Aiseya 3:5 - ALLALA KUMƐ

⁵ Mɔgɛnu si to anu nyɔgɔn niyi ragbɛrɛnna. Kemini-mɛsɛnu si yo kinanu ma. Kuntannu si yo mɔgɔ-gbiliyanɛnu ma.

Aiseya 3:5 Iomraidhean Croise

2 Mansɛnu 2:23

Nɛbi Ilaisa bɔmatoe Yɛrikɔ ka ta Bɛtɛli, kemini-mɛsɛ donu bɔra soe ka a taran. Anu burunta a rasɛla. Anu ya a fɔ a ma ko, “Ile kun-gbana. Ile fanan, yɛlɛ san ma gbɛ!”

Aiseya 1:4

Wole Isirɛla mɔgɛnu, hakɛ-tigi anubɛ ko-yogoma-kɛlɛnu le wole la. Gbalo ye wo kuma. Wola hakɛ ye tala wo lasɛgila wo kɔma. Wo ara wo ban Mari la, Isirɛlata Alla-sɛnimɛ, kɔni. Wo ara wo kan-kɔ sɔ a la.

Aiseya 11:13

Isirɛla mɔgɛnu ti Yuda mɔgɛnu makeliya tun, ado Isirɛla yoge ti ma Yuda la tun.

Aiseya 19:2

Mari ko a si na-kelen-nyɔgɛnu nakɛ anu nyɔgɔn ma ka sigi-nyɔgɔma-gbansan fanan nakɛ anu nyɔgɔn ma. A ko a si soenu natugu anu nyɔgɔn ma. Nyamanɛnu si anu nyɔgɔn kɛlɛ.

Aiseya 9:18

Mɔgɛnuna wunduyogoyɛ ye mintannɛ kɛla iko tɛ tenbi wɔnɔ-fira-gbalanɛ la. A si mintannɛ kɛ fanan iko tɛ tenbi kala-gbalɛ la. A sisi si yɛlɛ kulakula!

Yɛrɛmaya 22:17

Kɔnɔ a ko ale Mansa Yahoyakim, kensunya-fen-sɔrɔn, wo le dɔrɔn bi a hɛnɛna. Ka to hɔnna a nyɛrɛ la tolon, wo di a ye kosɛbɛ! Mɔgɛ min ma ko-yogomɛ ma tele-kelen-bɛrɛni, a si wo faga. A ye a lagbɛlɛyala mɔgɛnu kuma.

Isikiyɛli 22:12

Anu bi donu sarala mɔgɛnu faga-koe la. Donu bi tɔnɛ sala anuna yili-donnɛnu kuma anu ta-nyɔgɔn Isirɛla mɔgɛnu bolo, ado donu bi mala-a-la wo le tɔ. Anu bara nyina nde, Mari ko. Nde, anu Tigi Mari kan le kɛ la.

Saraka-Masɔlɛnuta Tɔnnu 19:32

“Wo ni wola kinanu gbiliya ka wo famayigi anu ye. Wo ni kilan nde la bawo nde, wota Mari Alla ya kɛ le fɔ wo ye.

Emɔsi 4:1

Wole Samariya musu-ba-kunbanu Basan nyamanɛ rɔ, wo kunbayanɛ iko bɔrɔkɛ. Wo ni wo tole masɔ. Wo sa fɛlɛtenɛnu anubɛ bolo-kolɔnnu birala a kin na! Wo ye wola keinu fɔrɔsɛla alako anu ni to nala baan la wo ye tuma-wo-tuma.

Maika 3:11

Anu bi dogonta-fannu dila wole kun-tiginu ma kiti-tɛgɛ-tinɛ. Tɔn-karan-mɔgɛnu bi wodi makelela mɔgɛnu bolo tɔn-karan-koe la. Wola nɛbinu bi kuntɔ-kumɛnu fɔla tɔnɔ-nyini-koe la mɔgɛnu bolo. Nɛbi-su kɛnu bi tɔgɛ sala Mari la ko Mari ye anu fɛ. N ba a fɔ ko, ‘tɔrɔyɛ ye nala,’ anu ni n sɔsɔ ko, ‘wo ti ma.’ Anu ko Mari ye anu fɛ.

Maika 7:2

Hali mɔgɔ-den-kelen sa wole, Isirɛla mɔgɛnu tɛma min telennɛ Alla ye. Mɔgɛ bɛɛ kɔnkɔnnɛ a ta-nyɔgɛ faga-koe ma. Wo ye belenna gbɛrɛnu nasigila wo nyɔgɔn ye.

Sakaraya 11:6

Mari ara a fɔ ko a ti kinikini mɔgɔ-wo-mɔgɔ ma tun ata nyamanɛ kɛ rɔ. A ko ale le ya mɔgɛ wonu nadon anu nyɛrɛta kun-tigi wonuna sɛnbɛ kɔrɔ. A ko kun-tigi wonu si nyɔ tinya pɔ, ado a ti sɔn ka ala mɔgɛnu nabɔ anuna sɛnbɛ kɔrɔ mumɛ!

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Matiyu 26:67

Nba, anu ya anu nɔgɔ-yi kɛ a yakɔrɛ ma ka a gbesi. Donu ya a dɛ ratii.

Maraka 14:65

Donu wulita anu nɔgɔ-yi kɛla Yisa ma. Anu ya a yɛ lakiri ka a matugu. Anu ko, “Min ya i tugu, i bole telen wo la!” Kandannɛ wonu ya a bira ka a dɛ ratii.

Luka 22:64

Anu ya a yɛ lakiri ka a manyinika ko, “Ile nɛbi, yon bara i gbesi wo la?”

Yemesi 2:6

Kɔnɔ wole ye bolo-kolɔnnu nafɛyala dɛɛ, ado yon bi wo niyi ragbɛrɛnna ka wo lafili kiti tɛgɛ tinɛ? Nɔnfulu-tiginu denu si wo ma!

Yemesi 5:4

Mɔgɛ minnu wɔlita wo ye wola sɛnɛnu tɔ, wo ya wonu kensunya. Alla ara wola yasere-masa-kan lamɔɛn. Nba, minnu ya wola fui-fan tɛgɛ ka a ladɛn wo ye, wonu di-kɛ-kan ara ke Mari Alla Sɛnbɛ Bɛɛ Tigi tole rɔ!