Aiseya 51:3 - ALLALA KUMƐ

³ Mari ko a si kinikini Yerusalɛm soe ma, min bi tonbonyɛ la nun, kɔni. Hali ala dugi mara kɛnkɛn-dugi la, a ko a si nyɔ ma dugu-lamonɛ la a ye. Sewɛ anubɛ kɔntɔdiyɛ si taran nyɔ kati! Mɔgɛnu si baraka-bira-siginu sa ka a tanto tolon!

Aiseya 51:3 Iomraidhean Croise

Ko-Dabirɛnu 13:10

Lɔti ya a yɛ lata ka Yorodan-ba-lɛɛ mafɛlɛn tala ha ka ke Sowa soe ma. A ya yi yen nyɔ iko yi ye Marita nakɔɛ rɔ nya min nun anubɛ Iyipiti nyamanɛ rɔ. (Wo wati rɔ, Mari ma Sɔdɔm anubɛ Kɔmɔra soenu halaki bɛ.)

Yaburi 85:8

N tole masɔnɛ alako n ni a lɔn ile Mari Alla ye nala min fɔla. I ya lanyiri kiri male ita mɔgɛnu ye ko ma si to yisi-kimɛ rɔ. Alako tun, ma kana ma lasɛgi mala kun-takolonya-koe wonu ma tun.

Aiseya 12:1

Wati ye nala, mɔgɛnu si to bɛti bɔla ko, “E, Mari, n bi i matɔgɔla. Hali i fununɛ ye ma la nun kɔnɔ mala diminyɛ sa i bolo tun, ado i ye ma ladiyala.

Aiseya 25:9

Wo wa ma tumɛ min, bɛɛ si a fɔ ko, “Mata Alla le ale la. Ma ya a ma ma yigi la min kɛ, a ara ma lakanan. Ale le mata Mari la. Ma ara la a la. Ma ara sewa kaka bawo a ara ma lakisi.”

Aiseya 35:6

Namarɛnu si anu gban iko minan-dan. Bobenu si anu dɛ sa-a-rɔ sewɛ bolo. Yi-mɛsɛmɛnu si tugu dugu-gbalanɛ rɔ.

Aiseya 41:16

Anu ta si fɛ. Fɔnyɔ si ta fofe wonu na pon! Fɔnyɔ si a ranyɛnsɛn. Kɔnɔ wole si sewa Mari la. Wo si Isirɛlata Mari-sɛnimɛ matɔgɔ.

Aiseya 43:19

A ye nala ko-kurɛ minnu kɛla, a ko ma ni ma yɛ bɛn wonu ma, ado a ara ban anu dabirala. Ma ni ma yɛ laka, ma si anu yen. A ko a si kila-gbonkan-bɛ sa wulɛ rɔ ka yinu natugu a rɔ nyɔ.

Aiseya 44:26

Kɔnɔ a ko ale nyɛrɛta wɔli-kɛlɛ wa wɔlɔyiya-kumɛ fɔ wo, ata kilayɛ wa na ata ko-rabɛnnɛ lankɛnimaya wo, a ko a si a ma, wo dama ni bɔ-a-la tɛrr! A wa a fɔ ko Yerusalɛm na si fa mɔgɛnu na tun, wo si ma le. A wa a fɔ ko Yuda nyamanita-soenu si sɔ a kurɛ la tun, a kan wo si bɔ-a-la. Soe wonu bɔtoe le tonbonyɛ la.

Aiseya 49:13

San-kole ni a dɛ sa-a-rɔ sigi sa tinɛ. Dugu-kole ni a lawɔyɔ sewɛ bolo. Kɔnkɛnu ni sigi-sɛ dabira anu sɛbɛ-kuna-wɛ la. Mari si ala mɔgɛnu nafɛrɛ ka kinikini ata mɔgɔ-tɔrɔnɛnu ma.

Aiseya 49:19

Ile Yerusalɛm soe, ila nyamanɛ ara tinya ka ma tonbɔn la kɔnɔ minnu bi nala sigila nyɔ gbɛ, nyɔ ra si dɔgɔya anu ma tun. Anu denu minnu ya i tinya, anu si ta i ma wula la pon!

