Aiseya 8:4 - ALLALA KUMƐ

⁴ A ko yanni dan wo ni kusanya a fa anubɛ a na rakelela, a ko wo si a taran, Asiriya mansɛ ara ban Damasika fen-kolomɛnu kankanna anubɛ Samariya fen-kolomɛnu ka ta anu na a warɛ.

Aiseya 8:4 Iomraidhean Croise

2 Mansɛnu 15:29

Mansa Pekata wati kɔrɔ, Asiriya Mansa Pulu nara so-kun loli bi Isirɛla nyamanɛ rɔ. So-kun loli, wo le kɛnu na, Iyɔn wo, Ebɛli-Bɛti-Meyaka wo, Yanowa wo, Kɛdɛsi wo, anubɛ Hesɔ. A ya Isirɛla nyamani-kun sawa fanan bi, Kaliyadi wo, Kalili wo anubɛ Nafatali. A tara nyɔ-mɔgɛ bɛɛ la a warɛ Asiriya.

2 Mansɛnu 16:9

Kilayɛ wonu ke, wonu ya anu dantɛgɛ. Woletɔ ka a yira Mansa Ehasi la ko a ara sɔn, Mansa Pulu tara bui Damasika kɛnu ma Siriya nyamanɛ rɔ. A ya soe wo bi Siriyanu bolo ka nyɔ-mansɛ Risen faga. A tara nyɔ-mɔgɛnu na Kira soe burɔ.

2 Mansɛnu 17:3

Asiriya Mansa Salamanisa nara bui Isirɛla Mansa Hoseya ma. Wo mara ala wɔli-kɛlɛ la. San-bo-san, a si to a kunka-fan natala a ma Asiriya nyamanɛ rɔ.

Aiseya 17:1

Mari ko Damasika soe si ma tonbɔn la,

Aiseya 17:3

A ko Isirɛla mɔgɛ minnu bi so-latankanɛnu tɔ, wonu ti ke anu nyɛrɛ kumafunfanna tun. Damasika kɛnu ti to anu nyɛrɛ la tun. A ko Siriya-toe minnu tonɛ, wonu si to miliyɛ kɔrɔ iko Isirɛla mɔgɛnu. Mari Sɛnbɛ-Bɛɛ-Tigi kan le kɛ la.

Aiseya 28:4

Anuna gbiliyɛ si sama anu ma iko kɔn-gbɔ-mɔ-fɔlɔtɛ ye banna a la nya min tiriya! Min tenbi mɔla anu bi wo bɔla a la.

Aiseya 8:5

Mari kumara n ye tun. A ko

Emɔsi 1:3

Emɔsi ya Mari kuman-kan latenbi ko, “Wole Damasika kɛnu, wo ara hakɛ dan-natenbi, ado a ko a si wo tɔrɔ, yɔ! Wo ara Kaliyadi nyamanita-mɔgɛnu bira boloko-yogomɛ-kɛ.

Emɔsi 1:5

A ko a si Damasika tara-dɛ keri. A ko a ye nala mɔgɛ wonu gbenna minnu bi Efɛn lɛɛ rɔ anubɛ wola kun-tigi min bi Bɛti-Idɛn soe kun na. Mɔgɛ donu si na bui Siriyanu ma ka ta anu na Kira nyamanɛ rɔ.” Filisitinu

Yona 4:11

Nfen ya a to gbɛ, nde ti kinikini Ninɛfa mɔgɛ kɛnu ma? I miri de, dennɛ minnu bi Ninɛfa soe kɛ rɔ minnu ma anu hɛnkili sɔrɔn bɛ, anu tenbira mɔgɔ waga kɛmɛ ani mɔgɔ waga mogan na (120,000). Hali kolo-fannu, wonu fanan siya. Nde kana kinikini so-karantan-kɛ-mɔgɛnu ma wo rɔ, wa?”

Romu 9:11

Alla ya a fɔ Rebɛka ye ko, “Ala den-kei-sarɛ si wɔlɛ kɛ a dɔgɛ ye.” Alla ya wo fɔ ka a yira ko a ya dan min yatɔnbɔn, a ye nyinina wo le nyɛrɛ ma. Yanni anu ni sɔrɔn wati min, a ya kɛ fɔ, ado yanni anu ni hɛnkili sɔrɔn, a ya wo fɔ. Woletɔ Alla ya dan min yatɔnbɔn, a ma wo ma ka a tɛgɛ dan wola ko-ladan-nya ma. A ya wo ma bawo dan wo di a ye.

Tɔn-Fɔɛ-Fila-Nyɔgɛ 1:39

“Mari ya a fɔ ko wole min ya a fɔ nun ko ni wola dannu tara nyamanɛ wo rɔ, wo yogenu si anu bira, nba, ado wola dan minnu ma ko nya-yen bɛ, wonu denu bi tala nyamanɛ wo bila, yɔ! A si nyamanɛ wo di anu denu denu ma ka anu sigi a rɔ.