Aiseya 3:7 - ALLALA KUMƐ

⁷ Kɔnɔ wo si a fɔ ko, “Ade. N ti ke wo dɛnbɛna. Fɛrɛya-bɔ fenfen sa nde fanan bolo bɔn la. Dɔn-fen fanan sa n bolo. Wo kana nde ma wola kun-tigi la.”

Aiseya 3:7 Iomraidhean Croise

Ko-Dabirɛnu 14:22

Kɔnɔ Burama ya a fɔ Sɔdɔm so-tigi wo ye ko, “Fɔ kɛlɛ-dannu ya minnu dɔn kilɛ la, n kan sa wonu ma. Wo kɔma, i ni n diyana-mɔgɛnutɛ bɔ nɔnfuli la minnu tara n fɛ kɛlɛ rɔ, Mamire anubɛ Aneri anubɛ Esikoli, kɔni. Kɔnɔ n bara lanyiri kiri Mari Alla ye min bi fan bɛɛ kun na, min ya san-kole anubɛ dugu-kole dan ko ile so-tigitɛ ye fan minnu na, hali wo sanbara-yili anubɛ yesekara-kolo kelan, n ti wonu bi i bolo. N bi wo tɛgɛla min ma, alako i kana a fɔ n kɔma ko i wara nde ma nɔnfulu-tigi la.”

Aiseya 58:12

Wola soe minnu kasaranɛ kɛ la, a ko wola mɔgɛnu si wonu sɔ tun a kurɛ la. Wola soe minnu bara ma tonbɔn la nun, wo si wonu kurukɛ tun. Wo ye tarɛ labɛtɛrɛ min kɛla kɛ la, wo mankan wo si ta wuu! Bɛɛ si wo lɔn bon-nadannɛ anubɛ kila-ladannɛ la.

Yɛrɛmaya 14:19

Mari, i wara i ban bɛrɛbɛrɛkɛ male, Yuda mɔgɛnu na, wa? Yerusalɛm gbo i ye, wa? Nfen bara a to, i wara ma tanban boloko-yogomɛ-kɛ ha ma sa kɛndɛyala tun? Ma yili ye yisi-kimɛ le ma nun kɔnɔ ma ma a sɔrɔn. Ma yili-madiyanɛ ma kɛndɛya-koe la Yaga, kumakɔɛ le ma kuma.

Nimisa Koe 2:13

N si ile Yerusalɛm soe sanka nfen ma? Mɔgɔ-wo-mɔgɔ sa nyɔ min tɔrɔnɛ iko ile. I ni-radiya-kuma sa n da rɔ mumɛ! Ita tɔrɔyɛ kolo iko kɔgɔ-yi kolo nya min. Yigi wo-yigi sa i bolo.

Isikiyɛli 34:4

Minnuta ma gbɛlɛ, anu sa wonu dɛnbɛna. Minnu kirɛ, anu sa sɔnna wonu dandanna. Minnu tanbannɛ, anu sa wonuna tɛlɛnu makirila. Minnu tara anu kun fɛ, anu sa wonu kunyɛ lasɛgila a rɔ. Minnu tununta, anu sa wonu nyinina. Anu ti wo fenfen ma fɔ ka anu bira boloko-yogomɛ-kɛ.

Hoseya 5:13

Mari ko Yuda anubɛ Isirɛla ya a yen min kɛ ko anu ma kɛndɛ, wole Isirɛla mɔgɛnu tara Asiriya mansɛ wara a dandan-koe rɔ kɔnɔ wo ma ke wole, Isirɛla mɔgɛnu dandanna.

Hoseya 6:1

Mɔgɛnu bi anu da le fɔla ko, “Ma sɛgi wona Mari ma. Mari le wara ma tanban, ale le ye ma dandanna tun. Ale le ya tɛlɛ sigi ma ma, ale le ye mala tɛlɛnu makirila.

Yowɛli 1:16

Mala dɔn-fannu bi tinyana ma yala kɔnɔ a ma-kunya sa. Sewa sa mata Alla Bato-Bɔn la mumɛ!

Tɔn-Fɔɛ-Fila-Nyɔgɛ 32:40

A ko a ara a keli a nyɛrɛ la ka a kɔɛn layɛlɛ alako wo ni la kumɛ kɛ la.