Aiseya 7:1 - ALLALA KUMƐ

¹ Mansa Yotamna den, Mansa Ehasi, Mansa Yusaya mamanɛ, kɔni, wo ye Yuda nyamanɛ kun na tumɛ min, kɛlɛ donta nyamanɛ kun na. Siriyanuna Mansa Risen anubɛ Isirɛla mansɛ Rɛmalayala den Peka, wonu nadɛnta ka Mansa Ehasi kɛlɛ Yuda nyamanɛ rɔ. Kɔnɔ anu ma ke Yerusalɛm nɔla, Yuda nyamanɛla so-karantan, kɔni.

Aiseya 7:1 Iomraidhean Croise

2 Mansɛnu 15:25

Mansa Pɛkahayala kɛlɛ-den-kunyɛ, Rɛmalayala den Peka, kɔni, wonubɛ Kaliyadi kɛ mɔgɔ bi-loli ya yanfɛ kiri Mansa Pɛkahaya ma. Anu tara a faga ala bolɔn la. Anubɛ ala mɔgɔ-ba fila, Agabi anubɛ Ariyɛ fanan kunyɛ tora-a-rɔ. Peka sigira a gbɛ rɔ mansayɛ la.

2 Mansɛnu 15:27

Yuda Mansa Yusayala mansayɛ san bi-loli ani san fila nyɔgɛ ma, Mansa Rɛmalayala den Peka mara mansɛ la Isirɛla nyamanɛ rɔ san wo le la. A ya ala mansayɛ kɛ Samariya soe burɔ san mogan kɔrɔ.

2 Mansɛnu 16:1

Rɛmalayala den Mansa Peka, ala mansayɛ san tan-ni-wɔrɔnfila nyɔgɛ ma Isirɛla nyamanɛ rɔ, Mansa Yotamna den Ehasi mara mansɛ la Yuda nyamanɛ rɔ san wo le la.

2 Mansɛnu 16:5

Isirɛla Mansa Peka anubɛ Siriya Mansa Risen tara bui Yerusalɛm soe ma Yuda nyamanɛ rɔ kɔnɔ anu ma Mansa Ehasi nɔ kɛlɛ rɔ.

Aiseya 1:1

Alla ya sarakanɛ minnu don Emɔsila den Aiseya bolo ka a tɛgɛ Yuda nyamanɛ anubɛ Yerusalɛm soela ko ma, wonu denu sɛbɛnɛ buku kɛ rɔ. Kɛnu fɔra Mansa Yusaya anubɛ Mansa Yotam anubɛ Mansa Ehasi anubɛ Mansa Hɛsakayanuta wati le tɔ, anu bi Yuda nyamanɛ kun na wati min.

Aiseya 8:6

ale Mari manɛ iko Silowa tenke min bi yigila a fɛrɛma. Mɔgɛnu bara anu ban tenke wo la min kɛ ka kilan Mansa Risen anubɛ Mansa Peka la,

Aiseya 9:11

Mari ara anu yogenu nawuli anu kan ma.

Isikiyɛli 27:16

Anubɛ Siriyanu ya yilaya-siyaman kɛ anu nyɔgɔn tɛma. Dugu-kɔrɔ-nɔnfulu-wulenmɛ anubɛ a finmɛ wo, kura-bilolamɛ wo, kura-bonnɛnu wo, linɛn-kura-hakikɛnu wo, anubɛ yi-kɔrɔ-kuru-da-gbɛlɛmɛ, anu ya wonu felen Taya kɛnu ma.

Hoseya 1:1

Mari ya sarakanɛ kɛ don Birila den Nɛbi Hoseya bolo, ka a bi Mansa Yusayata wati ma ka a sigi Mansa Yotamta tele ma wo, Mansa Ehasita tele ma wo, ha ka ke Mansa Hɛsakayata tele ma wo tumɛ anu bi mansayɛ la Yuda nyamanɛ kun na. Wo ya a taran fanan, Yɛhowasila den Mansa Yɛrabowami ye mansayɛ la Isirɛla nyamanɛ kun na.

Maika 1:1

Mansa Yɔtam wo, Mansa Ehasi wo, anubɛ Mansa Hɛsakaya wo, Mari ya sarakanɛ don Nɛbi Maika bolo wonuta wati rɔ. Nɛbi Maika wo bɔra Mɔrɔsɛti soe rɔ min bi Yuda nyamanɛ rɔ, mansa sawɛ kɛnu bi kan min nun. Mari ya ko-siyaman yira Nɛbi Maika la Samariya anubɛ Yerusalɛm so-karantan wonuna ko la.