Aiseya 5:7 - ALLALA KUMƐ

⁷ Mari Sɛnbɛ-Bɛɛ-Tigita nakɔɛ, wo le Isirɛla kɛ la. Yuda nyamanita-mɔgɛ wonu minnu di a ye, wonu denu bi ki-fenyɛ la. Mari miri ko anu bi ko-kɛndɛ le kun na nun, yaga, anu sa fenfen kun na fɔ mɔgɔ-fagɛ. A ya a lɔn ko anu bi ko-telennɛ le kun na nun, yaga, anu bi buila minnu ma, wonu bi dila a dala ko-telenni-koe la.

Aiseya 5:7 Iomraidhean Croise

Ko-Dabirɛnu 4:10

Wo kɔma, Mari ko, “I wara nfen ma kɛ la? I tole masɔ! I dɔgɛ yele ye dila n dala ka bɔ dugi rɔ a tayili-sara-koe la.

2 Samuwɛli 7:10

Nde le ya kan-tinɛ nyini nta Isirɛla mɔgɛnu ye anu si anu sigi kan min, ado n bara ban anu sigi-bole rabɛnna nyɔ, anu yogenu ti ko ma anu na kan min iko a dabirɛ. Kebi anu nara nyamanɛ kɛ rɔ, karagbɛlɛnu bi anu kɛlɛla kɔnɔ wo ti ma tun bawo n bara lanyiri kiri ko n si ale Dawuda latanka a yogenu masibɛ ma ka mamanɛnu di a ma.

Yobu 34:28

Kun-tigi wonu ya bolo-kolɔnnu bira boloko-yogomɛ-kɛ ha bolo-kolɔn wonu dira Alla dala. Wo le ya a ma, ale fanan ya anu di-kɛ-kan lamɔɛn.

Yaburi 147:11

Kɔnɔ a kolan si bɔ a gbiliyalɛnu denu na. Minnu yigi bɛnnɛ ala hinɛ ma, a makoe ye wonu denu na.

Yaburi 149:4

Mari sewanɛ ala mɔgɛnu na. A ye mɔgɔ-famayiginɛnu gbiliyala nɔlɛ la.

Yaburi 80:15

Na ita nɔnbɔ-kinɛ kɛ fɛ-bira. I wara a ma, a ara sabati.

Bɔ-Koe-Iyipiti 3:7

Mari ya a fɔ ko, “Nta mɔgɛ minnu bi Iyipiti, n bara wonuna tɔrɔyɛ yen yati! Anuna wɔli-kunyɛnu bi min mala anu na, n bara wo lɔn ka anu di-kɛ-kannu namɔɛn. N bara anuna yisi-lafinyɛ lɔn.

Hɛnkilimaya-Kumɛnu 21:13

Mɔgɛ min bi a bole burunna a tole la alako a kana bolo-kolɔnnu di-kɛ-kan lamɔɛn, ale fanan tenbi dila lunyɛ do, a di-kɛ-kan la ti mɔɛn.

Makawandili Kumɛnu 4:1

N sigira ka n miri. Telenbɛlitayɛ min bi duninya rɔ, n ya wo lakɔrɔsi. Minnu bi kɔndɔfili rɔ, wonu bi dila kɔnɔ anu denkunna-wo-denkuna sa. Anu denkunna sa bawo minnu bi anu tɔrɔla, sɛnbɛ ye wonu denu bolo.

Keninteya-Siginu 7:6

I yɛrɛbɛ-yɛrɛbɛ, ado i kin dɔgɔma-ma-de! Ila kinyɛ ara n hɛnɛ tɛban!

Aiseya 1:21

Yerusalɛm soe min telennɛ nun fɔlɔ, wo ara wo nyɛrɛ ma iko yɛlan. Fɔlɔ nun, a lafanɛ wole mɔgɔ-telennɛ gbansan denu na kɔnɔ kaka, wole mɔgɔ-fagalɛnu denu bi a rɔ.

Aiseya 1:6

Ka a bi i kunyɛ ma ha ka yigi i kian ma, kɛndɛya-tina-wo-tina sa i rɔ. I fɛrɛ magboro-gboronɛ, ado tɛlɛ anubɛ da gbansan le ye i ma. Ila tɛlɛnu kubɛlɛ, bɛsi sa anu na, ado anu makirini ma.

