Aiseya 6:2 - ALLALA KUMƐ

² Nima-fen-kanbannamɛnu sɔnɛ ala foolɛ rɔ. Kanban wɔrɔ-wɔrɔ le anu dama ma. Anu yakɔrɛ yamatogonnɛ kanban fila la, anu fɛrɛ yamatogonnɛ fila la, anu si anu gban filɛ la.

Aiseya 6:2 Iomraidhean Croise

Ko-Dabirɛnu 17:3

Burama ya a laburun a ma dugi ma ka Mari bato. Alla ya a fɔ a ye ko,

1 Mansɛnu 19:13

Nɛbi Ilaya ya wɛwɛ-kumɛ wo lamɔɛn min kɛ, a ya ala duruki burun a yɛ la. A bɔra faran la ka a sɔ a dɛ la. A ya manyinikali-kan lamɔɛn, a ko, “Ilaya, ile ye nfen mala yan tɔ?”

1 Mansɛnu 22:19

Nɛbi Mɛkaya ya a fɔ a ye tun ko, “I tole masɔ Marita kumɛ la. N bara Mari mayiginɛ yen ala waganɛ rɔ Arinyɛni tɔ, ala melikanu kinkinɛ a la.

1 Mansɛnu 6:24

Melika filɛ wonu kanban kelen si nunkan-nya loli-loli bɔ le. Ka a bi anu kanban-sungban doi ma ka a sigi a kanban doi sungban la, wo ya nunkan-nya tan bɔ. Melikala muninya filɛ wonu bɛɛ rakɛn de! Anu muninyara fanan.

1 Mansɛnu 6:27

Anu ya melika wonu sɔ Sɛnima-Sɛnima-Tinɛ burɔ. Anu kanbannu tafulennɛ ka konko wo kɔnɛ ratɛgɛ. Anu kanban filɛ doi tugura anu nyɔgɔn na bon-kole tɛma.

1 Mansɛnu 8:7

Anu kanbannu bi tɔn-kenkirɛ anubɛ a bi-kɔlɔmanu kuma.

Nihɛmaya 9:6

Wo kɔma, Isirɛla mɔgɛnu ya matarali-kɛ. Anu ko, “Mari, ile le kelen pe ye Mariyɛ la. Ile le kelen pe le ya san-kole anubɛ lolenu dan. Ile le ya dugu-kole anubɛ kɔgɔ-yi dan anubɛ fan min bɛɛ ye anu tɔ. I ya niyi di ma dama ma. Melikanu fanan si anu madu i kɔrɔ ka i bato.

Yobu 1:6

Lunyɛ do, melikanu tara anu sɔ Alla yakɔrɔ a kɔndɔn tinɛ, mɔgɛnu fɛɛ-donnɛ fanan ye anu tɛma nun, Setanɛ, kɔni.

Yobu 15:15

Alla ma la a nyɛrɛta melikanu denu gbuyɛ la. Hali wonu denu, anu ma sɛninya Alla yala.

Yobu 4:18

Allata wɔli-kɛlɛ minnu bi san-kole rɔ, ni a ma la wonu na, nfenna gbɛ, hadama-dan minnu bɔra gbangban rɔ, a si la wonu na? Hali melikanu, ni a si fɛɛ yen wonu na, nfenna gbɛ, Alla si la hadama-dan la min tatɛn-koe ma gbɛlɛ iko kondokonde?

Yaburi 103:20

Wole melika-makawanɛnu, wo ni Mari tanto! Wo ye ala tɔnnu birala. A ye kumɛ min fɔla, wo ye wo tole masɔla wonu na.

Yaburi 104:4

Ila kilayɛ le fɔnyɔ la fanan. Ila wɔli-kɛlɛ le banda-nyin-masɔgɛ anubɛ san-sɛran la.

Yaburi 18:10

A sigira melika-sufa do la. Wo tora a buri-wɛ kɛla a la fɔnyɔ rɔ duninya kuma.

Yaburi 89:7

Arinyɛnɛ kun-tiginu-nadɛnnɛ si kawa i ma. Anu dama si anu bole sa anu dɛ la.

Bɔ-Koe-Iyipiti 3:6

A ko tun, “I benba Iburayima wo, i benba Isiyaka wo, anubɛ i benba Yakoba wo, anuta Alla le nde la.” Musa ya a yakɔrɛ yamatogon kamasɔrɔn a kilanta ka Alla ragbɛ.

Aiseya 6:6

Wo kɔma, nima-fan wo kelen gbanta ka yigi n bara. A ya ta-wɔlɔn do bi saraka-mintan-tinɛ kuma baran la.

Isikiyɛli 1:11

Anu kanban filɛ minnu tafulennɛ, wonu nayɛlɛnɛ a ma. Anu tugunnɛ ye tala anu nyɔgɔn na. Anu kanban filɛ doi, wonu nafulenni ma. Anu fɛrɛ yamatogonnɛ wonu na.

