Aiseya 7:3 - ALLALA KUMƐ

³ Mari ya a fɔ nde, Aiseya ye ko mabɛ nna den Seyari-Yasubu ni ta Mansa Ehasi taran. Yi min nadɛnnɛ kɔnkɛ kun tɛma, wo worɔn ye yigila ha kura-ku-tinɛ wo dafɛ. A ko ma si mansɛ taran kilɛ la nyɔ.

Aiseya 7:3 Iomraidhean Croise

2 Mansɛnu 16:1

Rɛmalayala den Mansa Peka, ala mansayɛ san tan-ni-wɔrɔnfila nyɔgɛ ma Isirɛla nyamanɛ rɔ, Mansa Yotamna den Ehasi mara mansɛ la Yuda nyamanɛ rɔ san wo le la.

2 Mansɛnu 18:17

Asiriya mansɛ wo ya ala kɛlɛ-den-kun sawa bi ka ala kɛlɛ-den-siyaman bila wonu fɛ Lesi soe burɔ ka wonu nata Hɛsakaya bira tinɛ Yerusalɛm soe burɔ. Wonu ke Yerusalɛm, anu danta kura ku tinɛ dafɛ. Yi min madɛnnɛ kɔnkɛ kun tɛma, wo worɔn ye yigila ha kura ku tinɛ wo dafɛ.

2 Mansɛnu 20:20

Mansa Hɛsakaya ya yi lɛngban ladan nya min wo, a ya kɔnkɛ punsɔgɔ, yi tenbira ka don soe burɔ nya min wo, anubɛ a ya kerinteyɛ min kɛ, wo bɛɛ sɛbɛnɛ Yuda Mansɛnuna Buku do rɔ.

Nihɛmaya 3:16

Asibukila den Nihɛmaya min bi Bɛti-Suri tɛngbɛnya do kun na, wo le ya a bi nyɔ ka ta tarɛ sɔla ha Mansa Dawudata kaburu-soe telen tɔ anubɛ nyɔ-yi-sigi tinɛ-a-rɔ anubɛ kɛlɛ-dannuta bɔn ye kan min.

Bɔ-Koe-Iyipiti 7:15

Sɔgɔma wo ni ta mansɛ taran Nayɛli bɛ dala. I ni ta sewuri wo la i bolo min yɛlɛmanta duguma-fan la nun.

Aiseya 10:21

Isirɛla mɔgɛnu kolo-dande si anu kɔ-sɛgi anuta Alla Sɛnbɛ-Bɛɛ-Tigi ma.

Aiseya 22:11

Wo ya yi lamara tinɛ ladan soe dugu la alako wo si kantɔ-yi lamara min tɔ. Kɔnɔ wo ma wo tole masɔ Alla la muk! Bi ko ma, Alla ara ban kɛ bɛɛ miriyala nun, woletɔ a ara ma fanan.

Aiseya 36:2

A ya a fɔ ala kandɛ ye ko a ni bɔ Lesi soe burɔ ka ta kɛlɛ-den-siyaman na a bolo Yerusalɛm soe burɔ. Wo si a fɔ a ye ko fɔ Mansa Hɛsakaya ni dɛgɛ min a ye. Kandɛ wo danta kura ku tinɛ dafɛ. Yi min siginɛ a rɔ kɔnkɛ kun tɛma, wo worɔn ye yigila ha kura ku tinɛ wo dafɛ.

Aiseya 55:7

Karagbɛlɛ bɛɛ ni a kɛ-nya boloka ka anu miriyanu yɛlɛma. Anu ni anu ya-lamunun mata Mari Alla la, a si kinikini anu ma ka anu makoto feu!

Aiseya 6:13

Mɔgɔ-kɔnɔntɔ wo mɔgɔ-kɔnɔntɔ, hali a tan nyɔgɛ min tora, n si wo fanan kasara. Nta mɔgɔ-yabɔnɛ minnu tonɛ kɛ, wonu si ma iko kɔlɔma-kuru-wɛ min tɛgɛnɛ dugi rɔ. Kɔnɔ kɔn-kundi min tonɛ wo la, wo si a matii ka ma Allata mɔgɛnu tamasere la.”

Yɛrɛmaya 22:1

Mari ya a fɔ n ye ko n ni ta Yuda mansɛla bolɔn la, Mansa Dawuda kegeyɛnu, kɔni. N ba ke nyɔ tumɛ min, a mansa wo, a mɔgɔ-ba wo, a Yerusalɛm ka wo, wo ni wo tole masɔ Marita sarakanɛ la.

Romu 9:27

Aiseya ya Isirɛla wara-koe sɛbɛ, a ko, “Hali Isirɛla mɔgɛnu siyayanɛ iko ba-kɛnkɛn, anu dande le dɔrɔn si kisi,