Aiseya 27:2

Wo wulɔn nyɛrɛ rɔ, Mari ko mɔgɛnu ni sigi kɛ sa ata ki-fannuna ko rɔ. A ko

Aiseya 3:14

A ara kumɛ rabɛn ala mɔgɛnuna kun-tiginu anubɛ anuna mɔgɔ-banu kan ma. A ko, “Wo ara bui mɔgɛnu ma ka anuna ki-fannu bi anu bolo. Wola bɔnnu nafanɛ bolo-kolɔnnuna fannu na.

Aiseya 3:15

Sereya sa wo bolo ka bui nna mɔgɛnu ma ka bolo-kolɔnnuna bolo-fannu bi anu bolo.” Ale wo Tigi Mari Sɛnbɛ-Bɛɛ-Tigi kan le kɛ la.

Aiseya 3:17

Mari ko a si anu tɔrɔ. A ko a si anu kunyɛ gbana ka anu kunya-sondokore to.

Aiseya 30:12

Isirɛlata Alla-sɛnimɛ ye a fɔla ko wo ye wo banna ata kumɛnu na ka la karagbɛlɛyɛ anubɛ yanfanteyɛ dɔrɔn na.

Aiseya 46:12

Wole tolo-gberenu, a ko wo ni wo tole masɔ, wole min fɛ-yan ko-telennɛ la, kɔni.

Aiseya 5:2

A ya kan tinɛ wo rasin ka kurinu tɔnbɔn a rɔ. A ya ki-fen-hakikɛnu ki nyɔ. A ya bɛndɛ-layan-bɛ sɔ nyɔ tɛma a makandan-koe la. A ya bondɔn sɔ ki-fan wonu gbɔɛla ko la. A ya a to ha kɔn-gbɔɛ wonu mɔra a kin na kɔnɔ kɔn-gbɔɛ wonu kuna iko kotuli.

Aiseya 59:13

Ma ara hakɛ kɛ ka bila Mari la. Ma ara ma kan-kɔ sɔ a la. Ma ya ma rabɛn mɔgɛnu tanban-koe la alako ma si Alla sɔsɔ nya min. Yanfanteyɛ anubɛ foninya-fɔɛ ye bɔla ma yisi le tɔ.

Aiseya 59:14

Anu ko ma ara ko-telennɛ gben. Koe min bɛnnɛ, ma ara ma masɛgi wo la. Ma ye ma kian latugula tonyɛ la kila-kolenu na soe tɛma. Ma sa sɔnna ko-telennɛ-ladon-koe ma soe burɔ.

Aiseya 59:4

Wo wa ta kiti-bɔn la hali min yo, wo si yiliki sɔrɔn. Tonya-fɔla fenfen sa kiti-bɔn la. Wo ye karamɛ layɛlɛla wo nyɔgɔn ma. Wo ye nanparan ratɛgɛla donu kan ma ka ko-yogomɛ dan-natenbi.

Aiseya 62:5

Iko keminɛ ye a wasila kɔɛn-kura-biyi la nya min, Mari ye a wasila wo biyi la wo nya na le. Iko kei ye sewala ala musu-kurɛ la nya min, ale Mari fanan bi sewala wo la wo nya na le.

Yɛrɛmaya 12:10

Sibolo-gbɛrɛ kun-tigi-siyaman si nta ki-fannu tinya. Anu si ki-fan wonu tatɛntɛn ka anu nunku tɔi! Anu si nna sɛnɛ-hakikɛ ma iko wula-da-rakolɔn.

Yɛrɛmaya 24:2

Senda kelan, toro-gbɔ-hakikɛ le wo rɔ. Sende doi wo, fenfen sa wo rɔ fɔ toro-gbɔ-tulunɛ.

Yɛrɛmaya 50:46

Babilɔn nyamanɛ wa bui tumɛ min, wo bui-kan si duninya ramaga. Sibole doi wonu si anu di-kɛ-kan lamɔɛn.

