Aiseya 26:3 - ALLALA KUMƐ

³ Mari biranɛ minnu bolo gben, ka a ma anu yigi la, a ye yisi-kima-bɛrɛbɛrɛ dila wonu ma.

Aiseya 26:3 Iomraidhean Croise

1 Ko-Kɔrɔta-Karan 5:20

Anu ya anu yigi sa Alla rɔ ka a matara anu dɛnbɛn-koe la. Alla ya anuna matarali-kan wo lamɔɛn ka nɔlɛ di anu ma Hagaranu anubɛ wonu madɛnbɛnɛnu kuma.

2 Ko-Kɔrɔta-Karan 13:18

Yuda kɛlɛ-dannu ya Isirɛla kɛlɛ-dannu nɔ bawo anu lanɛ anu benbanuta Mari Alla le la.

2 Ko-Kɔrɔta-Karan 16:8

Sudan kɛlɛ-dannu anubɛ Libiya kɛlɛ-dannu anubɛ anuna kirindi-siyamɛnu anubɛ anuna so-laburila-siyamɛnu, anu ma siya Siriya kɛlɛ-dannu ko i ya minnu nɔ nun, ba? Kɔnɔ bawo i lara Mari la a fɔlɔtɛ rɔ min kɛ, woletɔ a ya nɔlɛ di i ma worɔ.

Yaburi 119:165

Ita tɔnnu di minnu ye, wonu yisi-kimani de poi! Fenfen sa nyɔ min si anu nabui.

Yaburi 125:1

Minnu yigi sanɛ Mari rɔ, wonu mani de iko Marita kɔnkɔ-sɛnimɛ Yerusalɛm. A ti yɛrɛyɛrɛn ka bɔ a gbɛ rɔ muk!

Yaburi 9:10

Mari, minnu ya i lɔn, wonu lara i la kosɛbɛ! Min bi nala ile ma, i ti wonu boloka.

Aiseya 12:2

Nna kisilɛ le Alla la. N si la a la, ado n ti kilan tun. Mari ye fanka anubɛ sɛnbɛ dila n ma. Nna kisilɛ le ale la.

Aiseya 26:12

Mari, i wara ma lama-a-la. Ma ara fan bɛɛ sɔrɔn i baraka le tɔ.

Aiseya 27:5

Ni a sɔgɛ ye ala mɔgɛnu yogenu na, a ni minnu kumafunfan, a ko anu ni yisi-kimɛ sa a rɔ. Anu ni na anu tɛmɛ rabɛn.

Aiseya 31:1

Minnu bi tala Iyipiti anu dɛnbɛn-koe rɔ, gbalo ye wonu kuma. Anu lanɛ Iyipiti kɛnuna soeenu anubɛ anuna kirindinu anubɛ anuna kɛlɛ-kɛ-dannu na dɔgɔma-ma-de! Kɔnɔ Isirɛlata Mari Alla-sɛnimɛ, anu ma la ale la. Anu ti a manyinika anu dɛnbɛn-koe la.

Aiseya 32:17

Yisi kimɛ anubɛ lafɛrɛ si taran nyamanɛ wo tɛngbɛnya bɛɛ rɔ bawo mɔgɛnu bi ko-telennɛ mala.

Aiseya 32:18

Hɔnyɛ si bɔ Allata mɔgɛnu kan la, bɛɛ si to yisi-kimɛ anubɛ lafɛrɛ rɔ.

Aiseya 42:19

Fiyɔn do ye nyɔ minna fiyonyɛ tenbira nta Isirɛla mɔgɛnutɛ la, wa? Tolo-gbere do ye nyɔ minna tolo-gbereyɛ tenbira nde, Marita kilayatɛ la, wa?

Aiseya 42:6

ale Mari le ya a kele ka sɛnbɛ di a ma alako telenbagayɛ ni wara dugu-kole kuma. A ko ka a tɛgɛ ata wɔli-kɛlɛ ma, sarama-kan si kiri anubɛ mɔgɛ bɛɛ tɛma. Ka a tɛgɛ ale ma, Mari si waan raka sibole bɛɛ ma.

Aiseya 48:2

Wo ye wasila a fɔɛ la ko duguran le wo la so-sɛnimɛ kɛ rɔ. Wo ko wo tonɛ Isirɛlata Alla ma min tɔgɛ Mari Sɛnbɛ-Bɛɛ-Tigi.

