Aiseya 48:2 - ALLALA KUMƐ

² Wo ye wasila a fɔɛ la ko duguran le wo la so-sɛnimɛ kɛ rɔ. Wo ko wo tonɛ Isirɛlata Alla ma min tɔgɛ Mari Sɛnbɛ-Bɛɛ-Tigi.

Aiseya 48:2 Iomraidhean Croise

Nihɛmaya 11:1

Kun-tiginu sigira Yerusalɛm soe burɔ, Allata so-sɛnimɛ, kɔni. Mɔgɔ-toenu ya korɔn lakɛ ka a tɛgɛ anu sigi-koe ma Yerusalɛm soe burɔ. Denbaya-tigi tan wa korɔn lakɛ, a si diya denbaya-tigi kelen de la. Wonubɛ ala denbayɛ ni ta anu sigi Yerusalɛm soe burɔ. A to kɔnɔntɛ, wonubɛ anuna denbayɛnu si ta sigi so-nɛnu tɔ.

Nihɛmaya 11:18

Lifayi mɔgɛ minnu sigira Yerusalɛm, Allata so-sɛnimɛ, kɔni, wonu yatɛ bɛnta mɔgɔ kɛmɛ fila, mɔgɔ bi-segin ani mɔgɔ nani ma.

Yaburi 48:1

Mari makawara. Matɔgɛ bɛnta ale le ma. Wo ni a gbiliya ata kɔnkɔ-sɛnimɛ kuma, a halala-soe ye kan min.

Yaburi 87:3

Ile Allata so-kunbɛ, i tole masɔ kabana-ko-kumɛnu na anu bi min fɔla i wara-koe rɔ.

Aiseya 10:20

Wati ye nala, a Isirɛla mɔgɛ toe min bi tola wonu ti anu yigi sa nyamanɛ wo la min bara a raya anu kasara-koe ma. Wo wati le tɔ, anu si anu yigi sa Isirɛlata Mari Alla-sɛnimɛ rɔ.

Aiseya 47:4

Ma kunkalɛ le Mari Sɛnbɛ-Bɛɛ-Tigi la. A tɔgɛ le Isirɛlata Alla-sɛnimɛ.

Aiseya 51:13

Wo ma nyina ale Mari ko min ya wo dan? Ale le ya san-kole rafulen ka dugu-kole kurukɛ. Nfenna wo kumakɔnɛ tonɛ kilan bolo? Anu bi wo niyi ragbɛrɛnna. Anu tabɛnnɛ wo kasara-koe ma. Kɔnɔ anuna kɔnkɔn ti ko-wo-ko ma wo la.

Aiseya 51:15

Mari ko ale le wota Mari Alla la. Ale le ya kɔgɔ-yi ramaga a worɔn la ka a ma, a la ni sɔnkɔ. A tɔgɛ le Mari Sɛnbɛ-Bɛɛ-Tigi.

Aiseya 52:1

Ile Yerusalɛm, i ragbɛlɛya. Ile Allata so-sɛnimɛ, i nyɛrɛ makiri, i mafɛlan ni diya tun. Alla-batobɛlɛnu ti don so-tarɛ don-dɛnu na tun.

Yɛrɛmaya 10:16

Kɔnɔ Yakobata Alla sa iko bɛsɛ kɛnu. Alla le ya fan bɛɛ ladan. A ya Isirɛla mɔgɛnu ma a halalɛ la. A tɔgɛ le Mari Sɛnbɛ-Bɛɛ-Tigi.

Yɛrɛmaya 21:2

Anu ko n ni Mari madiya anu ye bawo Babilɔn mansɛ Nɛbukanasa ara na bui mala so-karantan ma. Anu ko tumado Mari si kabana-koe do kɛ ma ye min si a ma, Nɛbukanasa ni sɛgi a kɔma.

