Aiseya 7:8 - ALLALA KUMƐ

⁸ A ko min ya a to a ya kɛ fɔ, Siriyanu ta ma gbɛlɛ ka ke anuna so-karantan Damasika kɛnu tɔ. Damasika kɛnu fanan ta ma gbɛlɛ ka ke anuna Mansa Risen tɔ, ado yanni san bi-wɔrɔ ani san loli (65) gbɛ, a ko Isirɛla mɔgɛnu ta ara ban nyɛnsɛnna. Mɔgɛ ti anu lɔn fenfen na wo rɔ tun.

Aiseya 7:8 Iomraidhean Croise

Ko-Dabirɛnu 14:15

A ya ala kɛlɛ-dannu tatala nyɔ rɔ. Wonu tara mansɛ wonu natɛrɛna suyi rɔ ka anu kɛlɛ. Anubɛ ala kɛlɛ-dannu ya mansɛ wonu nɔ ka ta anu gbenna ha ka ke Hoba soe burɔ, Damasika soe kan tɔ.

2 Samuwɛli 8:6

Wo kɔma, Mansa Dawuda ya ala kɛlɛ-dannu daga makɛ tinɛnu nadan Siriya wonuna nyamanɛ rɔ. Siriyanu fanan tora ale kɔrɔ ka to duti dila a ma. Mari ya a ma, Mansa Dawuda ya nɔ-ko sɔrɔn kan tinɛ bɛɛ rɔ.

Ɛsira 4:2

anu nara Sarababulu anubɛ kebila-kunyɛnu bara. Anu ko, “A sɔgɛ ye ma la ka wo dɛnbɛ Bato-Bɔn kɛ sɔla. Wo ye Alla min batola, male fanan bi wo le batola. Kebi Asiriya Mansa Isahadɔn ya ma lana yan tɔ tumɛ min, ma taranta sarakɛnu bɔla wola Alla kɛ le ye.”

Aiseya 8:4

A ko yanni dan wo ni kusanya a fa anubɛ a na rakelela, a ko wo si a taran, Asiriya mansɛ ara ban Damasika fen-kolomɛnu kankanna anubɛ Samariya fen-kolomɛnu ka ta anu na a warɛ.

Aiseya 9:11

Mari ara anu yogenu nawuli anu kan ma.

Aiseya 9:9

Isirɛla mɔgɛ damasi si a lɔn yati, ko Alla ara anu yiliki katarala minnu siginɛ Samariya soe burɔ, ado kaka, anu sa ko-wo-ko kun na fɔ kɔgɔ-ratugu anubɛ wasinteyɛ. Anu bi a fɔla ko,

Yɛrɛmaya 49:23

Mari ya kɛ le fɔ Damasika kɛnuna ko rɔ. Hamati so-burɔ-mɔgɛnu wo, Arapadi so-burɔ-mɔgɛnu wo, wonu kun ma si kɔ ka a tɛgɛ anu bara yisi-tinya-kumɛ min namɔɛn. Hɔnya ye tugula anu kan ma iko gboron-gboronna-yi. Sulen sa anu ma.

Isikiyɛli 27:18

Anubɛ Damasika kɛnu ya yilayɛ kɛ anu nyɔgɔn tɛma. Anu ya Halibɔn soeta gbɛɛ anubɛ Sahari soe saga-siyi felen Taya kɛnu ma. Anu ya nɛgɛ-da-gbɛlɛ anubɛ kɛnɛ-subolo-siyaman felen Taya kɛnu ma.

Hoseya 13:1

Fɔlɔ nun, ni Ifɛrɛm bɔnsɔn-mɔgɛnu kumara, wole Isirɛla bɔnsɔn-mɔgɛ toenu si kilan. Wo ya wo yɛ bɛn Ifɛrɛm bɔnsɔn-mɔgɛnu ma. Kɔnɔ bawo anu bara don Beyali kɔ-koe rɔ, wo le ya a ma, anu halaki-koe tɛgɛra.