Aiseya 39:3 - ALLALA KUMƐ

³ Nde, Aiseya tara ale mansɛ manyinika ko, “Sundan kɛnu bɔra mintɔ? Anu ya nfen fɔ i ye nun?” Mansa Hɛsakaya ko, “Anu bɔra fɔɔ Babilɔn nyamanɛ rɔ pon!”

Aiseya 39:3 Iomraidhean Croise

2 Samuwɛli 12:1

Mari ya Nɛbi Netan sɔ Mansa Dawuda wara. Nɛbi ke nyɔ, a ya tili tɛgɛ mansɛ ye ko, “Kei fila le taranta so kelen tɔ, fen bi doi bolo, fen sa doi wo bolo.

2 Ko-Kɔrɔta-Karan 16:7

Wo wati rɔ, Nɛbi Hanani tara Mansa Esa wara. A ya a fɔ a ye ko, “Bawo i wara i yigi sa Siriya mansɛ rɔ, i ma i yigi sa ita Mari Alla rɔ, wo le ya a to, tɔ-a-la, i ti nɔ-ko sɔrɔn Siriya mansɛ anubɛ ala kɛlɛ-dannu ma.

2 Ko-Kɔrɔta-Karan 19:2

Hananila den Nɛbi Yehu tara mansɛ taran ka a fɔ a ye ko, “I miri de! Alla gboyanɛ karagbɛlɛ minnu ye, a kin ka wonu dɛnbɛ, wa? I wara min ma kɛ la, wo ara Mari fonde bɔ i kan ma.

2 Ko-Kɔrɔta-Karan 25:15

Wo le ya a ma, Mari fonde bɔra. A ya nɛbi do lata ale Mansa Hamasa ma. Nɛbi wo ya ale mansɛ manyinika ko, “Nfenna i ye foninya bɛsɛ wonu kɔla minnu ma ke anuna mɔgɛnu kunkala i ma nun?”

Aiseya 38:1

Kɛ wati ya a taran, Mansa Hɛsakaya kun ma ara kɔ kirayɛ bolo. A tora doni, a ni lakiraya. Nde, Emɔsila den Nɛbi Aiseya tara a kɔndɔn tinɛ. N ya a fɔ a ye ko, “Mari ko yanni i ni faga, i ni i fɛ-koe mumɛ bɛɛ rabɛn bawo a ko i ti kirayɛ kɛ nɔ.”

Aiseya 38:5

“Sɛgi i kɔma Mansa Hɛsakaya wara. I wa ke, i ni a fɔ a ye ko nde, a benba Dawudata Mari Alla ko n bara ata madiyali-kan lamɔɛn ka a ya-yi yen. N si a ma, a ni san tan-ni-loli bɔ tun.

Aiseya 39:4

Nde, Aiseya ko, “Anu ya nfen yen ila bolɔn la nun?” Mansa Hɛsakaya ko, “Fenfen sa nyɔ anu ma min yen anu yɛ la. Nna bolonna-fen wo, nna fen-namara-tinata-fen wo, n ya wo bɛɛ yira anu na.”

Yɛrɛmaya 4:16

Kuman-kan wo ko wo ni kɛ fɔ sibolo-gbɛrɛnu ye ka a lake wole, Yerusalɛm kɛnu fanan ma ko wo yogenu bi nala ka bɔ wula-yan la pon! Kɛlɛ-kumɛ ye anu da rɔ Yuda soenu kan ma.

Yɛrɛmaya 5:15

Wole Isirɛla mɔgɛnu, Mari ko wo ni wo tole masɔ. A ti mɛ tun, nyamanɛ do si na wo tɔrɔ-tinɛ ka bɔ wula-yan la. A ko nyamani-kɔrɔkɔrɛ do le wo la. Mɔgɛ wonu bi kumɛ min fɔla, wo ti wonu kan ragbɛ. Wo ti ke anu kuli ragbɛla.

Yɛrɛmaya 8:19

I wɔlɔ matɔlɔ nna mɔgɛnu di-kɛ-kan la wula-yan la. Anu bi a fɔla ko, “Ha bi, Mari sa Yerusalɛm, ba? Ha bi, Yerusalɛm mansɛ sa nyɔ, wa?” Kɔnɔ Alla ya nde, Yɛrɛmaya manyinika ni wole, ala mɔgɛ kɛnu bi bɛsɛnu kɔla min na ka a ladiminya. A ko sibolo-gbɛrɛnuna bɛsi-fufafuyi le wonu na.

Tɔn-Fɔɛ-Fila-Nyɔgɛ 28:49

“Mari si a ma, sibolo-gbɛrɛkɛ-mɔgɛnu si na wo tɛma ka bɔ wula-yan la pon, wo ti minnu kuman-kan lamɔɛn hali! Wonu si na kɛ wo ma iko bibinu.

Yasowa 9:6

Anu tara Isirɛla dagɛ rɔ Kiligali ka a fɔ Yasowa ye ko, “Ma bɔra nyamanɛ min tɔ, wo fɛ-yan alako wo ni lanyiri kiri ma ye ka a fɔ ko wo ti ma kɛlɛ.”

Yasowa 9:9

Anu ya a yabi ko, “Male bɔra nyamani-fɛ-yanyanɛ rɔ bawo ma ya a lamɔɛn wota Mari Alla ara min ma Iyipiti nyamanɛ rɔ.