Aiseya 3:12 - ALLALA KUMƐ

¹² Kemini-mɛsɛnu bi nna mɔgɛnu tɔrɔla. Musinu bi kun-tigiyɛ kɛla anu kuma. Anuna mɔgɔ-banu bi anu bolo labirala, ado anu ma a lɔn anu si anu ya-lamunun kun-tigi minnu na.

Aiseya 3:12 Iomraidhean Croise

2 Mansɛnu 11:1

Mansa Ehasaya na Atalaya ya a lamɔɛn min kɛ ko Mansa Yehu ara ala den Ehasaya faga, ale Atalaya ya mɔgɛnu sɔ ko anu ni a kegeyɛ bɛɛ faga

Yobu 30:13

Anu bi kilɛ tɛgɛla n ma alako anu si n nɔ. Mɔgɔ-wo-mɔgɔ sa nyɔ min si anu nakala.

Hɛnkilimaya-Kumɛnu 28:16

Kun-takolɔn wa kun-tigiyɛ sɔrɔn, a si wunduyogoyɛ sigi mɔgɛnu ma. Kɔnɔ ni mɔgɛ ya a kan-kɔ sɔ kensunya-fannu na, a si simayɛ sɔrɔn.

Makawandili Kumɛnu 10:16

Gbalo ye nyamanɛ wo kuma denniya-hɛnkili ye minnuna mansɛ bolo anubɛ minnuna kun-tiginu bi kila anu nyɛrɛ ladiyala.

Aiseya 19:14

Mari ara anuna makawandili-kumɛ yabasan anu bolo. Ka a tɛgɛ wo ma, Iyipiti mɔgɛnu si ma iko gbɛɛtoe wa nama ala teseri rɔ.

Aiseya 3:4

Mari si a ma, denni-pɔipɔinu ni nyamanɛ mara.

Aiseya 51:22

ita Mari Alla ye wo latankala ka a fɔ wo ye ko a fonde bɔnɛ ya tɔrɔya-yi-lafɛ min di wo ma, a si wo bi wo bolo tun. Tɔrɔyɛ min si wo ma tɔlɔn iko gbɛɛtoe, a ko wo ti wo min wo la tun.

Yɛrɛmaya 5:31

Nɛbinu sa fenfen fɔla foninyɛ kɔma. Saraka-masɔlɛnu bi anu nyɛrɛta fanka le lawɔlila, ado wole, Mari nyɛrɛta mɔgɛnu diyana-koe le wo la. Kɔnɔ kɛ damasi laban si ma wo bolo nfen na?

Maika 3:5

“Nɛbi donu bi nyɔ minnu bi Allata mɔgɛnu yanfala. Minnu bi wonu sarala, anu bi yisi-kima-koe fɔla wonu ye. Minnu sa anu sarala, anu bi kɛlɛ-koe fɔla wonu ye wɔlɔyiya-kumɛ rɔ. Mari ye a fɔla mɔgɔ-mayuwaya-nɛbi wonu ye ko

Nehami 3:13

Wola kɛlɛ-dannu ma kɛlɛ-kɛ-kɛwuya fenfen lɔn tun. Anu mun na ara tɛgɛ iko musi. Wola nyamanɛ mumɛ ti ke anu nyɛrɛ kumafunfanna tun. Tɛ si wola tarɛ-da-rasɔgɔ-fan mintan.

Matiyu 15:14

Wo kana hɔn Farisi wonuna ko la! Fiyɔn le anu na, ado anu bi fiyɔn bole birala. Fiyɔn wa fiyɔn bolo bira, anu filɛ bɛɛ si bui denkɛ rɔ.”

Matiyu 23:13

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, Alla min bi Arinyɛni tɔ, wo ara ata mansayɛ don-dɛ sɔgɔ mɔgɛnu yarɔ. Kɔnɔ wole fanan ti don, ado mɔgɛ minnu bi anu tayala don-koe ma, wo ti sɔn wonu ni don. [