Kɔlɔsi 2:1 - ALLALA KUMƐ

¹ N bara wɔli-gbɛlɛmɛ min kɛ wobɛ Leyodisiya kɛnu ye, n ni wo lalɔn wo la. N bara tɔrɔ dɛnkɛninya-mɔgɛ donu ye minnu ma n yen bɛ.

Kɔlɔsi 2:1 Iomraidhean Croise

Ko-Dabirɛnu 30:8

Resɛli ko, “Mabɛ n kɔrɔ-musi ara kɛlɛ kɛ bɛrɛkɛ kɔnɔ nde ara ale nɔ.” Woletɔ Resɛli ya dan wo tɔgɔ sa Nafatali bawo tɔgɛ wo kɔrɛ le iko mɔgɔ wa a fɔ ko, “Kɛlɛ kɛ.”

Luka 22:44

Yisa tɔrɔta bɛrɛkɛ min kɛ, a ya madiyali kɛ bɛrɛkɛ! Wusi bɔra a ma iko yele ka tinti dugi ma.

Kɛwɔlɛnu 20:25

“N bara tagama wo bɛɛ tɛma ka Allala-mansaya-kawandili bɔ kɔnɔ kaka, n ya a lɔn ko wo fenfen ti n yen kɛ kɔma tun.

Kɛwɔlɛnu 20:38

A ya a fɔ min kɛ ko anu ti a yakɔrɛ yen tun, wo ya anu yisi tinya bɛrɛkɛ! Woletɔ anu tara a fɛ ha kulun-dɛ la.

Kalesiya 4:19

Kɔnɔ n diyana-dannu, n bi dumɛ rɔ wola ko la iko musu buyi wa a lamaga, ado a si to wo nya na ha wo sɔn ni ma iko Kirasititɛ.

Filipai 1:30

Wo ya n yen kɛlɛ kelen min kɛla fɔlɔ, n bi kɛlɛ kelan wo kun na ha kaka iko wo ye a lamɔɛnna nya min. Nba kaka, wo ni wo sɔ n fɛ kɛlɛ-kɛ-tinɛ kibara-nyimɛla ko la.

Kɔlɔsi 1:24

Nba, anu ba n tɔrɔ tumɛ min, n si sewa wola ko la. Bawo n bagbuyi ye tɔrɔyɛ min sɔrɔnna, n bi Kirasitila tɔrɔyɛ le makofula ata chɔchila ko la wo la, a bagbuyi, kɔni.

Kɔlɔsi 1:29

N bi wɔlila wola ko la ka n taya bɛrɛkɛ! Kirasiti ye fanka min dila ma ma, fanka wo ye wɔlila n tɔ.

Kɔlɔsi 2:5

Hali n bagbuyi sa wo fɛ, nna hɛnkili ye wo ko, ado n sewanɛ ka wo sɔnɛ yen dɛnkɛninyɛ rɔ wo nyɔgɔn fɛ Kirasiti rɔ.

1 Tɛsalonaika 2:2

Yanni ma ni ke wo ma Tɛsalonaika, Filipai kɛnu bara ma bira boloko-yogomɛ-kɛ. Mɔgɛnu ya ma lafɛya nyɔ kɔnɔ hali wo, mata Alla ya yisi-latɛgɛ di ma ma ko ma ni ata kibara-nyimɛ fɔ wo ye.

Hiburunu 5:7

Yisa ye dugu-kole kɛ kuma tumɛ min, Alla min si ke a kisila sayɛ ma, a ya wo madiya a kulu-mayɛlɛnɛ anubɛ diyi la a bolo. Alla ya a wɔlɔ matɔlɔ Yisa la bawo a ya a famayigi ka madiyali kɛ, ado a telenta.

1 Pita 1:8

Wo ma Yisa yen bɛ kɔnɔ wo ara a keni. Wo ma a yen bɛ wo yɛ la, hali wo, wo dɛnkɛninyanɛ a ma. Woletɔ wo ye nyagalenna ka sewa-makawani-wɛ kɛ, hadama-dan dɛ ti ke min fɔla.

Lankɛnimayɛ 1:11

A ko, “I ye nala min yenna, i ni wo sɛbɛ. I wa ban wo sɛbɛla, i ni kitabu wo lata chɔchi wɔrɔnfilɛ kɛnu ma, Ɛfɛsa wo, Simirina wo, Pɛragama wo, Tayataira wo, Sadisi wo, Filadɛlifiya anubɛ Leyodisiya.”