Kɔlɔsi 2:7 - ALLALA KUMƐ

⁷ Wo ni wo suli layigi ale rɔ pon, iko kɔlɔma ye suli layigila dugi la nya min! Wo si a ma, wo si sɛnbɛ sɔrɔn ale rɔ. Wo sɛnbɛ ni don wola dɛnkɛninyɛ rɔ iko wo karanta nya min. Ka a tɛgɛ a ara min ma wo ye, wo ni to baraka birala a ye dɛɛ!

Kɔlɔsi 2:7 Iomraidhean Croise

Yaburi 1:3

Mɔgɔ-sufa wo mani de iko kɔlɔma-kuri min kinɛ yi da la. A si gbɔ a tumɛ rɔ. A yanba-kunyɛ fanan ti gbala mumɛ! Mɔgɛ wo wa a bole don fenfen tɔ, wo ti sɛgi kɔma.

Yaburi 92:13

Anu bara-koe ye tala yarɔ Mari Alla Bato-Bɔn la iko kɔlɔmanu bi nanfala nya min.

Aiseya 61:3

A ya n sɔ mɔgɔ-makinikininɛ denu ma Yerusalɛm soe burɔ. Mari ko a si mansaya-fulɛ don wo kunyɛ la ta-gbangban gbɛ rɔ. A ko a si lasewa-tuli don wo ma yisi-lafinyɛ gbɛ rɔ. A ko a si tantoli-duruki don wo kan na yisi-tinyɛ gbɛ rɔ. Wo si ma iko Mari nyɛrɛta kɔlɔma-kinɛ. Wo si ata fanka-makawanɛ mayira.

Yɛrɛmaya 17:8

Mɔgɛ wo ra si gbɛlɛya gbon, iko yi-dafɛ-kɔlɔma. Kɔlɔma wo sulinu si yigi saru, ado a si yi sɔrɔn duk! Hali tele fafara a ma nya-wo-nya, wo ti kilan. A nɔrɔnni de tuma-wo-tuma. Hali san tenbira a kun na fɛlɛlɛ, banda ma na, wo ti a tɔrɔ. A gbɔɛ ye a la wati bɛɛ.

Luka 6:48

Wo tigi mani de iko mɔgɛ min tenbi bɔn sɔla, a si denkɛ sin ka a layigi pon ha ka ke kuri ma alako bon-kurukɛ ni sigi farɛ kuma. Bɛ wa fa ka wara, a si tugu wo tigila bɔn burɔ kɔnɔ a la ti maga bawo ala bɔn sɔnɛ farɛ le kuma.

Romu 16:25

Ma ni gbiliyɛ di Alla ma bawo ale le si ke ka wo lasɔ wola dɛnkɛninyɛ rɔ yiri iko Yisa, Allata-Mɔgɔ-Yabɔnɛ wota kibara-nyimɛ ye nya min, n bi min nakela wo ma, kɔni, ado tonyɛ kɛ dogonnɛ wo ma nun kebi fɔlɔ

1 Kɔrɛnti 1:8

A si wo mara alako fɛɛ kana taran wola dɛnkɛninyɛ la, ha ma Mari Yisa, Allata-Mɔgɔ-Yabɔnɛ wa na tumɛ min.

1 Kɔrɛnti 15:58

Woletɔ n na-kelen-nyɔgɛnu, wo ni wo sɔ gben! Wo ni to wɔlila Mari ye tuma-wo-tuma bawo wo ya a lɔn ko wo ye min kɛla Marita wɔlɛ rɔ, wo ti ma fuyi la mumɛ!

2 Kɔrɛnti 1:21

Wo ni wo yili to kɛ ko. Alla nyɛrɛ ara malebɛ wole sɔ Kirasiti rɔ gben! Alla nyɛrɛ le ya ma ma ata mɔgɔ yabɔnɛnu na.

Ɛfɛsa 3:17

N bi a matarala ko Kirasiti ni sigi tinɛ sɔrɔn wo yisi rɔ dɛnkɛninyɛ fɛ. Alamɛ wo suli banbanta ka sabati keninteyɛ rɔ.

