Aiseya 57:2 - ALLALA KUMƐ

² Mɔgɛ minnu bi Alla sako kɛla, wonu si saya ka to yisi-kimɛ rɔ.

Aiseya 57:2 Iomraidhean Croise

Ko-Dabirɛnu 17:1

Burama sɔrɔn ya san bi-kɔnɔntɔ ani san kɔnɔntɔ (99) bɔ tumɛ min, Mari bɔra a ye gbɛ rɔ ka a fɔ a ye ko, “Alla Sɛnbɛ-Bɛɛ-Tigi le nde la. I telen n ye. I ni n sako kɛ.

2 Ko-Kɔrɔta-Karan 16:14

Anu ya a togon ala kuru-kaburu rɔ a ara min tabɛn a nyɛrɛ ye nun Mansa Dawuda halala-luyi ma. Anu ya tulu-suma-diyamɛ susa a furi ma ka a yamatogon kɛnɛnu na. Anu ya ta-wɛ ladɛn a san-koe kuma.

Yobu 3:17

Karagbɛlɛnu si fara anuna karagbɛlɛyɛ la lakira. Tɔ-a-la, lakira le wɔli-kɛla-bandannɛnu sulen tinɛ la.

Yaburi 37:37

Mɔgɔ-nyimɛ mafɛlɛn ka mɔgɔ-latelennɛ lakɔrɔsi. Min yisi-kimanɛ, kun-nadiyɛ si kɛ wola dannu ye.

Makawandili Kumɛnu 12:7

Ma fɛrɛ si sɛgi bɔnkɛ rɔ. Ma niyi wo si sɛgi Alla ma a bɔra kan min.

Aiseya 14:18

“Mansa doinu sa-bole rabɛnnɛ kaburu-hakikɛnu tɔ

Aiseya 26:7

Mari ya kilɛ rakɛnya ala mɔgɔ-nyimɛ ye! I ya a ma, anuna kilɛ latelenta.

Yɛrɛmaya 6:16

Mari ko wole, ata mɔgɛnu sɔnɛ kila-faran rɔ. Wo ni wo yɛ lakalan. Wo ni ata kila-kɔrɛ manyinika. A ko wo ni kila-nyimɛ manyinika alako wo ni ta wo fɛ nya min, ado ni wo bɔra kilɛ wo fɛ, wo yisi la si fɛrɛ. Kɔnɔ hali wo, wo bannɛ bɔla kila-nyimɛ wo fɛ.

Daniyɛli 12:13

“Ile Daniyɛli, i ni ma telenbagɛ la i siyi-tele-bɛɛ kɔrɔ. I wa ban fagala tumɛ min, i si i lasɔ tun wati-laban ka ila kɔntɔ-diya-fan sɔrɔn.”

Matiyu 25:21

“A tigi ko, ‘Wɔli-kɛla-nyimɛ, lanaya-mɔgɛ, i wara ko-nyimɛ kɛ! I wara lanayɛ kɛ ko-dɔgɔmanɛ rɔ, woletɔ n si a kinama-wɛ don i bolo. I ni don, ma ni sewa ma nyɔgɔn fɛ!’

Luka 1:6

Anu filɛ bɛɛ telennɛ Alla yala. Anu ya Marita tɔn anubɛ sereya bɛɛ bira a kila-bɛrɛbɛrɛ fɛ.

Luka 16:22

“Bolo-kolɔn wo fagara. Melikanu tara a la Iburayima tɔgɔfɛ Arinyɛni tɔ. Nɔnfulu-tigi fanan fagara. Anu ya a togon.

Luka 2:29

“N tigi Mari, i wara ila lanyiri latɔnbagaya bi. I wara sɔn ko nde, ila yɔɔn-nɛ ni faga yisi-kimɛ rɔ.

Luka 7:50

Kɔnɔ Yisa ya a fɔ musi wo ye ko, “Ila dɛnkɛninyɛ ara i kisi. Ta yisi-kimɛ rɔ.”

2 Kɔrɛnti 5:1

Ma ya a lɔn ko ma ye fani-bɔn kɛ minnu burɔ duninya kɛ rɔ, ma bagbuyi, kɔni, wonu ba wayan tumɛ min, bɔn ye Alla bolo Arinyɛni tɔ ma niyi ye, ado hadama-den ma bɔn wo sɔ. Wo si ma habadan-bɔn la ma ye.

2 Kɔrɛnti 5:8

Ma hɛnkili latɛgɛnɛ. A di ma ye bɛrɛkɛ ka bɔ ma fɛrɛ-bɔnkɛ kɛ rɔ ka ta ma sigi Mari fɛ.

Filipai 1:23

N kɔndɔfilinɛ ko filɛ kɛnu tɔ. N bi a fɛ ka bɔ nimayɛ kɛ rɔ ka ta to Kirasiti fɛ. Wo le fisa bɛrɛkɛ!

Lankɛnimayɛ 14:13

Wo kɔma, n ya kuman-kan lamɔɛn bɔla Arinyɛni tɔ. A ko, “Kɛ sɛbɛ. Ka a dabira kaka ma, minnu bi fagala Marita wɔlɛ rɔ, mɔgɔ-sewanɛ le wonu na!” Allala Ni-Sɛnimɛ ya a labira, a ko, “Ɔnde. Anu si anu sulen anuna wɔlɛ ma sewɛ rɔ bawo anu bi barayi sɔrɔnna ka a tɛgɛ anuna wɔli-kɛ-nya ma.”