Aiseya 41:4 - ALLALA KUMƐ

⁴ Yon bi kɛ dama mala? Koe minnu bara tenbi nun kɔrɔma la, yon bi wonu kun na? Nde, Mari le nyɔ nun kebi hun, ado nde, Mari si taran nyɔ fanan ha wati-laban.

Aiseya 41:4 Iomraidhean Croise

Yaburi 102:27

Kɔnɔ i ti yɛlɛma muk! Ile siyi ti ban mumɛ!

Yaburi 102:28

Kɔnɔ mala dannu ti to nyagbɛ rɔ. Wonu kegeyɛnu si to lafɛrɛ rɔ. Anuna dannu si taran ila matankalɛ kɔrɔ.

Aiseya 40:12

Mɔgɛ si ke kɔgɔ-yi sumanna a bole tɔ? Mɔgɛ si ke san-kole sumanna a nunkan la? Mɔgɛ si ke duninya-bɔnkɛ kɛla kalamɛ rɔ? Mɔgɛ si ke fan do bila ka kɔnkɛnuna gbiliyɛ-yatɛ lɔn?

Aiseya 40:26

I yɛ layɛlɛ san-kole ma. I yɛ ye lole minnu na wo la, yon ya wonu dan? Min bi anu tatalala iko kɛlɛ-dannu, wo le ya anu yirika lɔn, ado a bɛɛ kelen-kelennamɛ tɔgɛ ye a bolo. A fanka makawara, hali lolo kolo-kelen-bɛrɛn ti tantan sɔgɔ.

Aiseya 41:20

Mɔgɛnu ba wo yen, anu si a fɔ ko fɔ Mari le wara kɛ ma. Anu si na a lɔn wo rɔ ko Isirɛlata Mari-sɛnimɛ le wara kɛ ma ka.

Aiseya 41:26

Yon si ke kɛ labɔla a kunyɛ rɔ ko kɛ ye mala le yarɔ? Ni wo si ke kɛ mala le nun, ma si wo yo sa nun. Kɔnɔ wo do-wo-do ma ke kɛ fenfen fɔla ma ye. Ma ma ke fenfen namɔɛnna wo la.

Aiseya 41:3

Ale si anu sagaran, ado yanba ti yalan a ma. A kin natiri, a mani de iko a kin sa tugula dugu la.

Aiseya 42:24

Yon ya Isirɛla nyamanɛ latenbi a kankannɛnu ma? Ale Mari nyɛrɛ-nyɛrɛ le ya wo ma, ma ara hakɛ kɛ min na, kɔni. A sɔgɛ ye a la, ma ni ma nya min, ma ma sɔn wo ma. Ma ma sɔn ala karan-bira-koe ma ma bolo filɛ la.

Aiseya 43:10

Alla ko a sere le male Isirɛla mɔgɛnu na. A ko a ya ma yabɔ ka ma ma ata wɔli-kɛlɛnu na. Woletɔ ma si a lɔn ka la a la. Wo si a lɔn wo rɔ ko ale le kelen pe le Alla la. Alla-gbɛrɛ fenfen sa ale kɔma. Dogbɛrɛ sa nyɔ nun, ado dogbɛrɛ sa nala mala a la.

Aiseya 43:13

A ko Habadan-Alla le ale la. Mɔgɔ-wo-mɔgɔ ti ke a burila ata sɛnbɛ kɔrɔ. Mɔgɔ-wo-mɔgɔ ti ke ala ko-ladannɛ bɔla a gbɛ rɔ.

Aiseya 46:10

A ko kebi duninya dabirɛ, a ya ko-laban-watinu fɔ. Koe min bi nala mala yarɔ, a ya wonu fɔ wo ye, bi ko ma wo la. A ya a fɔ ko ala ko-latɛgɛnɛnu ti tinya. A ko a ara ban koe minnu miriyala, fɔ a wa wonu ma le!

Aiseya 48:12

Mari ko wole Isirɛla mɔgɛ minnu-yabɔnɛ a bolo, wo ni wo tole masɔ. A ko a dabirɛ le ale la, anubɛ a laban, ado a kelen pe le ye Allayɛ la.

Matiyu 1:23

“Sunkurun-nasɔlɔnɛ si buyi bi ka den-kei sɔrɔn. Anu si a tɔgɛ rakele ko Imanuwɛli.” Tɔgɛ wo kɔrɛ le ko, “Alla ye ma fɛ.”

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Kɛwɔlɛnu 15:18

Nde, Mari le ya kɛ fɔ, ado n bara mɔgɛnu nalɔn kɛ la kebi fɔlɔ.’ ”

Kɛwɔlɛnu 17:26

A ya mɔgɔ-su bɛɛ dan ka bɔ mɔgɔ kelen tɔ ka anu nasigi dugu-kole bɛɛ kuma. Ale nyɛrɛ ya anuta watinu anubɛ anuna sigi tinɛnu dan latɛgɛ kebi fɔlɔ.

Tɔn-Fɔɛ-Fila-Nyɔgɛ 32:39

Mari ko ale kelen pe le wota Mari Alla la. Fufafuyi le wola bɛsɛnu na. Ale le si mɔgɛ faga, ale le si mɔgɛ lakɛndɛya. Ale le ye mɔgɛ tanbanna, ale le ye mɔgɛ dandanna. Mɔgɔ ti ke ale rasɛla.

Lankɛnimayɛ 1:11

A ko, “I ye nala min yenna, i ni wo sɛbɛ. I wa ban wo sɛbɛla, i ni kitabu wo lata chɔchi wɔrɔnfilɛ kɛnu ma, Ɛfɛsa wo, Simirina wo, Pɛragama wo, Tayataira wo, Sadisi wo, Filadɛlifiya anubɛ Leyodisiya.”

Lankɛnimayɛ 1:17

N ya a ragbɛ min kɛ, n buira a kin kɔrɔ iko mɔgɔ-faganɛ. A ya a kɔɛn-nyimɛ sa n ma. A ko, “I kana kilan! A fɔlɔtɛ anubɛ a laban le nde la.

Lankɛnimayɛ 1:8

Mari Alla min bi yan kaka, a ye nyɔ kebi fɔlɔ, ado a ye nala le, Sɛnbɛ-Bɛɛ-Tigi, kɔni, wo ye a fɔla ko a fɔlɔtɛ anubɛ a laban le ale la.

Lankɛnimayɛ 2:8

“I ni kɛdi sɛbɛ ka a lata Simirina-chɔchi-melika ma. “ ‘Nde le a fɔlɔtɛ anubɛ a laban la. Nde faganɛ nun kɔnɔ kaka, n bi n niyi la.

Lankɛnimayɛ 22:13

A fɔlɔtɛ anubɛ a laban le nde la, a dabirɛ anubɛ a kundɔn.”