Kɔlɔsi 2:16 - ALLALA KUMƐ

¹⁶ Woletɔ wo kana sɔn, mɔgɔ-wo-mɔgɔ ni tɔn sigi wo ma tun wola dɔn-fen-koe anubɛ minni-fen-koe la. Hali tele-sɛnima-koe wo, karɛ-kura-koe wo, Sulen-Tele-koe wo, wo ara hɔrɔya tɔn wonu ma.

Kɔlɔsi 2:16 Iomraidhean Croise

2 Mansɛnu 4:23

Ala kei ya a manyinika ko, “Nfen bi a mala, i ye tala bi? Mɔgɔ si ta nɛbi wara bi? Sulen-Tele le ma bi, ni wo ma, Karɛ-Kurɛ-Ladɛn?” Kɔnɔ musi wo ya a fɔ ko, “N fa, i yisi ni kimɛ. Ma tele, yo. N si i taran.”

1 Ko-Kɔrɔta-Karan 23:31

Anu ba wuli Sulen-Tele-sarakɛ bɔla anubɛ anuna Karɛ-Kurɛ-Ladiyɛ anubɛ anuna ladiyɛ donu, anu si to Mari tantola. Anu bi wɔli kɛla iko a bɛnta, anu ni a kɛ nya min. Anu denu si to Alla batola tuma-wo-tuma.

2 Ko-Kɔrɔta-Karan 31:3

Anu bi sarakɛ minnu mintanna sɔgɔma ani wurɛ la, Mansa Hɛsakaya ya wonu nabɔ a nyɛrɛta kolo-fen-wɔrɛnu tɔ. Anu ya sarakɛ minnu bɔ Sulen-Tele anubɛ karɛ-kurɛ ma, anubɛ sarakɛ doinu, Marita tɔn ya minnuna koe fɔ, ale mansɛ le ya wonu damasi labɔ.

Nihɛmaya 10:31

Ka tenbi wo la, ni anu nara fui-fan la, ni wo ma, fen-gbɛrɛkɛ a mayira-koe la Sulen-Tele ma anubɛ tele-sɛnimɛ do ma, ma ti sɔn anu sanna mumɛ! San-wɔrɔ wo san-wɔrɔ, a wɔrɔnfila nyɔgɛ ma, ma si a ma, mala wɔli-kɛ-tinɛnu ni anu sulen. San wo nyɛrɛ la fanan, tɔn si sigi yili-makele-koe la ma nyɔgɔn tɛma.

Nihɛmaya 10:33

Wo kɔma, ma si to nala biredi-dantɛgɛnɛ la anubɛ tele-wo-tele fui-fen-sarakɛnu anubɛ tele-wo-tele kolo-fen-saraka-mintantɛnu. Wo kɔma, ma si to nala Sulen-Tele-sarakɛnu na anubɛ Karɛ-Kura-Ladiyɛ-sarakɛnu anubɛ ladiya-saraka-toenu. Wo kɔma, ma si na saraka-dantɛgɛni-toenu na katarala ma hakɛ-yamatogon-sarakɛnu. Min sanɛ wo kuma, Bato-Bon-makoe taranta fenfen na, ma si na wonu na.

Nihɛmaya 8:9

Kumɛ min sɛbɛnɛ tɔn wo rɔ, anu ya wonu namɔɛn min kɛ, anu donta diyi-kɛ rɔ bawo kumɛ wonu bara anu sɔn-kunyɛ lamaga. Woletɔ Nihɛmaya min bi anu kun na anubɛ Saraka-Masɔla Ɛsira min bi tɔn-karan-mɔgɔyɛ la, anubɛ Lifayi minnu ya tɔn rakaran anu ye, wonu ya a fɔ mɔgɛnu ye ko, “Tele-sɛnimɛ le bi la mata Mari Alla ye. A ma bɛn, mɔgɔ ni di tele kɛ rɔ.

