Emɔsi 1:3 - ALLALA KUMƐ

³ Emɔsi ya Mari kuman-kan latenbi ko, “Wole Damasika kɛnu, wo ara hakɛ dan-natenbi, ado a ko a si wo tɔrɔ, yɔ! Wo ara Kaliyadi nyamanita-mɔgɛnu bira boloko-yogomɛ-kɛ.

Emɔsi 1:3 Iomraidhean Croise

1 Mansɛnu 19:17

Ni min ya a buri Hesiyɛli kɔrɔ, Yehu si wo faga. Ni min ya a buri Yehu kɔrɔ, Ilaisa si wo faga.

2 Mansɛnu 13:3

Wo le ya a to, Mari fonde bɔra Isirɛla nyamanɛ kuma. Mari ya a ma, Siriya Mansa Hesiyɛli anubɛ ala den Bɛnhedadi mɛra Isirɛla mɔgɛnu kun na.

2 Mansɛnu 13:7

Siriya mansɛ ya Mansa Yɛhowahasila kɛlɛ-dannu nunku iko foni-fɔrɔn. Kɛlɛ-den fenfen ma to fɔ so-laburila mɔgɔ bi-loli, kirindi tan, anubɛ kɛlɛ-dan mɔgɔ waga tan. Wonu denu dɔrɔn tora.

2 Mansɛnu 16:9

Kilayɛ wonu ke, wonu ya anu dantɛgɛ. Woletɔ ka a yira Mansa Ehasi la ko a ara sɔn, Mansa Pulu tara bui Damasika kɛnu ma Siriya nyamanɛ rɔ. A ya soe wo bi Siriyanu bolo ka nyɔ-mansɛ Risen faga. A tara nyɔ-mɔgɛnu na Kira soe burɔ.

2 Mansɛnu 8:12

Hasiyɛli ya a manyinika, a ko, “N fa, i ye dila nfen na?” Nɛbi Ilaisa ko, “Ile ye nala koe min sigila Isirɛla mɔgɛnu ma yarɔ, wo le ye a mala, n bi dila ka. Ile si tɛ tugu anuna so-hakikɛnu na. I si Isirɛla kemini-mɛsɛnu mɔnima-fagɛ-kɛ, ado i si anuna dannu bi ka anu gbesi dugi la ha anu ni faga. I si nyaganɛ-kolomɛnu buyi laka.”

Yobu 19:3

Tuma-wo-tuma, wo ye n mɔɛnna. Wo ti miliya n mɔɛn tinɛ lefan!

Yobu 5:19

Mɔgɔ wa gbalo sɔrɔn tumɛ min, Alla si to a kunyɛ bɔla wo rɔ.

Hɛnkilimaya-Kumɛnu 6:16

Ko-yogoma wɔrɔnfila ye nyɔ Mari ti ke a munyuna minnu kɔrɔ, 1. wasinteyɛ 2. foninya-fɔɛ 3. mɔgɔ-fagɛ min ma ko tinya 4. minnu miriya bɛnnɛ ko-yogomɛ ma tolon 5. minnu nakala ko-yogomɛ ma tinɛ 6. sereyɛ minnu bi foninyɛnu sala anu nyɔgɔn kuma 7. nafigi minnu bi na-kelen-nyɔgɛnu kunyɛ tugula anu nyɔgɔn na.

Makawandili Kumɛnu 11:2

I ni ila wodi lamara kan-tina-siyaman tɔ bawo i ma a lɔn kasarɛ ye bɔla kan bara la.

Aiseya 28:27

A si poritɛ anubɛ kɛnɛ tugu kɔlɔn rɔ. A si fui-fan gbesi kɔlɔma la ka tigɛ sii walan ma.

Aiseya 41:15

Wo si ma iko fui-fen-gbesi-fan, a da lasulennɛ, ado a si wɔli a kin na! Wo si kɔnkɛnu tii mɛmɛ! Gburukulinu si ma iko fui-fen-fofe.

Aiseya 7:16

yanni wo wati ni ke, mansa filɛ minnu bi i rakilanna, wonuta nyamanɛ ta ara kolonya filili!