Aiseya 49:8

Mari ara a fɔ ala mɔgɛnu ye ko anu kisi-wati wa ke tumɛ min, a si ala duwɛ layigi anu kuma. A si anu dɛnbɛ iko anu ya a rakele nya min. A ko a si anu kandan ka anu natanka. Wo si ma sarama-kan misalɛ la Yerusalɛm kɛnu anubɛ mɔgɛ bɛɛ tɛma. A ko a si a ma, anu ni anu sigi nyamani-tinyani-kɔrɛ wo rɔ tun.

Aiseya 51:12

Mari ko ale le si wo sɛnbɛ don. Hadama-dan min siyi-fɛ wuru iko binyɛ, wole kilannɛ wo la nfenna gbɛ?

Aiseya 52:9

Ile Yerusalɛm so-makeri-kerinɛ, i ni a lasɔnkɔ sewɛ bolo. Mari si Yerusalɛm kunyɛ bɔ gbaran rɔ, a nyɛrɛta soe, kɔni ka ala mɔgɛnu to lafɛrɛ rɔ.

Aiseya 61:10

Mari le ya a ma, ma ara sewa dɔgɔma-ma-de! Alla ya a ma, n niyi ra ara diya. Mari ara kisi-koe fɛrɛya-bɔɛ di ma ma. A ya ata nyimayɛ ma duruku-ba la. Ma manɛ iko kɔɛn-tigi min mabɛnnɛ yɔnyɔn! Ma manɛ fanan iko kɔɛn-kurɛ min makirinɛ fen-kolomɛnu na.

Aiseya 65:18

Ka a tɛgɛ ko-kurɛ wonu ma, ala mɔgɛnu si to sewala. A si Yerusalɛm ladan alako a la ni fa sewɛ la. A si a ma, ala mɔgɛnu fanan ni sewa.

Yɛrɛmaya 31:25

Fanka sa minnu na, a si wonu kolo gbɛlɛya tun. Kɔnkɛ ara minnu bɔ anu su la, a si wonu buyi lafa.

Isikiyɛli 28:13

A siginɛ nde, Allata nakɔɛ rɔ nun Idɛn. Kuru-da-gbɛlɛnu denu manɛ a makiri-fan la. Wonu tɔgɛ le kɛnu na, rubi wo, daimon wo, topasi wo, bɔrɔ wo, ɔnikisi wo, yasipa wo, safaira wo, ɛmarɔdi wo, anubɛ tukɔsi. Kuri bɛɛ siginɛ sɛnɛ tɛma. Kɛ bɛɛ rabɛnta a ye, kebi a bɔnkɛ kɔra lunyɛ min.

Isikiyɛli 36:11

A mɔgɔ wo, a ninki wo, n si a ma, wo bɛɛ ni yiri tun bui! Anu si siyaya ka tenbi a fɔlɔtɛ la. N si a ma, anu ni sigi nyɔ lafɛrɛ rɔ iko anu bi nyɔ nya min kɔrɔma la. N si anu nasabati ka tenbi a fɔlɔtɛ la. Wo kɔma, anu si a lɔn ko Mari le nde la.

Isikiyɛli 36:35

Mɔgɔ ti nyamani-tinyanɛ kɛ yen tun. Anu si a fɔ ko a mafɛlɛn di iko Idɛn nakɔɛ ye nya min nun. Mɔgɛnu ti anuna soenu yen tonbonyɛ la. Anu si soe wonu fanan yen tun tarɛ mininɛ anu ma.

Yowɛli 2:3

Anu bi ki-fannu banna le iko tɛ ye bin-gbalɛ banna nya min. Mala nyamanɛ mani de anu ya rɔ iko Alla ya nakɔɛ min nadan ma benba Hadama ye. Anu ba bɔ kan min, nyɔ si ma iko wula-da-rakolɔn. Anu ti tenbi fenfen na.

1 Pita 1:8

Wo ma Yisa yen bɛ kɔnɔ wo ara a keni. Wo ma a yen bɛ wo yɛ la, hali wo, wo dɛnkɛninyanɛ a ma. Woletɔ wo ye nyagalenna ka sewa-makawani-wɛ kɛ, hadama-dan dɛ ti ke min fɔla.