Yɛrɛmaya 44:26

Mari ara a keli a nyɛrɛ rɔ ka a tɛgɛ wole, Yuda mɔgɛnu ma minnu bi Iyipiti nyamanɛ rɔ yan. Wo ni wo tole masɔ lanyiri wo la. A ko a ti sɔn wo ni a tɔgɛ rakele lanyiri-kiri-tinɛ. Ka a fɔ ko, “A ye mabɛ ma tigi Alla tɛma,” wo ti ma tun!

Daniyɛli 9:24

“Alla ara ban a latɛgɛla nun ko fɔ san bi-wɔrɔnfila sigi tina wɔrɔnfila (490) wa tenbi yanni ila mɔgɛnu anubɛ ila so-sɛnimɛ Yerusalɛm ni bɔ anuna hakɛ kɔrɔ. Wo kɔma, Alla si anu makoto ka telenbagayɛ lasɛgi anu tɛma. Woletɔ ko-rayirɛ anubɛ wɔlɔyiyɛ min kera i ye wo la, wonu na si tɔnbagaya. Wo kɔma, Alla Bato-Bɔn si dantɛgɛ tun.

Maika 3:11

Anu bi dogonta-fannu dila wole kun-tiginu ma kiti-tɛgɛ-tinɛ. Tɔn-karan-mɔgɛnu bi wodi makelela mɔgɛnu bolo tɔn-karan-koe la. Wola nɛbinu bi kuntɔ-kumɛnu fɔla tɔnɔ-nyini-koe la mɔgɛnu bolo. Nɛbi-su kɛnu bi tɔgɛ sala Mari la ko Mari ye anu fɛ. N ba a fɔ ko, ‘tɔrɔyɛ ye nala,’ anu ni n sɔsɔ ko, ‘wo ti ma.’ Anu ko Mari ye anu fɛ.

Matiyu 27:53

Anu bɔra kanbɛnu tɔ, ado Yisa wulita ka bɔ furinu tɛma tumɛ min, anu tara so-sɛnimɛ rɔ Yerusalɛm, mɔgɔ siyaman ya anu yen kan min.

Matiyu 4:5

Wo kɔma, Setanɛ ya Yisa bi ka ta a la Yerusalɛm so-sɛnimɛ rɔ ka a sigi Alla-Bato-Bɔn kun-tɛma-sore la.

Romu 2:17

Wole don? Wo ye wo nyɛrɛ kelela ko Yahudiyanu. Wo ye wo yigi bɛɛ sala tɔn-kitabu wara-koe kuma ka wo nyɛrɛ matɔgɔ ko Allatɛ le wo la.

Lankɛnimayɛ 11:2

Kɔnɔ kata-burɛ minnu bi Alla-Bato-Bɔnla minɛ rɔ, i kana nyɔ suman bawo kan tinɛ wonu bara di sibolo-gbɛrɛnu ma. Anu si So-Sɛnimɛ kɛ radɔn karɛ bi-nani ani karɛ fila (42) kɔrɔ.

Lankɛnimayɛ 21:2

Nba, n ya Yerusalɛm-So-Sɛnima-kurɛ yen yigila ka bɔ Arinyɛni tɔ Alla bolo. Soe wo makirinɛ, ado a rabɛnnɛ iko kɔɛn-kurɛ rabɛnnɛ nya min ala keila ko la.

Lankɛnimayɛ 22:19

Nba, ni mɔgɔ-wo-mɔgɔ ya do bɔ kitabu kɛta wɔlɔyiya-kumɛnu na, Alla si atɛ bɔ nimaya-kɔlɔma-gbɔɛ-sɔrɔn-koe rɔ. A bɛnta, a ni min sɔrɔn so-sɛnimɛ wo burɔ minna koe fɔnɛ kitabu kɛ rɔ, a si foo wo bɛɛ la.

Kɛlɛ-Kurugbɛnu 17:13

Maika ya a fɔ a nyɛrɛ ma ko, “N bara Lifayi bɔnsɔn-mɔgɔ-bɛrɛbɛrɛ sɔrɔn min si ma n halalɛ la ka saraka-masɔ-wɔlɛ kɛ n ye. Fɔ Mari wa n wara-koe lata yarɔ.”