Aiseya 3:1 - ALLALA KUMƐ

¹ Hadama-dan minnu bi Yerusalɛm soe anubɛ Yuda nyamanɛ rɔ, wonu tonɛ fan min bɛɛ ma anubɛ anu tonɛ mɔgɛ min bɛɛ ma, Mari Sɛnbɛ-Bɛɛ-Tigi si na wo bɛɛ bi anu bolo. A si anu beli-fan anubɛ anuna yi bi anu bolo.

Aiseya 3:1 Iomraidhean Croise

2 Mansɛnu 25:3

A san tan-ni-kelen nyɔgɛ, a karɛ nani, tele kɔnɔntɛ ma, Babilɔn kɛnu kera tarɛ punsɔgɔla ka don. Wo ya a taran, kɔnkɛ ara mɔgɛnu malɔfɔkɔrɔya, fenfen sa anu si min dɔn. Hali Yerusalɛm soe lafoonɛ Babilɔn kɛlɛ-dannu na kɔnɔ Yerusalɛm mansɛ anubɛ ala kɛlɛ-dannu ya anu buri tala pinpi rɔ. Anu tenbira anuna mansɛla nako-rɔ-kilɛ la. Tara kun da filɛ latugun tinɛ, anu tenbira nyɔ le. Anu tara Yorodan-ba-lɛɛ wara la.

Yaburi 105:16

Alla ya kɔnkɔ-fitinɛ ladon anuta nyamanɛ rɔ ka anu beli-fan bɛɛ bi anu bolo.

Aiseya 1:24

Woletɔ Isirɛlata Mari Alla Sɛnbɛ-Bɛɛ-Tigi ye nala min fɔla, wo ni wo tole masɔ wo la. A ko a si a tayili sara wo la, wole, a yogenu, kɔni. A ko wo ti nanparan-wo-nanparan di a ma tun!

Aiseya 2:22

Wo kana lanaya sa hadama-dan rɔ tun! Tɔnɔ-wo-tɔnɔ sa wo la.

Aiseya 3:16

Mari ko, “Yerusalɛm musinu wasi-nya mafɛlɛn. Anu sungban siginɛ tala san ma. Anu bi keminɛnu wululula anu yɛ tɔnkɔn la. Anu bi tala anu tɛbulan ramagala. Anu kin-na-yɔlɔkɔ-kan ye tala bɔla anu kian la se se se.”

Aiseya 36:12

Kandɛ wo ya a fɔ anu ye ko, “A sɔgɛ le wo la nta mansɛla kumɛ kɛ ni fɔ wobɛ wota mansɛ dɔrɔn de ye, wa? N ma na wo la de! N bi kumala mɔgɛ bɛɛ le ye hali minnu bi san ma wo la. Wole dɔrɔn sa wo boe dɔnna ka wo suli min. Hali minnu bi tarɛ kuma pan, wonu fanan si anu boe dɔn ka anu suli min.”

Aiseya 5:13

woletɔ fɔ wo yogenu ba wo bira ka ta wo la. Wola kun-tiginu si faga kɔnkɛ bolo. A mɔgɛ toenu si faga kan-nagbalɛ bolo.

Aiseya 51:22

ita Mari Alla ye wo latankala ka a fɔ wo ye ko a fonde bɔnɛ ya tɔrɔya-yi-lafɛ min di wo ma, a si wo bi wo bolo tun. Tɔrɔyɛ min si wo ma tɔlɔn iko gbɛɛtoe, a ko wo ti wo min wo la tun.

Aiseya 9:20

Anu tara kan-bo-kan, anu si dugu-matɔnbɔn-kɛ kɔnɔ hali wo, anu buyi ti fa. Hali anu sɔrɔn-den-bɛrɛ, anu si a dɔn.

Yɛrɛmaya 37:21

Wo le ya a ma, ale Sɛdɛkaya ko anu ni n namara ala kata burɔ. Tele-wo-tele, anu si biredi-lɔngbɔn kelen di n ma ha biredi-koe banta soe wo burɔ.

Yɛrɛmaya 38:9

“N tigi, mɔgɛnu bara min ma, wo ma telen. Anu bara Yɛrɛmaya layigi kɔlɔn rɔ min kɛ, fɔ a wa faga nyɔ bawo dɔn-fen sa soe burɔ.”

Yɛrɛmaya 52:3

Mari diminyara Yuda mɔgɛnu ma anubɛ Yerusalɛm so-burɔ-mɔgɛnu ma ha a ya a kolan firindi anu ma. Ale Yuda Mansa Sɛdɛkaya murutiyara Babilɔn Mansa Nɛbukanasa ma.

Yɛrɛmaya 52:6

A san tan-ni-kelen-nyɔgɛ, a karɛ nani, a tele kɔnɔntɛ ma, Babilɔn kɛnu kera tarɛ punsɔgɔla ka don, ado wo ya a taran, kɔnkɛ ara mɔgɛnu malɔfɔkɔrɔya, fenfen sa anu si min dɔn. Hali Yerusalɛm soe lafoonɛ Babilɔn kɛlɛ-dannu na kɔnɔ Yerusalɛm mansɛ anubɛ ala kɛlɛ-dannu ya anu buri tala pinpi rɔ. Anu tenbira anuna mansɛla nakorɔ-kilɛ la. Tarɛ kun-da filɛ latugun tinɛ, anu tenbira nyɔ le. Anu tara Yorodan-ba-lɛɛ wara la.

Nimisa Koe 5:4

Hali mala min-kɛ-yi, ma ye a sanna le, ado fɔ ni ma ya mala sɔgɛnu san.

Isikiyɛli 14:13

“Ile hadama-dan, ni nyamanita-mɔgɛnu ya hakɛ kɛ n na, anu ma anu telen n ye, n si anuna dɔn-fan bɛɛ halaki. N si kɔnkɔ-fitinɛ lana anu ma mɔgɛ anubɛ sogenu kunyɛ si to min tɔ.

Saraka-Masɔlɛnuta Tɔnnu 26:26

N si a ma, wola dɔn-fannu ni dɔgɔya. Hali denbaya kelan duruta dɔn-fan tela daga kelan min tɔ, n si a ma, denbaya tan mɔgɛnu ni dɔn-fan te daga kelan wo rɔ anu nyɔgɔn fɛ. Wo wa a tala wo nyɔgɔn tɛma, a ti a bɔ. Wo dama kɔnkɔtoe si to.

Emɔsi 4:6

Mari ko ale nyɛrɛ-nyɛrɛ nara kɔnkɔ-fitinɛ la wole kuma kɔnɔ hali wo, Mari sɔgɔ-labɔnɛ wo la lass!

Maika 4:9

“Kaka gbɛ, nfen bi a tola, wole ko-yogoma-kɛlɛnu bi gbele-gbelenna ka? Nfen bi a tola, wo ye tɔrɔla kɛ nya kaka iko musi buyi wa a lamaga. Nfen bi a tola, wola mansɛ anubɛ wola hɛnkilimɛnu ti ke wo dɛnbɛna kaka?