Yaburi 42:4

N ba n miri ko-tenbinɛnu ma, n yisi si tinya. Fɔlɔ nun, mabɛ mɔgɔ-siyaman bi tala Alla Bato-Bɔn la. Ma tenbi tala, n sɔnɛ anu yarɔ. Anu sewanɛ, anu si a lawɔyɔ sewa-bɛti bɔ tinɛ.

Yaburi 81:3

Buru-fɛ ni a yira ko karɛ-kura-ladiya-wati ara ke. Karɛ wa kɔgɔ, ma si ladiyɛ kɛ tun.

Aiseya 1:13

Wola kɔ-fen di-bole kɛ ti ko-wo-ko nyinya wo ma. Wo ye isɛnti min mintanna, a ko wo sumɛ ma di a ye tun hali! Wola Karɛ-Kura-Ladiyɛnu wo, wola Sulen-Tele-Ladiyɛnu wo, anubɛ wola ladiya-gbɛrɛkɛnu wo, a ko wo bɛɛ sɔgɛ la ara bɔ a la bawo wo ara wo hakɛ basan wonu na.

Isikiyɛli 4:14

Kɔnɔ n ya Mari sɔsɔ, n ko, “N Tigi Mari Alla, i yandi, n kana wo ma. Ha bi, n ma n bole don bɛ ko-kɔsɔni ko rɔ. Ka a bi n dennɛ ma ha kaka, n ma yifɛ dɔn bɛ, ado ha bi, dɔn-fen-sɛninyabɛlɛ ma don bɛ n da rɔ.”

Isikiyɛli 45:17

A saraka-mintanta wo, a fui-fen-saraka wo, a minni-saraka wo, mansɛ wo le ye sarakɛ wonu bɔla Isirɛla mumɛ bɛɛ ye. Anu ba anu kundɛn Karɛ-Tele-Fɔlɛ-ladiyɛ rɔ anubɛ Sulen-Tele ma anubɛ ladiyɛ toenu ma, mansɛ wo ye tola sarakɛ wonu bɔla. Wo bɛɛ si ma Isirɛla hakɛ-yamatogon-fan la.

Saraka-Masɔlɛnuta Tɔnnu 16:31

Tele wo si ma anu sɛninya-tele la, anu dama si sunyɛ don ka anuna wɔlɛnu to nyɔ wulɔn tele kelan. Wo si tɔn kɛnu bira ka a fɔlɔ bi ma ha tumɛ min di Alla ye.

Emɔsi 8:5

Wo ye gbaranna wo nyɛrɛ la, wo ye a fɔla ko, “A sɔgɛ ye ma la, tele-sɛnimɛ kɛnuna wati ni ban tiriya, alako ma ni sɛgi mala yilaya-kɛ-tinɛ. Sulen-Tele kɛ wa ka-a-la, ma si don mala fen-mayirɛnu tɔ tun. Ma si mala fan dɛ gbɛlɛya. Ma si mɔgɛnu kensunya fen-suma-tinɛ. Ma si mɔgɛnu kensunya fannuna gbiliyɛ rɔ fanan.

Yilan-Yilan Koe 10:10

“Karɛ-wo-karɛ a tele fɔlɛ, anu ni Karɛ-Kurɛ-Ladɛn-burinu fɛ ka ladiyɛ kɛ. Anu tenbi saraka-mintantɛnu bɔla wati-wo-wati anubɛ yisi-kima-sarakɛnu, anu si buri wonu fɛ. Anu ya ladiyɛ kɛ tuma-wo-tuma, anu ni buri wonu fɛ. Nde, Mari wa a fɛ-kan lamɔɛn tumɛ min, buri wonu kan si n hɛnkili labila wo lanyiri ko. Nde le wota Mari Alla la min ti wo boloka.”

Matiyu 15:11

Min bi donna mɔgɔ dɛ rɔ, wo ti a latinya fɔ min bi bɔla a da rɔ, wo le si a latinya.”

