Kɔlɔsi 2:11 - ALLALA KUMƐ

¹¹ Wo ara kemininya-su-bɛrɛkɛ sɔrɔn Kirasiti rɔ, fɛrɛta-kemininya ma min na. Ale Yisa ya wo fɛrɛ-bɔnku-nata bɔ wo rɔ ata sayɛ fɛ iko kemininyɛ si do bɔ mɔgɔ fɛrɛ la nya min.

Kɔlɔsi 2:11 Iomraidhean Croise

Yɛrɛmaya 4:4

Wo ni wo nyɛrɛ dantɛgɛ Marita wɔlɛ ma. Wo ni ala kumɛ bira wo yisi bɛɛ la. Wole Yerusalɛm kɛnu anubɛ Yuda nyamanta-mɔgɛ bɛɛ, Mari ko wo ni kɛnu ma. A ko ni wo tantanta kɛ do ma, a si wo halaki ata fondo-bɔɛ la min manɛ iko tɛ, ado mɔgɔ ti ke tɛ wo ladufenna ka a tɛgɛ wo sɔn-yogomɛla ko ma.

Maraka 14:58

Anu ko, “Ma ya a lamɔɛn a ye a fɔla ko mɔgɛnu bara Alla-Bato-Bɔn kɛ min sɔ, a si wo wayan. Tele sawa kɔma, a si a kurɛ sɔ tun, mɔgɔ ma min sɔ.”

Luka 2:21

A tele segin nyɔgɛ, dennɛ lakemininya tumɛ kera. Anu ya a tɔgɔ sa Yisa iko melika ya a fɔ a na ye nya min yanni a ni a buyi bi.

Kɛwɔlɛnu 17:24

Alla min ya duninya dan anubɛ fan min bɛɛ ye a rɔ, wo le ye san-kole anubɛ dugu-kole kun-tigi la. A sigini ma mɔgɛnuna bato-bon-sɔnɛnu na,

Kɛwɔlɛnu 7:48

“Kɔnɔ Alla Min Bi Fan Bɛɛ Kun Na, wo sigini ma mɔgɔna-bon-sɔnɛnu burɔ. Iko nɛbi ya a fɔ nya min wo la, a ko,

Romu 2:29

Kɔnɔ Yahudiya-bɛrɛ le wo mɔgɛ la min telennɛ Alla ye. Woletɔ kemininya-bɛrɛ ye mɔgɔ-yisi le tɔ. Allala Ni-Sɛnimɛta wɔlɛ le wo la. Tɔn-birɛ mako sa wo la. Yahudiya-bɛrɛ si matɔgɔlɛ sɔrɔn Alla bolo. A ti a sɔrɔn mɔgɛ bolo.

Romu 6:6

ado ma ya a lɔn ko ma sɔn-kɔrɛ wo, wo ara faga Kirasiti fɛ ata kɔlɔma ma. Wo mara le alako hakɛ kana sɛnbɛ sɔrɔn ma kuma tun ka ma to hakɛ-yɔɔnyɛ kɔrɔ.

Romu 7:24

E, mɔgɔ-tɔrɔnɛ le nde la feu! Yon si n nakanan hakɛ ma min bi n halakila n fɛrɛ-bɔnkɛ kɛ rɔ?

2 Kɔrɛnti 5:1

Ma ya a lɔn ko ma ye fani-bɔn kɛ minnu burɔ duninya kɛ rɔ, ma bagbuyi, kɔni, wonu ba wayan tumɛ min, bɔn ye Alla bolo Arinyɛni tɔ ma niyi ye, ado hadama-den ma bɔn wo sɔ. Wo si ma habadan-bɔn la ma ye.

2 Kɔrɛnti 5:17

Mɔgɔ-wo-mɔgɔ wa ma Kirasiti halalɛ la, mɔgɔ-kurɛ le wo tigi la. Ko-kɔrɔmɛnu bara tenbi, nba, koe bɛɛ ara ma a kurɛ la gbɛ!

Kalesiya 2:20

Woletɔ nde belini ma tun fɔ Kirasiti min belinɛ nde rɔ. N bi nya min kaka, n bi wo nya dɛnkɛninyɛ le fɛ Allala den Yisa rɔ. Wo le ya n keni ka faga ndela ko la.

Kalesiya 5:24

Wole min bara ma Kirasiti Yisatɛ la, wo ara wo sɔn-yogomɛ anubɛ nata bɛɛ faga.

Ɛfɛsa 4:22

Woletɔ wo ye tagamana wo kɛ-nya-kɔrɛ min tɔ nun, wo ni wo boloka. Kɛ-nya-kɔrɛ wo ya miriya-yogomɛnu don wo yisi rɔ min ya wo lasama kilɛ ma.

Tɔn-Fɔɛ-Fila-Nyɔgɛ 10:16

Ka a dabira bi ma, wo ni Marita tɔnnu bira. Wo ni fara tolo-gbɛlɛyɛ la.

Tɔn-Fɔɛ-Fila-Nyɔgɛ 30:6

Wota Mari Alla si miriya-nyimɛ don wobɛ wo kegeyɛnu yisi rɔ ka ata kuman-kan bira. Wo si a keni wo yisi bɛɛ la. Wo siginɛ si to nyɔ lanyiri-nyamanɛ rɔ.

Filipai 3:3

ado male ara kemininya-bɛrɛ sɔrɔn. Anu denu ma de! N bi wo fɔla bawo male ye Alla batola ata Ni-Sɛnimɛ baraka rɔ. Male ara nyagalen ma tagama-nyala ko la Yisa Kirasiti rɔ. Mɔgɛnu bi min mala anu fɛrɛnu na, male ti ma yigi sa wo kuma hali doni!

Kɔlɔsi 3:5

Duninya-nata min bi wɔlila wo rɔ, wo ni wo faga. Yɛlɛnyɛ wo, ko-kɔsɔnɛ wo, keni-yoge wo, nata-yogomɛnu wo, wonu fenfen kana sigi tina sɔrɔn wo yisi rɔ. Fan minnu bi duninya kɛ rɔ, wonu bi-sɔgɛ kana wo bira bawo bɛsi-kɔ-ko-su do le wonu na.

Hiburunu 9:11

Fen-nyimɛ minnu bi nyɔ kaka, Kirasiti nara tumɛ min, a nara saraka-masɔla-kun-tigi-wayɛ la wonu denu kuma. A ye wɔlila fani-bɔn min na, wo kolo, ado a kanbalita feu! Mɔgɔ ma a ladan, ado duninya kɛta ma wo la.

Hiburunu 9:24

Kirasiti ma don Kan-Tina-Sɛnimɛ rɔ min nadannɛ hadama-dan bolo. Min bi Arinyɛni tɔ, fani-bɔn wola muninyɛ le wo la dɔrɔn. Kirasiti tara Arinyɛnɛ nyɛrɛ le tɔ, a ye Alla yakɔrɔ kan min kaka ma dɛnbɛn-koe la.