Aiseya 6:3 - ALLALA KUMƐ

³ Nima-fan wonu kulu-mayɛlɛnɛ ye a fɔla anu nyɔgɔn fɛ ko, Sɛnima, sɛnima, sɛnima! Mari Sɛnbɛ-Bɛɛ-Tigi sɛnima! Duninya lafanɛ ala gbiliyɛ la pen!

Aiseya 6:3 Iomraidhean Croise

Ɛsira 3:11

Anu ya Alla-tanto-bɛtinu bɔ ko, “Alla tanto bawo a kin, ala keninteyɛ ti ban Isirɛla mɔgɛnu bara-la habadan!” Bɛɛ ya a kuli mayɛlɛ anu sɛnbɛ la ka Mari tanto sewɛ la bawo anu bara Bato-Bon-kurukɛ-wɔlɛ laban.

Yaburi 57:11

E, Alla, a ma, ma ni ila kabana-koenu yen san-kole rɔ ka ita gbiliyɛ yen dugu-kole kuma.

Yaburi 66:2

Wo ni Allata sigi sa ka a tɔgɛ gbiliya. Wo ni gbiliya-ba di a ma.

Yaburi 72:19

Ma ni to a tɔgɔ-gbiliyanɛ tantola tolon! Alamɛ ata gbiliyɛ ya duninya lafa pen! Amina! Amina!

Yaburi 8:2

Hali dennɛnu, wonu bi i matɔgɔ-siginu sala. Ile ye kan min, i yogenu ti ke i yakɔrɔ-mamɔla nyɔ. Min ba a ma ko a ye a sɔla i la, i si wo kasara.

Yaburi 90:16

I ni a ma, ma ni ita kabana-koenu yen ma yɛ la. Ma kegeyɛnu ni ita gbiliya-makawanɛnu yen.

Yaburi 97:6

San-kole fanan bi ala telenbagaya-koe fɔla. Sibole bɛɛ ye ata gbiliyɛ yenna.

Yaburi 99:3

A bɛnta bɛɛ ni a tɔgɔ-makawanɛ tanto bawo a sɛninyani de!

Yaburi 99:9

Tantolɛ ni di ile, mata Mari Alla ma. Ma ni i bato ita kɔnkɔ-sɛnimɛ kuma. Ile mata Mari Alla sɛnima.

Bɔ-Koe-Iyipiti 15:11

“E, Mari, nfen sifa ye duninya rɔ mɔgɛnu si min bato iko ile Mari. Yon sɛninyanɛ iko ile? Ma si i tanto ila kɛwɔli-makilannɛnuna ko la. Yon si ke kabana-koenu kɛla iko ile?

Aiseya 24:16

Mɔgɛnu si na Yerusalɛm ka bɔ wula-yan-bɛnu na ka tantoli-bɛtinu bɔ nyɔ. Kɔnɔ yigi-wo-yigi sa nde, Aiseya ma. N fɛrɛ ye banna n ma. N yogenu bi tola n bolo labirala. Anuna wunduyogoyɛ kuma ye tala sala.

Aiseya 40:5

Wo bɛɛ wa ka-a-la, Marita gbiliyɛ ni na to bɔla gbɛ rɔ, ado hadama-dan bɛɛ si kɛ rayen. Mari nyɛrɛ-nyɛrɛ le wara kɛ fɔ.”

Aiseya 54:5

I Dali-Mari si ma i ye iko ila kei. A tɔgɛ le Mari Sɛnbɛ-Bɛɛ-Tigi. I kunkalɛ le Isirɛlata Alla-sɛnimɛ la. Duninya mumɛ bɛɛta Alla le ale la.

Isikiyɛli 43:2

N ke nyɔ, n ya Isirɛla mɔgɛnuta Allata wan-takani-belebele yen nala ka bɔ tele-bɔɛ wara la. Alla kuman-kan koloyanɛ iko wasa-belebele-tugu-kan. Waan rakara dugu-kole mumɛ kuma waran!

Isikiyɛli 44:4

Tenbi-bolɔn min bi kantɔ-wara la, kei wo ya n bi ka n nabɔ nyɔ ka ta n na Bato-Bɔn yakɔrɔ. N ya n yɛ lata ka Mari Bato-Bɔn mafɛlɛn. N ya a yen, a lafanɛ Marita waan la pen! N ya n naburun a ma dugi ma.

Habakuku 2:14

Iko kɔgɔ-yi-worɔn lafanɛ yi la nya min, duninya kɛ la si fa Marita gbiliyɛ-lɔn-koe la wo nya na le.

Sakaraya 14:9

Wo wati rɔ, Mari si ma duninya-mumɛ-mansɛ la. Duninya-mɔgɛ bɛɛ si Mari kelan kele a tɔgɔ kelan la ka a bato.

Yilan-Yilan Koe 14:21

Iko n bara n keli n nyɛrɛ ma anubɛ nta gbiliyɛ min bi kan tinɛ kɛ bɛɛ rɔ nya min,

Ɛfɛsa 1:18

N bi a matarala ko ata wan-takanɛ ni wo hɛnkili-dɛ laka. Wo wa ma tumɛ min, a ya wo kele yigi min ma, wo ni na to wo lɔnna. Wo kɔma, wo ni a lɔn a ara duwa-belebele min kiri wole, ata mɔgɛnu ye.