Maraka 7:19

bawo dɔn-fan ti don a yisi rɔ fɔ ka yigi a buyi burɔ. Wo kɔma, a si bɔ a bagbuyi rɔ.” (Yisa ya kɛ fɔ alako a la ni gbɛ ko a bɛnnɛ mɔgɛ ni dɔn-fen-su bɛɛ dɔn.)

Kɛwɔlɛnu 15:20

Kɔnɔ ma ni kɛdi sɛbɛ anu ma ka a fɔ anu ye ko dɔn-fan min bara di bɛsɛnu ma nun, anu kana wo dɔn bawo a latinyanɛ. Anu ni anu nyɛrɛ matanka yɛlɛnya-su bɛɛ ma. Wo kɔma, anu kana sogo-yifanɛ fenfen dɔn bawo a yele ye a rɔ.

Romu 14:10

Ile min bi i dɛnkɛninya-nyɔgɛ rasɛla, i ye wo mala nfenna? I ye i dɛnkɛninya-nyɔgɛ lafɛyala nfenna? Kiti-tɛgɛ-lunyɛ, ma dama si sɔ Alla yakɔrɔ,

Kalesiya 4:10

Wo ye tele donu anubɛ karɛ donu anubɛ wati donu anubɛ san donu gbiliyala Alla hɛnɛ-koe la,

Kɔlɔsi 2:20

Wobɛ Kirasiti ara faga wo nyɔgɔn fɛ worɔ. Ale ya wo hɔrɔya ka wo bɔ nyina-kun-tiginu fanka kɔrɔ duninya kɛ rɔ. Nfenna worɔ, wo ye ko ladanna iko duninya kɛtɛ le wole la? Nfenna wo ye tɔn kɛ sufanu birala? Wo ye a fɔla ko—

Hiburunu 13:9

Wo kana sɔn, karan-kurɛnu ni wo labɔ wola kila-telennɛnu fɛ. A fisa, wo sɔndɔmɛnu ta ni gbɛlɛya Allala hinɛ fɛ. Ka a fɔ ko wo ni tɔn bira dɔn-fen-koela ko la, wo ti ko-wo-ko nyinya wo ma, ado minnu bilanɛ tɔn wonu fɛ, wonu ma dɛnbɛni sɔrɔn wonu tɔ.

Hiburunu 9:10

bawo wonu bi dɔn-fen-koe anubɛ minni-fen-koe anubɛ fɛrɛ-sɛninya-koe denuna ko la dɔrɔn. Tɔn le wonu na dɔrɔn minnu siginɛ ha Alla ni koe bɛɛ yɛlɛma tumɛ min.

Yemesi 4:11

N na-kelen-nyɔgɛnu, wo kana wo nyɔgɔn mapandin ha ka wo nyɔgɔn yiliki. Ni wo ya wo ma, wo ye Alla leta tɔn mapandinna ka a yiliki. Ka a fɔ i si ke a fɔla ko, “Tɔn kɛ bɛnta, tɔn kɛ ma bɛn,” wo kiti-tɛgɛla ma ile la, ado ita wɔlɛ ye min na, wo le, ka tɔn wonu bira wo bolo filɛ la.

1 Samuwɛli 20:18

Wo kɔma, Yonatan ya a fɔ a ye ko, “Karɛ-Kura-Yen-Tolon le sina. Anu si a lɔn sina ko i sa nyɔ bawo i sigi-tina-makolɔn si to.

1 Samuwɛli 20:5

Dawuda ya a yabi ko, “Karɛ-Kura-Yen-Tolon le sina, ado mabɛ i fa le fen-dɔn-kɛla a warɛ. Kɔnɔ ni i si sɔn, n ni ta binyɛ rɔ ka kan tinɛ do nyini n si n dogon kan min ha sina matenbi wurɛ la.