Biblia Todo Logo
Bìoball air-loidhne

- Sanasan -




Aiseya 9:9 - ALLALA KUMƐ

9 Isirɛla mɔgɛ damasi si a lɔn yati, ko Alla ara anu yiliki katarala minnu siginɛ Samariya soe burɔ, ado kaka, anu sa ko-wo-ko kun na fɔ kɔgɔ-ratugu anubɛ wasinteyɛ. Anu bi a fɔla ko,

Faic an caibideil Dèan lethbhreac




Aiseya 9:9
23 Iomraidhean Croise  

Nɛbi Mɛkaya ya a fɔ a ye ko, “Fɔ i wa ta i dogon tinɛ bɔn do burɔ lun min, i ni na to a lɔnna.”


Mɔgɔ-wasinɛ ti mɛ buila. Wasinteyɛ si mɔgɛ kasara.


Mari, i yogenu ma a lɔn mumɛ, ko i si anu tɔrɔ dɛɛ! Anu namiliya le serr, anu ni tɔrɔ. I ya tɔrɔ-dagɛ min namara anu ye, i ni wo rawuya anu kunyɛ ma. Ita mɔgɛnu di i ye nya min, i ni wo yira anu na.


Isirɛla kantɔ-nyamanɛ ye nala kasarala. Anuna gbiliyɛ ye nala fɔsɔla iko kɔn-fere minnu bi anuna mɔgɔ-ba-gbɛɛtoenu kunyɛ rɔ. Hali sɛnti-suma-diyamɛ kɛnɛ anu kunyɛ rɔ, ado anu wasinɛ, anu malɔfɔkɔrɔyanɛ sanɛ gbɛɛ bolo.


Mɔgɔ-ba-gbɛɛtoe wonuna wasinteyɛ si taran anu yogenu denu kin kɔrɔ.


Wole tolo-gberenu, a ko wo ni wo tole masɔ, wole min fɛ-yan ko-telennɛ la, kɔni.


A ko a ya a lɔn ko wo si ma tolo-gbɛlɛnu na. Wo tole gbɛlɛ iko nɛgɛ anubɛ silɛɛ.


A lamɔɛn Yuda mansɛ bolo nun ko Siriya kɛlɛ-dannu bara don Isirɛla nyamanɛ rɔ, anubɛ ala nyamanita-mɔgɛnu kilanta ha anu tora yɛrɛyɛrɛnna iko fɔnyɔ tenbi kɔlɔmanu namagala.


Mari ara ban Isirɛla nyamanita-mɔgɛnu yilikila, Yakoba kegeyɛnu, kɔni.


“Babilɔn kɛnu bara bɔnkɛ ladɛn tarɛ kɔma alako anu ni Yerusalɛm soe bira, ado anu bi ma kɛlɛ-tinɛ le. Kɛlɛ wo, kɔnkɔ wo, anubɛ kirayɛ si a ma, soe kɛ ni don anu bolo. I wara min bɛɛ fɔ, i ma a yen, wo bɛɛ ara bɔ-a-la,


N ba Iyipiti nyamanɛ tɔrɔ ka tumɛ min, anu bi a lɔnna wo le ma ko Mari le nde la.”


Kɔnɔ ila kumɛnu ba bɔ-a-la tumɛ min, anu bi a lɔnna wo le ma ko yaga, nɛbi ye anu tɛma nun, ado anu bi mala le, yɔ!”


Wola mansɛnu si to dila. Anuna dannu kumakɔnɛ si to. Mɔgɛ bɛɛ ra si maga kilan bolo. N si wo tɔrɔ ka a tɛgɛ wo ara minnu ma. N si wo kiti iko wo duruta doinu kitila nya min. Wo si a yira wo la wo rɔ ko Mari le nde la.”


N ti n yɛ labelen wola hakɛ ma ka kinikini wo ma. N ti wo to wo niyi la. Fɔ n ba wo tɔrɔ ka a tɛgɛ wola kisimiriya-koenu ma alako wo ni a lɔn yati, ko Mari le nde la. Fɔ wo wa a lɔn de ko wo tɔrɔlɛ le nde la.


“Wole Isirɛla mɔgɛnu bara bon-hakikɛnu sɔ wo nyɛrɛ ye ka nyina nde, wo Dali-Mari ko salon! Wole Yuda kɛnu fanan bara wola so-latankanɛnu sɔ kɔnɔ nde, Mari si tɛ layigi ka bon-hakikɛ wonubɛ so-latankanɛ wonu mintan gburr!”


Idɔm kɛnu, Isɔ kegeyɛ, kɔni, tumado wonu si a fɔ ko, “Hali mala soenu bara kasara, ma si anu sɔ-kura-kɛ tun.” Ni anu ya wo fɔ, Mari si a fɔ worɔ ko ni anu ya anu sɔ tun, a si na anu tii mɛmɛ! Mɔgɛnu si na nyamanɛ wo kele ko, “Karagbɛlɛya-nyamanɛ.” Anu si to a fɔla tun fanan ko, “Mari fonde bɔnɛ nyɔ-mɔgɛnu kan ma tolon!”


Mari ko wo ya kuma-gbondanɛ fɔ a ma. Kɔnɔ wo ya a manyinika ko, “Ma ya nfen fɔ i ma nun?”


Mari Sɛnbɛ-Bɛɛ-Tigi ya a fɔ ko wati ye nala, mɔgɔ-wasinɛnu anubɛ karagbɛlɛ damasi si mintan gburr iko bin-gbalɛ.


Fonikenu fanan ni sɔnnaya kɛmɔgɛnu ye wo nya na le. Wo dama ni famayigiya-duruki don wo kan na ka wɔlɛ kɛ wo nyɔgɔn ye, ado a sɛbɛnɛ Allala kitabu rɔ ko, “A mako sa mɔgɔ-wasinɛnu na kɔnɔ a si ata hinɛ yira mɔgɔ-famayiginɛnu na.”


Lean sinn:

Sanasan


Sanasan