Aiseya 53:3 - ALLALA KUMƐ

³ Mɔgɛnu bara anu ban a la ka a magboya. Tɔrɔyɛ anubɛ dumɛ da ra kolo a kuma ha a mapɛsɛkɛrɛyara. Wo ya a ma, mɔgɔ ma ke a mafɛlɛnna. Mɔgɔ ma a yakɔrɔ yira a la bawo anu ma a yatɛ fenfen na.

Aiseya 53:3 Iomraidhean Croise

Yaburi 69:29

N bi dumɛ anubɛ yigi-tɛgɛ le kun na. E, Alla, n sɔ kan-tina-latankanɛ rɔ.

Yaburi 88:4

N mani de iko minnu bara gbɛrɛn lakira-dɛ ma. Sɛnbɛ-wo-sɛnbɛ sa n na tun!

Aiseya 49:7

Isirɛlata wɔli-kɛlɛ wo gboyara mɔgɛnu ye. A bɔrɔbɔnɛ sibolenu ye, ado a mara mansɛnuna yɔɔn la fanan. Wo kunkalɛ, Isirɛlata Alla-sɛnimɛ, wo ya a fɔ mɔgɛ wo ye ko, mansɛnu ba a yen anu ni anu nakɔɛnma a gbiliya tinɛ. Kun-tiginu fanan si mɔgɔ kelan wo yen ka anu madu a kɔrɔ ka anu famayigi. Kɛ bɛɛ si ma bawo Mari ara ban ata wɔli-kɛlɛ yabɔla. Isirɛlata Alla-sɛnimɛ ti a kan tinya.

Aiseya 50:6

N bara n wasa don n fɛrɛ rɔ n gbesilɛnu ye. Min bi n da-buyɛ mawurunna, n ya n dɛ lata wonu bara la. Anu bi n mayɛlɛnna ka anu nɔgɔ-yi kɛ n ma kɔnɔ n ma n yakɔrɛ bɔ anu kɔrɔ.

Aiseya 52:14

Mɔgɛnu ba a yen tumɛ min, anu ni kilan. A ma ara filiya ha mɔgɔ ma a lɔn hadama-den na tun.

Aiseya 53:10

Ala tɔrɔyɛ ya Mari hɛnɛ feu! Ata sayɛ mara yiliki-sarakɛ la. Hali wo, a siyi-fɛ si yanya, ado a si a kebilɛnu yen. Min bɛɛ sigira a ma, wo le ya a ma, Mari miriya bɔra.

Aiseya 53:4

A ya a mun tɔrɔyɛ ma male lela ko la. A ya mata dumɛ bi a nyɛrɛ ma. A tenbi tɔrɛ wo kun na, ma miri ko Alla le ye a tɔrɔ tinɛ.

Maika 5:1

“Kɔnɔ kaka gbɛ, wo ni wola kɛlɛ-dannu nadɛn kan-tina-kelen bawo ma yogenu bara na bui ma ma ka ma kɛlɛ. Anu bara Isirɛla mansɛ dɛ ratii a kɔrɔ-sɔ-sewuri la.”

Sakaraya 11:8

N kuruta saga-fɛ-birala sawɛ minnu ma, n ya wonu gben karɛ kelen kɔrɔ. N sɔgɔ labɔra sagɛnu fanan na ha n bandanta anu kɔrɔ.

Matiyu 26:67

Nba, anu ya anu nɔgɔ-yi kɛ a yakɔrɛ ma ka a gbesi. Donu ya a dɛ ratii.

Matiyu 27:63

Anu ko, “N fa, foninya-fɔlɛ wo ya min fɔ wo tumɛ a kɛndɛ, ma hɛnkili tonɛ wo ko. A ko tele sawa wa tenbi tumɛ min, a si wuli tun ka bɔ furinu tɛma.

Maraka 10:33

Yisa ya a fɔ anu ye ko, “Wo ni wo tole masɔ. Ma ye tala Yerusalɛm soe burɔ. Anu si nde, Hadama-dan don saraka-masɔla-wɛnu anubɛ tɔn-karan-mɔgɛnu bolo tɔ. Anu si n yiliki sayɛ la ka n don sibolo-gbɛrɛnu bolo tɔ.

Maraka 10:34

Wonu si n mayɛlɛn ka anu da-yi kɛ n ma. Anu si n gbesi ka n faga. A tele sawa nyɔgɛ, n si wuli tun ka bɔ furinu tɛma.”

Maraka 14:34

A ya a fɔ anu ye ko, “N yisi tɔrɔnɛ ha n fagamatoe le! Wo to yan ka ki wo ya la.”

Maraka 15:19

Anu ya a gbesi a kunyɛ rɔ kɔlɔma la ka anu nɔgɔ-yi kɛ a ma. Anu ya anu nyɛnkin a kɔrɔ ka a ma iko anu bi a gbiliyala.

Maraka 9:12

A ya anu yabi ko, “Nɛbi Ilaya le fɔlɔn si na serr! A wa na, a si koe bɛɛ sɛgi a gbɛ rɔ. Kɔnɔ nfenna a sɛbɛnɛ Allata kitabu rɔ ndela ko la ko nde, Hadama-dan si tɔrɔ ko mɔgɛnu si anu ban n na?

Luka 16:14

Farisinu ya kɛ bɛɛ lamɔɛn tumɛ min, anu ya Yisa mayɛlɛn bawo wodi di anu ye kati!

Luka 19:41

Yisa gbɛrɛnta Yerusalɛm soe ma tumɛ min, a ya a yen nkɛkuna, a dira ala ko la.

Luka 8:53

Anu dama ya Yisa mayɛlɛn bawo anu ya a lɔn serr ko dennɛ wo ara faga.

Luka 9:22

Yisa ko, “Anu si nde, Hadama-dan tɔrɔ kati! Kɛmɔgɛnu anubɛ saraka-masɔlɛnu anubɛ tɔn-karan-mɔgɛnu si anu ban n na. Anu si n faga kɔnɔ a tele sawa nyɔgɛ, n si wuli tun.”

Yɔni 11:35

Yisa dira.

Yɔni 8:48

Yahudiyanuna kun-tiginu ya Yisa manyinika ko, “Ma ya a fɔ min kɛ ko Samariya kɛ le ile la, ko nyinatoe le ile la, ma ma tonyɛ le fɔ wo la, wa?”

Tɔn-Fɔɛ-Fila-Nyɔgɛ 32:15

“Wole Marita mɔgɛnu mara nɔnfulu-tiginu na kɔnɔ hali wo, wo murutiyara a ma. Wo ara tɔlɔ ha wo bu-dagɛnu bara sigi kɔnɔ hali wo, wo ya ale Dali-Mari boloka. Wota Fara-Kole min ya wo lakisi, wo ya wo ban wo la.

Hiburunu 4:15

ado mata saraka-masɔla-kun-tigi-wɛ kɛ, a si ke kinikinina mala sɛnbɛbɔninyɛ ma. Mala saraka-masɔla-kun-tigi-wɛ kɛ magbɛrɛnkɛnta nya bɛɛ ma iko male kɔnɔ ale ma hakɛ si kɛ.

Hiburunu 5:7

Yisa ye dugu-kole kɛ kuma tumɛ min, Alla min si ke a kisila sayɛ ma, a ya wo madiya a kulu-mayɛlɛnɛ anubɛ diyi la a bolo. Alla ya a wɔlɔ matɔlɔ Yisa la bawo a ya a famayigi ka madiyali kɛ, ado a telenta.