Aiseya 49:8

Mari ara a fɔ ala mɔgɛnu ye ko anu kisi-wati wa ke tumɛ min, a si ala duwɛ layigi anu kuma. A si anu dɛnbɛ iko anu ya a rakele nya min. A ko a si anu kandan ka anu natanka. Wo si ma sarama-kan misalɛ la Yerusalɛm kɛnu anubɛ mɔgɛ bɛɛ tɛma. A ko a si a ma, anu ni anu sigi nyamani-tinyani-kɔrɛ wo rɔ tun.

Aiseya 50:1

Mari ko i miri ko a ara a ban wole, ata mɔgɛnu na iko mɔgɛ si a ban ala musi la nya min? Ni tonyɛ le wo la, boloka-kɛdi wo ye mintɔ? A ko i miri ko a ara anu mayira iko yɔɔn ka anu ma yili-sarɛ la? Ade, anu hakɛ le ya a ma, Mari ya a ban anu na iko mɔgɛ wa a ban ala musi la. Ni i ya a yen wo mara bawo ile fɔlɔn bara to i kan-kɔ sɔla a la.

Aiseya 50:10

Mɔgɔ-wo-mɔgɔ wa Mari gbiliya ka ala wɔli-kɛlɛla kumɛ bira, hali a tagama-kilɛ lapinpinɛ, a ni la Mari la. A dunnɛ ni to ata Alla ma.

Aiseya 66:12

Mari ko a si to yisi-kimɛ dila wo ma iko bɛ ye yigila nya min beyabeya! Duninya-nɔnfulinu si anu kun sa wo ma iko bɛ. Wo si to wo susunna iko den-pulan. Wo si to sigini Mari kɔnkɔn tɔ. Mari si to den-pulan wo radɔnna a tontɛ kuma.

Yɛrɛmaya 39:18

Ale Mari ko a si a lamara-nyimɛ-kɛ. Anu ti a faga. A ye wo mala bawo a ara a yigi sa ale Mari rɔ. Ale Mari kan le kɛ la.

Daniyɛli 3:17

Ni ile, ma tigi, ya ma lafili sulubondon tɛ rɔ, male ye Alla min batola, wo si ke ma latankala ma tigita sɛnbɛ ma hali sulubondon tɛ wo.

Daniyɛli 3:28

Ale mansɛ ya a fɔ ko, “N si mɔgɔ sawɛ kɛnuta Alla tanto bawo ale le ya ata melika lana alako ka anu natanka tɛ kɛ ma. Anu lara anuta Alla la feu! Yanni anu ni anu madu nta bɛsɛ kɛ kɔrɔ, anu ya nna tɔn tinya hali ka anu niyi fili bawo a ma di anu ye, anu ni bɛsi-wo-bɛsi matɔgɔ anuta Alla kɔma.”

Daniyɛli 6:23

Mansɛ sewara dɔgɔma-ma-de! Ale mansɛ ya a fɔ ala wɔli-kɛlɛnu ye ko anu ni Daniyɛli layɛlɛ ka a bɔ denkɛ rɔ yarɛnu kɔrɔ. Anu ya a layɛlɛ tumɛ min, hali a mawɔrɔ gbɛ, anu ma a yen a ma bawo ale lara Alla la.

Maika 5:5

Ata mansayɛ si yisi-kimɛ lana Isirɛla mɔgɛnu tɛma. Asiriya kɛnu ba na bui mala nyamanɛ kɛ ma tumɛ min ka mala soenu tarɛ-dɛ keri, ma si mala kɛlɛ-kurugbɛnu nata anu kɛlɛ tinɛ.

Yɔni 14:27

“N bi yisi-kimɛ tola wo fɛ. N bi nta yisi-kimɛ min dila wo ma, n sa a dila wo ma iko duninya ye a mala nya min. Wo yisi kana tinya. Wo kana kilan.

Yɔni 16:33

N bara kɛ fɔ wo ye woletɔ wo si yisi-kimɛ sɔrɔn nde baraka rɔ. Duninya-mɔgɛnu si wo tɔrɔ kɔnɔ wo ni wo wakila! N bara anu nɔ!”

Romu 5:1

Ma ara telen Alla ye dɛnkɛninyɛ fɛ min kɛ, yisi-kimɛ ye mabɛ Alla tɛma ma Mari Yisa, Allata-Mɔgɔ-Yabɔnɛ baraka rɔ.

Filipai 4:7

Nba, Allata yisi-kimɛ min tenbinɛ hadama-den-hɛnkili bɛɛ dan la, wo si wo yisi anubɛ wo hɛnkili kandan Kirasiti Yisa rɔ.