Kɔlɔsi 1:9 - ALLALA KUMƐ

⁹ Wo le ya a to, kebi ma ya wo wara-koe lamɔɛn, ma ye Alla matarala wo ye tumɛ bɛɛ. Ma ye a matarala ko Alla ye min fɛ wo bolo, wo ni wo lɔn. Ma ye a matarala fanan ko a ni Allata Ni-Sɛnimɛta hɛnkili anubɛ ata lɔnnɛ di wo ma.

Kɔlɔsi 1:9 Iomraidhean Croise

Yaburi 119:99

N hɛnkili da-rakolo n karan-mɔgɛ bɛɛtɛ ko bawo ila karan ma bɔ n kunyɛ rɔ.

Yaburi 143:10

N ni min ma, wo fɔ n ye bawo nta Alla le ile la. Ila nyimayɛ ni n bila kila-nyimɛ fɛ.

Yɔni 7:17

N bi mɔgɛnu karanna min na, ni minnu bi a fɛ ka Allala diyana-koe kɛ, wo tigi si a lɔn ni Allatɛ le, ni wo ma, ni n bi kumala n nyɛrɛta miriya rɔ.

Kɛwɔlɛnu 12:5

Pita sanɛ yele la tumɛ min, Mari Yisata mɔgɛnu ma fara Alla matarala a ye mumɛ!

Romu 12:2

Wo kana wo raya ka wo nyɛrɛ kɛnya duninya kɛ koenu ma fɔ wo ni sɔn ko Alla ni wo sɔndɔmɛ yɛlɛma ka hɛnkili-kurɛ di wo ma. Wo si a ma, wo ni ke Alla sako lɔnna. Alla ye nyinina min ma, wo kin, wo si a diya don a rɔ, ado mɔgɛ ti ke fɛɛ yenna a la.

1 Kɔrɛnti 1:5

Yisa Kirasiti ya a ma, wo ara ma-a-la ko-nyimɛ-bɛɛ rɔ, ado a ya sɛnbɛ di wo ma ka ata kumɛ lake. A ya lɔnnɛ fanan di wo ma a wara-koe rɔ.

Ɛfɛsa 1:8

a ya min nabon ma kuma, kɔni. A ara ban a latɛgɛla Yisa Kirasiti baraka rɔ ata hɛnkili anubɛ ata lɔnnɛ fɛ ko a ni a nyɛrɛta gbundu-koe labɔ gbɛ rɔ ma ye.

Ɛfɛsa 5:10

Wo ni wo raya ka Mari diyana-koenu lɔn.

Ɛfɛsa 5:17

Wo kana ma kun-takolɔnnu na worɔ. Wo ni wo sɛbɛ don Mari sako-lɔn-koe ma.

Ɛfɛsa 6:6

Wo ni wola wɔlɛ kɛ wo sɛbɛ la hali anu kɔma. Wo kana a ma alako anu ni wo matɔgɔ. Wo ni Alla-diyana-koenu kɛ wo yisi bɛɛ la iko wo ye wɔlila Kirasiti ye nya min.

Filipai 1:4

ado n ba Alla matara wo ye wati min, n bi a matarala sewɛ la

Kɔlɔsi 1:6

Kibara-nyima-kelan kɛ min nara wole ma, wo ye nyɛnsɛnna duninya kan tinɛ bɛɛ rɔ. Kebi wo ya Allata hinɛ lɔn tumɛ min a bɛrɛbɛrɛ-wɛ ma, ha bi, a ye mɔgɛnu yɛlɛmana iko a ara wole yɛlɛma nya min.

Kɔlɔsi 3:16

Kirasitita kumɛ ni sigi wo yisi rɔ ka wara nyɔ. Wo ni wo nyɔgɔn karan ka wo nyɔgɔn makawandi hɛnkilimayɛ la. Wo ni to bɛtinu bɔla Yaburi kitabu rɔ ka sigi-sɛnimɛnu sa. Wo ni bɛti wonu bɔ Alla ye baraka-birɛ la wo yisi rɔ.

Kɔlɔsi 4:12

Wo ta-nyɔgɛ Ɛpafarasi ye wo kɔndɔnna. Yisa Kirasitita wɔli-kɛlɛ le ale fanan na. A si a raya madiyalɛ ma wo ye tumɛ bɛɛ. A ye Alla matarala ko wo kanbalinɛ ni to sɔnɛ yiri, ka Alla sako bira koe bɛɛ rɔ.

Kɔlɔsi 4:5

Wo ni ma hɛnkilimɛnu na dɛnkɛninyabɛlɛnu bara la. Wo ye fɛrɛ min bɛɛ sɔrɔnna, wo kana wo tinya.