Isikiyɛli 1:24

Anu ba gban, nde, Isikiyɛli si anu kanban-kan lamɔɛn. Anu kanban wo kan manɛ iko wasa-belebele tugu-kan. Anu kanban-tagbesi-kan wo manɛ fanan iko kɛlɛ-den-siyamɛnu kinta-kan, ado a manɛ fanani iko Alla Sɛnbɛ-Bɛɛ-Tigi kuman-kan le. Anu ba anu sulen kan min, anu si anu kanbannu namɔrɔmɔrɔ.

Isikiyɛli 1:4

N ya banda-fin-fɔn-bɛ yen nala bɔla kantɔ-wara la. N ya san yen a nyin masɔgɔla balubalu! Banda-nyin-masɔgɛ wo tɛmɛ, nyɔ-silɛ ye tiila a ma.

Isikiyɛli 1:6

kɔnɔ a bɛɛ kunyɛ lafoonɛ yakɔrɔ nani-nani na, anu kanban fanan nani-nani.

Isikiyɛli 1:9

Nima-fan kɛnu kanban fila-filɛnu tafulennɛ. Min sanɛ wo kuma, a mininɛ anu bolo, anu kanban wonu tugunnɛ tala anu nyɔgɔn na. Anu ba wuli tala kan-bo-kan, anu bi tala wo nya na le yɔrɔtɔtɔ! Tintan-gbɛrɛkɛ sa anu ma.

Isikiyɛli 10:16

anu kin nanɛ wonu bi anu kɔrɔ. Anu tenbi anu kanban nafulenna gban tinɛ, anubɛ anu kin nanɛ kɛnu denu.

Isikiyɛli 10:21

Yakɔrɔ nani-nani bi anu bɛɛ bolo. Kanban nani-nani bi anu bolo. Fan do ye a bɛɛ kanban kɔrɔ min manɛ iko hadama-den-bole.

Daniyɛli 7:10

Tɛ ye bɔla waganɛ wo kɔrɔ iko ba-yi. Melika-wulu-yirika-siyaman sɔnɛ a yakɔrɔ. Wonu bi ata wɔlɛ kɛla. Kiti-tɛgɛlɛnu ya anu sigi ka kiti-sa-bukunu dɛ laka.

Daniyɛli 9:21

N bi n matarali-kɛ kun na, n ya Yibirila kelan min yen nna ko-rayen doi rɔ, wo yigira iko kokɛ. A ye yigila n ma wati min, wo ya a taran, wurala-saraka-bɔ-wati ara ke.

Sakaraya 3:4

Mari ya a fɔ a nyɛrɛ-kɔrɔ-wɔlilɛnu ye ko anu ni kei kɛla kura-nɔgɔnɛnu bɔ a ma ka ta anu na. Wo kɔma, a ya a fɔ ale Yasowa ye ko, “N bara i hakɛ makoto, ado n bi kura kurɛnu denu dila i ma gbɛ!”

Luka 1:10

ado fen-suma-diyamɛ mintan tumɛ, kurun-wɛ min nadɛnnɛ luyi ma, wonu bi madiyali kɛla.

Hiburunu 1:7

Alla ya kɛ le fɔ melikanuna ko la ko, “Nde, Alla ye wole nna melikanu mala iko fɔnyɔ. N bi wole nna wɔli-kɛlɛnu mala iko ta-mɛlan.”

Lankɛnimayɛ 14:6

Wo kɔma, n ya melika-gbɛrɛ yen firifirila san ma pon! Habadan-kibara-nyimɛ ye a bolo a ye nala min fɔla duninya-mɔgɛ bɛɛ ye, a sibole bɛɛ anubɛ a bɔnsɔn bɛɛ anubɛ a mɔgɔ-su bɛɛ iko anuna kan faranɛ nya min.

Lankɛnimayɛ 4:8

Kanban wɔrɔ ye dali-fen nani wo kelen-kelennamɛ-bɛɛ ma. Anu kanban bɛɛ fanɛ yɛnu na. Anu ti bandan bɛti bɔla su-ni-tele. Anu bi a fɔla ko, “Sɛnima, sɛnima, sɛnima, Mari Alla, sɛnbɛ-bɛɛ-tigi le. A ye nyɔ kebi fɔlɔ, a ye nyɔ kaka, ado a ye nyɔ habadan!”

Lankɛnimayɛ 7:11

Melika bɛɛ sɔra mansaya-sigi-fan anubɛ kɛmɔgɛnu anubɛ dali-fen nanɛla foolɛ rɔ. Wo kɔma, anu ya anu naburun-a-ma mansaya-sigi-fan yakɔrɔ Alla bato tinɛ.

Lankɛnimayɛ 8:13

Nba, n ya n yɛ layɛlɛ. N ya kokɛ-kan lamɔɛn firifirila san ma pon! A kumara kan-wɛ la ko, “E, gbalo! E, gbalo! Melika sawɛ min tonɛ, wonu ba anuna burinu fɛ tumɛ min, a si ma gbalo-wɛ la bɛɛ ye minnu siginɛ dugu-kole kuma.”