Isikiyɛli 22:29

Anuna fen-tiginu bi mɔgɔ-bolo-labirɛ anubɛ kankanyɛ le kun na. Anu bi bolo-kolɔnnu bira boloko-yogomɛ-kɛla. Anu bi sundannu kensunyala.

Hoseya 10:1

Wole Isirɛla mɔgɛnu bara sabati nun iko kɔn wa gbɔ tisikiri! Wo ye tɔnɛ sɔrɔnna nya min, wo ye tola saraka-mintan-tinɛnu nadanna bɛsɛnu ye wo nya na le. Ki-fannu bi tola sabatila wola dugi rɔ nya min, wo ye tola wola kuru-malɛsɛnɛnu makirila wo nya na le.

Maika 6:12

A ko nɔnfulu-tiginu bi bolo-kolɔnnu bolo labirala. Wonu damasi ye foninyɛ fɔla.

Maika 6:8

Nɛbi Maika ko, “Ma si min ma wona, Mari ara wo fɔ ma ye nun. A ye nyinina minnu ma ma bolo, wo le kɛnu na. A dabira fɔlɔtɛ, a ko ma ni ko-latelennɛ kɛ. A fila nyɔgɛ, ma ni ma nyɔgɔn keni anubɛ Alla. A sawa nyɔgɛ, ma ni Alla diyana-koenu kɛ gbiliyɛ rɔ.

Habakuku 1:3

N nafoonɛ karagbɛlɛnu anubɛ kasara-kɛlɛnu na pito! Mɔgɛnu bi buila anu nyɔgɔn ma ka wunduyogoya-su bɛɛ sigi anu nyɔgɔn na kan-tinɛ bɛɛ rɔ. Nfenna i ye a mala, nde ye wonu tayenna n yɛ la? Nfenna Mari, ile nyɛrɛ ye ko-sufa kɛnu tayenna ka i munyu wonu kɔrɔ?

Sɛfanaya 3:17

Wota Mari Alla ye wo fɛ. Ata sɛnbɛ si nɔlɛ di wo ma. Mari si nyagalen wo la. A si ni-kurɛ di wo ma bawo wo di a ye. A si nyagalen wo la ka sigi sa.

Matiyu 23:23

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, wo ye yaka bɔla nako-fen-mɛsɛnu tɔ kɔnɔ wo ye wo banna karan-kolomɛnu bira-koe ma. Tɔn minnu bi iko telenbagayɛ, kinikini, anubɛ dɛnkɛninyɛ, wo bannɛ wonu ma. A bɛnta, wo ni kɛnu denu ma anubɛ wo ye doi min bɛɛ kɛla.

Luka 18:7

Allata mɔgɛ minnu bi anu kan nabɔla a ma su-ni-tele, wonu don, a ti wonuna kiti tɛgɛ a kilɛ fɛ, wa? A ti anu dɛnbɛ tiriya, wa?

Yɔni 15:2

Bolɔn min bɛɛ ye nde ma, minnu ti gbɔ, a si wonu gbendan a ma. Bolɔn min bɛɛ ye gbɔla, a si wonu matɛgɛ, woletɔ anu si gbɔ bɛrɛkɛ!

Tɔn-Fɔɛ-Fila-Nyɔgɛ 15:9

Hali a ya a taran, san wɔrɔnfilɛ kɛ ara gbɛrɛn, wo si yili boloka san min na, wo kana wo ban wo nyɔgɔn-dɔndɔ-koe ma. Hali miriya-yogoma-su wo kana na wo hɛnkili ma. Ni wo ya wo ban wo na-kelen-nyɔgɛnu dɔndɔ-koe ma, ni wo do ya a yasere-masa Allatala ye, wo tigi min ya karagbɛlɛyɛ sigi a la wo la, wo si yiliki sɔrɔn Alla bolo.

Yemesi 5:4

Mɔgɛ minnu wɔlita wo ye wola sɛnɛnu tɔ, wo ya wonu kensunya. Alla ara wola yasere-masa-kan lamɔɛn. Nba, minnu ya wola fui-fan tɛgɛ ka a ladɛn wo ye, wonu di-kɛ-kan ara ke Mari Alla Sɛnbɛ Bɛɛ Tigi tole rɔ!