Aiseya 4:3 - ALLALA KUMƐ

³ Alla ara ban a latɛgɛla min kɛndɛ si to Yerusalɛm soe burɔ, wonu si kele ko mɔgɔ-sɛnimɛnu.

Aiseya 4:3 Iomraidhean Croise

Yaburi 69:28

Anu tɔgɛ bɔ nimaya-kɛdi rɔ. Anu tɔgɛ kana taran ila mɔgɔ-telennɛnu tɔgɛ tɛma.

Yaburi 87:6

Mari wa sibole bɛɛ tɔgɛ sɛbɛ tumɛ min, a si mɔgɛ bɛɛ yatɛ Yerusalɛm kɛ la.

Aiseya 1:27

Bawo Mari telennɛ, a si Yerusalɛm kisi anubɛ wole minnu bara wo kan-kɔ sɔ wo hakɛ la.

Aiseya 28:5

Wati ye nala, Mari Sɛnbɛ-Bɛɛ-Tigi nyɛrɛ-nyɛrɛ si ma iko mansaya-fulɛ min nadannɛ kɔn-fere la. Ala mɔgɔ-dande minnu bi tola, ale si to wonu ye.

Aiseya 35:8

Kila-gbonkan-bɛ si taran nyɔ anu bi min kelela ko, “Allata Sɛninya Kilɛ.” Hakɛ-tigi fenfen ti tenbi nyɔ. Mɔgɔ-nyimɛ minnu bi tagamana kilɛ wo fɛ, kun-takolon wo kun-takolon ti ke wonu kɔndɔfilila.

Aiseya 46:3

Wole Yakoba kebila-toe min tonɛ, wo ni wo tole masɔ. Mari ko ka a bi wola denninya-wati ma, a ye wo fɛ-birala,

Aiseya 52:1

Ile Yerusalɛm, i ragbɛlɛya. Ile Allata so-sɛnimɛ, i nyɛrɛ makiri, i mafɛlan ni diya tun. Alla-batobɛlɛnu ti don so-tarɛ don-dɛnu na tun.

Aiseya 6:13

Mɔgɔ-kɔnɔntɔ wo mɔgɔ-kɔnɔntɔ, hali a tan nyɔgɛ min tora, n si wo fanan kasara. Nta mɔgɔ-yabɔnɛ minnu tonɛ kɛ, wonu si ma iko kɔlɔma-kuru-wɛ min tɛgɛnɛ dugi rɔ. Kɔnɔ kɔn-kundi min tonɛ wo la, wo si a matii ka ma Allata mɔgɛnu tamasere la.”

Aiseya 60:21

Ila mɔgɛnu si to ko-telennɛ mala. Duninya si ma anutɛ la tɛban! Mari ko ata ki-fan le ile la bi ko ma min ki a bolo. A ko a ya ile dan a nyɛrɛ kɔɛn le la ka ata fanka mayira mɔgɛnu na.

Aiseya 62:12

Wole, ata mɔgɛnu si kele ko, “Allata Mɔgɔ-Sɛnimɛnu.” Mɔgɛnu si wo kele fanan ko, “Marita Mɔgɔ-Kunkanɛnu.” Anu si ile Yerusalɛm kele ko, “Alla Diyana-Soe.” Anu si i kele fanan ko, “Alla Ma A Ban Soe Min Na.”

Isikiyɛli 13:9

Ka a tɛgɛ anuna ko-rayirɛ anubɛ anuna foninya-wɔlɔyiya-kuma-fɔɛ wo ma, a ara to sɛ, n ni bila anu tɔ. Nna mɔgɛnu ba anu kundɛn ka koe latɛgɛ anu nyɛrɛ ma, foninya-nɛbi wonu ti bɛn wo rɔ. Isirɛla dugurannu tɔgɛ sɛbɛnɛ kan min, anu denu tɔgɔ ti taran nyɔ hali! Anu ti sɛgi anuna nyamanɛ wo rɔ tun. Wo wa ma tumɛ min, anu si a lɔn ko wo Tigi Mari le nde la.

Isikiyɛli 43:12

Bato-Bon-sereya le kɛ la. Bato-Bɔn sɔnɛ kɔnkɛ min kuma, wola foolɛ bɛɛ tɛrr, wo bɛɛ sɛninyani de!”

Yowɛli 3:17

A ko wole, Isirɛla mɔgɛnu si a lɔn wati wo rɔ ko wota Mari Alla le ale la. A ko ale le ye a mayigila ata kɔnkɔ-sɛnimɛ kuma. A ko Yerusalɛm soe si ma so-sɛnimɛ la. Sibolo-gbɛrɛnu ti nɔ-ko sɔrɔn a ma tun!

Hɔbadaya 1:17

Kɔnɔ hali wo, Mari ko ata mɔgɔ-biranɛ donu si ke anu burila ka sɛgi anu barɛ Yerusalɛm soe burɔ ka a bato nyɔ. Yakoba kegeyɛnu si ke anu halala-nyamanɛ sɔrɔnna a gbɛ rɔ tun, yɔ!

Sakaraya 14:2

Mari ko a si sibole bɛɛ kundɛn kan-tina-kelen ka Yerusalɛm kɛlɛ. Anu si wola soe bi wo bolo ka wola bɔnnu nakolonya ka digin wola musinu ma. Kɛlɛ si ta nyama tɔnkɔn la. A toenu si to wola so-tinyanɛ burɔ nyɔ.

