɛtɛ le wole la? Nfenna wo ye tɔn kɛ sufanu birala? Wo ye a fɔla ko—

Kɔlɔsi 2:22

Tɔn kɛnu tɛgɛnɛ dɔn-fen anubɛ minni-fen-koenu denu ma. Wo wa ban anu dɔnna tumɛ min, a si ma iko fenfen sa nun. Hadama-danta miriya le wo la.

Kɔlɔsi 2:23

Nba, melika-batoe fɔrɔsɛ la wo, foninya-famayigiyɛ wo, nyɛrɛ-bagbuyi-tɔrɛ wo, tɔn wonu mani de iko hɛnkili ye anu tɔ kɔnɔ wonu ti ko-wo-ko nyinya bagbuyi-natanu-bira-koe rɔ.

1 Timoti 6:20

Timoti, min dantɛgɛnɛ i ma, i ni wo mara gben! I kana i tole masɔ Alla lɔnbɛliya-kuma teleka-telekɛnu na anubɛ yuwaya-sɔsɔlɛnu. Anu bi a fɔla ko lɔnnɛ le sɔsɔlɛ wo la kɔnɔ a sa wo nya de,

2 Timoti 3:13

Kɔnɔ mɔgɔ-yogomɛnu anubɛ yanfantenu si to yogoyala dɛɛ ha anu ni donu yanfa, ado anu bara anu nyɛrɛ fɔlɔn yanfa.

Hiburunu 13:9

Wo kana sɔn, karan-kurɛnu ni wo labɔ wola kila-telennɛnu fɛ. A fisa, wo sɔndɔmɛnu ta ni gbɛlɛya Allala hinɛ fɛ. Ka a fɔ ko wo ni tɔn bira dɔn-fen-koela ko la, wo ti ko-wo-ko nyinya wo ma, ado minnu bilanɛ tɔn wonu fɛ, wonu ma dɛnbɛni sɔrɔn wonu tɔ.

Hiburunu 3:12

Woletɔ n na-kelen-nyɔgɛnu, wo ni a ma wo fɛrɛma. Ni-yogoyɛ wo, dɛnkɛninyabɛlitayɛ wo, wo fenfen kana taran wo tɛma min si a ma, wo ni wo kan-kɔ sɔ Alla nimɛ la.

1 Pita 1:18

Wo ya kɛ-nya-fuyi minnu sɔrɔn wo benbanu bolo, Yisa fagara ka wo hɔrɔya wonu ma. Wola hɔrɔyɛ ma tɛgɛ fan do ma mɔgɛ si min sara sɛnɛ la, ni wo ma, wodi-gbɛ, ado wonu ti mɛ.

2 Pita 3:17

Kɔnɔ n diyana-mɔgɛnu, wo ara ban hɛnkili sɔrɔnna wonu ma min kɛ, wo ni a ma wo fɛrɛma worɔ. Tɔn-tinyalɛ wonu kana a ma, wo ni sama kilɛ ma.

2 Yɔni 1:8

Wo ni a ma wo fɛrɛma worɔ. Ma ya min kɛ wo ye nun alako wo kana foo a la fɔ ni wo ya wo barayi-kanbalinɛ sɔrɔn.