1 Tɛsalonaika 1:3

Ma wa madiyali kɛ ma Fa Alla ye tuma-wo-tuma, ma si to wola kɛwɔlɛnu takaranna a ye, wo ara minnu kɛ ka a tɛgɛ wola dɛnkɛninyɛ ma. Wo ya wɔli-gbɛlɛmɛ min kɛ ka a tɛgɛ wola keninteyɛ ma Yisa wara la, ma yili tonɛ wo ko. Wo yigi tonɛ Mari Yisa, Allata-Mɔgɔ-Yabɔnɛ rɔ nya min, ma yili tonɛ wo bɛɛ ko wo nya na le!

1 Tɛsalonaika 5:17

Wo kana kuri Alla matara tinɛ.

2 Tɛsalonaika 1:11

Wo le ya a to, ma ye Alla matarala wo ye tumɛ bɛɛ. Ma ye a tarala ko a ara wo kele nimaya-su min ma, wo kɛ-nya ni bɛn wo ma. Ko-nyimɛ min bɛɛ kɛ-sɔgɛ ye wo la, alamɛ ata sɛnbɛ ya wo dɛnbɛ wo rɔ ka wola kɛwɔlɛnu dafa.

Failiman 1:4

N na-kelen-nyɔgɛ Failiman, n ba Alla madiya tuma-wo-tuma, n bi madiyali kɛla i ye. N si baraka bira nta Alla ye

Failiman 1:6

N bi Alla madiyala ko ma ye ta-nyɔgɔnyɛ min kɛla i fɛ dɛnkɛninyɛ rɔ, wo ni a ma, i ni Allata duwɛ bɛɛ nya-yen, ado Alla ya min bɛɛ ma ma ye, wo ye ma bolo Kirasiti baraka rɔ.

Hiburunu 10:36

Wo ni wo tunadiya alako wo ni Alla sako kɛ. Ni wo ya wo ma, Alla ya lanyiri min kiri, wo si wo sɔrɔn.

Hiburunu 13:21

wo makoe ye min bɛɛ la ka a sako kɛ, alamɛ wo ya wo bɛɛ sɔrɔn. Alamɛ Alla ya ata wɔlɛ kɛ wo sɔndɔmɛ rɔ Yisa Kirasiti baraka rɔ, alako wo ni ma iko a ye nyinina a ma nya min. Nba, gbiliyɛ ni di Kirasiti ma tolon! Amina.

Yemesi 1:5

Ni min hɛnkili dasanɛ, wo tigi ni Alla matara. A si hɛnkili di a ma bawo Alla le si mɔgɛ kɔ foninsereyɛ la. A si sewa wo tigi la, ado a ti mɔgɔ lafɛya.

Yemesi 3:17

Kɔnɔ hɛnkili min bɔnɛ san ma, a fɔlɔtɛ ye min na, a sɛnima. A yisi-kimanɛ fanan. A dinyanɛ. A madiya-koe ma gbɛlɛ. A fanɛ kinikinɛ la. A ye kɛwɔli-nyimɛnu kɛla. A ti lafisayalɛ kɛ. A ti a nyɛrɛ kɔrɔta.

1 Pita 2:15

ado Alla sako le wo la. A ye a fɛ, wo ni yuwaya-kuma-fɔlɛnu dɛ lakiri wola ko-nyimɛnu na.

1 Pita 4:2

Nba, ka a dabira bi ma, ha ka a sigi wo siyi-toe la, wo ni to Alla sako kɛla. Wo kana to wo diyana-koenu dɔrɔn kɛla,

1 Yɔni 2:17

Duninya anubɛ fan min bɛɛ ye a rɔ, min sɔgɛ si mɔgɔ bira, wonu bi tenbila le. Kɔnɔ ale min bi Alla diyana-koe kɛla, wo ye tola le habadan!

1 Yɔni 5:20

Min tugunnɛ wo la, ma ya a lɔn ko Allala dan ara na nun, ado a ara hɛnkili di ma ma alako ma ni Alla-bɛrɛ lɔn. Wo ara a yira ko mabɛ Alla anubɛ ala den Yisa Kirasiti min bi Allayɛ la, ma ara tugun ma nyɔgɔn na ka to ko kelen tɔ. Habadan-nimayɛ le ale la fanan.

1 Samuwɛli 12:23

Kɔnɔ ni nde, Samuwɛli ya n ban Mari madiyala wo ye, wo si ma hakɛ la n bolo, ado Mari ni n tanka wo ma. Yanni n ni wo ma, n si wo karan tonyɛ anubɛ ko-latelennɛ ma.