Ɛfɛsa 4:21

Wo ya a wara-koe lamɔɛn tumɛ min ka ma aletɛ la, wo ya ata tonyɛ le karan, wo ma?

Ɛfɛsa 5:20

Wo ni baraka bira ma Fa Alla ye fan bɛɛla ko la tumɛ bɛɛ. Wo ni baraka bira a ye ma Mari Yisa, Allata-Mɔgɔ-Yabɔnɛ tɔgɛ rɔ.

Kɔlɔsi 1:23

Nba, wo ni wo sɔ yiri, wola dɛnkɛninyɛ rɔ. Wo kana sɔn, wo ni maga ka bɔ yigi wo rɔ. Wo ya kibara-nyimɛ lamɔɛn tumɛ min, wo ya yigi wo sɔrɔn. Nde, Pɔli le mara kibara-nyimɛ wota wɔli-kɛlɛ la, ado kibara-nyimɛ wo ara ke duninya-mɔgɛ bɛɛ ma.

Kɔlɔsi 3:17

Wo ye koe min bɛɛ kɛla anubɛ wo ye koe min bɛɛ fɔla, wo ni wo bɛɛ kɛ Mari Yisa tɔgɛ rɔ. Wo ni baraka bira ma Fa Alla ye Mari Yisa baraka rɔ.

1 Tɛsalonaika 5:18

Ni ko-wo-ko mara, wo ni baraka bira Alla ye wati bɛɛ, ado Alla ye nyinina wo le ma. Wo ni to wo mala Kirasiti Yisa rɔ.

2 Tɛsalonaika 2:17

Mari ni yisi-kimɛ di wo ma ka wo sɛnbɛ don alako wo ye min kɛla wo, wo ye min fɔla wo, min bɛɛ kin, wo ni wonu kɛ.

Hiburunu 13:15

Nba, ma ye Alla matɔgɔla tuma-wo-tuma min kɛ, ma wa sɔn ata Mariyɛ ma tumɛ min, wo ye sarakayɛ le la Alla ye Yisa baraka rɔ.

Hiburunu 13:9

Wo kana sɔn, karan-kurɛnu ni wo labɔ wola kila-telennɛnu fɛ. A fisa, wo sɔndɔmɛnu ta ni gbɛlɛya Allala hinɛ fɛ. Ka a fɔ ko wo ni tɔn bira dɔn-fen-koela ko la, wo ti ko-wo-ko nyinya wo ma, ado minnu bilanɛ tɔn wonu fɛ, wonu ma dɛnbɛni sɔrɔn wonu tɔ.

1 Pita 5:10

Kɔnɔ wo wa tɔrɔ wati-kundu-ni kɔrɔ, hinɛ-bɛɛ-tigi Alla min bi wo kelela ala habadan-gbiliyɛ ma Kirasiti rɔ, ale nyɛrɛ si wo kanbali ka wo sɔ-bole rabɛn gben!

Yude 1:12

Wole denkɛninya-mɔgɛnu ba bɛn fen dɔn tinɛ, mɔgɛ kɛnu manyimanɛ wo tɛma. Anu bi hɔnna anu nyɛrɛ le dɔrɔn na anuna milibɛlitaya-fen-dɔn la anu bolo. Anu manɛ iko fɔnyɔ siginɛ banda-finyɛ min kɔrɔ. Anu manɛ iko kɔlɔma minnu ti gbɔ mumɛ, hali anu gbɔ-tumɛ kenɛ. Anu manɛ iko kɔlɔma minnu suli labɔnɛ dugi rɔ feu! Anu bara faga don!

Yude 1:20

Kɔnɔ wole, n diyana-mɔgɛnu, wo ni to sabatila wola dɛnkɛninya-sɛnimɛ rɔ. Wo ni madiyali kɛ Allata Ni-Sɛnimɛ baraka rɔ.

Yude 1:24

Nba, ale Mari min si ke wo marala alako wo kana na bui, alamɛ wo sewanɛ sɔra a yakɔrɔ, fɛɛ-wo-fɛɛ sa wo la ala gbiliyɛ rɔ.