Malakayi 3:16

Wo kɔma, minnu bi Alla gbiliyala, wonu bi kirabɔla anu nyɔgɔn na. Mari ye a wɔlɔ matɔlɔla wonu na. Anu bi min bɛɛsi fɔla, a ye wonu namɔɛnna. Mɔgɛ min bɛɛsi ye Alla gbiliyala, wonu tɔgɛ sɛbɛnɛ Allata hɛnkili-lamiri-buku rɔ.

Luka 10:20

Kɔnɔ wo kana sewa bawo nyina-yogomɛnu bi wola kumɛnu birala. Min fisa, wo ni sewa bawo wo ara ma dugurannu na Arinyɛni tɔ.”

Kɛwɔlɛnu 13:48

Sibolo-gbɛrɛnu ya wo lamɔɛn tumɛ min, anu sewara. Anu ya Marita kumɛ gbiliya kati! Minnu yabɔnɛ habadan-niyi-sɔrɔn-koe la, wonu dɛnkɛninyara Yisa ma.

Romu 11:4

Alla ya Nɛbi Ilaya yabi kama? A ko, “N bara mɔgɔ waga wɔrɔnfila (7,000) to anu niyi la Isirɛla nyamanɛ rɔ minnu telennɛ n ye. Anu denu ma bɛsi Beyali kɔ.”

Romu 11:5

Hali kaka, a ye wo nya na le. Anu dande le nyɔ Alla ara minnu yabɔ ka hina anu na.

Ɛfɛsa 1:4

Yanni duninya ni dan, Alla ara ban ma yabɔla nun alako ma ni ma atɛ la Kirasiti baraka rɔ. A ya ma yabɔ ko ma ni sɛninya a yala. A sa a fɛ, fɛɛ-wo-fɛɛ ni taran ma la. Ala keninteyɛ rɔ,

Filipai 4:3

Ile bɛrɛn Timoti, n ta-nyɔgɛ lanaya-mɔgɛ le ile la. N bi a fɛ, i ni musi wonu dɛnbɛ bawo anu bara wɔli n fɛ kati! Anubɛ Kalɛmɛnti ara kibara-nyimɛ nyɛnsɛn anubɛ n ta-nyɔgɛ minnu bɛɛ tɔgɛ sɛbɛnɛ Allata nimaya-buku rɔ.

Kɔlɔsi 3:12

Allala mɔgɛ le wole la. A ara wo keni ka wo yabɔ a nyɛrɛ ye. Woletɔ wo ni kinikinɛ anubɛ nyimayɛ anubɛ famayigiyɛ anubɛ dinyɛ anubɛ munyɛ don wo ma.

Hiburunu 12:14

Wo ni wo raya ka to yisi-kimɛ rɔ mɔgɛ bɛɛ fɛ. Wo ni wo raya ka ma mɔgɔ-sɛninyanɛnu na bawo mɔgɔ-wo-mɔgɔ ti Mari yen sɛninyɛ kɔma.

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ

Lankɛnimayɛ 13:8

Min bɛɛ siginɛ dugu-kole kuma, wonu si na a bato. Kɔnɔ minnu tɔgɛ sɛbɛnɛ Nimaya-kitabu rɔ, wonu denu ti sogo-feremɛ wo kɔ. Saga-dan min faga-koe latɛgɛra yanni duninya ni dan, wota buku le wo la. (

Lankɛnimayɛ 17:8

I ya sogo-feremɛ min yen, wo kɛndɛ le nun kɔnɔ a ara faga, bi ko ma! Alla si a furi layɛlɛ ka bɔ denka-dan-yenbɛlɛ rɔ. A si a halaki. Kɔnɔ minnu tɔgɔ sɛbɛni ma nimaya-kitabu rɔ, yanni duninya da ni bira, wonu ba sogo-feremɛ wo yen tumɛ min, anu si kawa. Sogo-feremɛ wo kɛndɛ nun kɔnɔ a ara faga. Kɔnɔ sogo-feremɛ wo si bɔ gbɛ rɔ tun!

Lankɛnimayɛ 20:15

Mɔgɛ min tɔgɔ sɛbɛni ma mɔgɔ-nimɛnuta buku rɔ, wonu nafilita ta-dalɛ wo rɔ.

Lankɛnimayɛ 21:27

Kɔnɔ fen-kɔsɔni wo fenfen ti don soe wo burɔ. Mɔgɛ min si kisimiriya-koe kɛ, wonu ti don soe wo burɔ mumɛ! Hali foninya-fɔlɛnu ti don. Fɔ minnu tɔgɛ sɛbɛnɛ saga-danta nimaya-buku rɔ, wonu denu dɔrɔn si don soe wo burɔ.

Lankɛnimayɛ 3:5

Minnu ba nɔlɛ kɛ, duruki-gbɛ si don wonu kan na iko doi wonu. N ti anu tɔgɛ bɔ Mɔgɔ-Nimɛnuta-Kitabu rɔ mumɛ! N si a fɔ n Fa anubɛ ata melikanu yala gbɛ rɔ serr, ko ntɛ le anu na.