Aiseya 7:8

A ko min ya a to a ya kɛ fɔ, Siriyanu ta ma gbɛlɛ ka ke anuna so-karantan Damasika kɛnu tɔ. Damasika kɛnu fanan ta ma gbɛlɛ ka ke anuna Mansa Risen tɔ, ado yanni san bi-wɔrɔ ani san loli (65) gbɛ, a ko Isirɛla mɔgɛnu ta ara ban nyɛnsɛnna. Mɔgɛ ti anu lɔn fenfen na wo rɔ tun.

Aiseya 8:4

A ko yanni dan wo ni kusanya a fa anubɛ a na rakelela, a ko wo si a taran, Asiriya mansɛ ara ban Damasika fen-kolomɛnu kankanna anubɛ Samariya fen-kolomɛnu ka ta anu na a warɛ.

Emɔsi 1:11

“Mari ko wole Idɔm mɔgɛnu, wo ara hakɛ dan-natenbi, ado a si wo tɔrɔ, yɔ! Wo ara wola kɛlɛ-kɛ-mirannu bi ka wo na-kelen-nyɔgɔ Isirɛla mɔgɛnu manɛgɛn. Wo ma sɔn kinikinina anu ma mumɛ! Wola diminyɛ ma sɛgi kɔma.

Emɔsi 1:13

“Mari ko wole Amon nyamanita-mɔgɛnu, wo ara hakɛ dan-natenbi, ado a si wo tɔrɔ, yɔ! Wo ye wola nyamani-kuma-kɛlɛ kɛla tumɛ min, wo ya ko-yogoma-siyaman ma hali ka nyaganɛ-kolomɛnu buyi rafara Kaliyadi nyamanɛ rɔ.

Emɔsi 1:6

“Mari ko wole Kesa kɛnu, wo ara hakɛ dan-natenbi, ado a si wo tɔrɔ, yɔ! Wo ara ta so-kun-siyaman mɔgɛnu bira boloko-yogomɛ-kɛ ka anu mayira Idɔm nyamanita-mɔgɛnu ma min kɛ, woletɔ Mari ko

Emɔsi 1:9

“Mari ko wole Taya kɛnu, wo ara hakɛ dan-natenbi, ado a si wo tɔrɔ, yɔ! Wo ara ta so-kun-siyaman mɔgɛnu bira boloko-yogomɛ-kɛ ka anu mayira Idɔm nyamanita-mɔgɛnu ma. Wo ya lanyiri min kiri wo nyɔgɔn tɛma, wole ma wo kan wo latɔnbagaya.

Emɔsi 2:1

“Mari ko wole Mohabu mɔgɛnu, wo ara hakɛ dan-natenbi, ado a si wo tɔrɔ, yɔ! Wo ya Idɔm mansɛ kanbɛ laka ka a kolenu nabɔ. Wo ya anu mintan gburr, alako Idɔm nyamanita-mɔgɛnu ni yarabi.

Emɔsi 2:4

“Mari ko wole Yuda nyamanita-mɔgɛnu, wole ara hakɛ dan-natenbi, ado a si wo tɔrɔ, yɔ! Mari ko wo ara ale nyɛrɛta karan lɔn fufafuyi la ka tɛgɛ a rɔ. Wo ye bɛsɛnu kɔla iko wo benbanu ya a ma nya min.

Emɔsi 2:6

“Mari ko wole Isirɛla mɔgɛnu, wole fanan ara hakɛ dan-natenbi, ado a si wo tɔrɔ, yɔ! Hali bolo-kolɔn minnu bi wo tɛma, wonu natelennɛ kɔnɔ hali sanbara-sɔnkɛ, anu ti ke wo sɔrɔnna. Wole ye bolo-kolɔn wonu mala yɔɔnnu na ka anu mayira ka a tɛgɛ anuna yilinɛnuna ko ma.

Sakaraya 9:1

Mari kolan ye mɔgɛ bɛɛ la katarala Isirɛla bɔnsɔnnu ma. Mari ko a si tɔrɔyɛ lana Hadiraki nyamanɛ anubɛ Damasika soe kan ma,

Sakaraya 9:2

hali Hamati soe min bi Hadiraki wo dafɛ. Hali anu hɛnkili kolo nya-wo-nya, a si tɔrɔyɛ lana Taya anubɛ Saidon soenu ma fanan.