Aiseya 24:3 - ALLALA KUMƐ

³ Duninya-ratiinɛ si to ka tinya. Mari ara ban a fɔla, ado wo ye mala le serr!

Aiseya 24:3 Iomraidhean Croise

2 Ko-Kɔrɔta-Karan 36:21

Mari ara min fɔ Nɛbi Yɛrɛmaya ye nun, wo le wara bɔ-a-la kɛ la bawo a ya a fɔ nun ko, “Yuda dugi si a sulen san bi-wɔrɔnfila kɔrɔ, ka a tɛgɛ anuna san wɔrɔnfilɛ sulanla ko ma.”

Aiseya 21:17

Hali a kalabɛn-lakɛla-wɛ minnu bi Kedari, wonu dande le si to anu niyi la. Ale Mari Isirɛlata Alla kan le kɛ la.

Aiseya 22:25

Ado nfan, wo wa ma, kɔlɔma min gbangbannɛ bon-kɔgɔ rɔ gben, wo si to magala ka bui dugu ma. Min bɛɛ dunnɛ a la, wo bɛɛ wara-koe si ka-a-la.” Mari kan le kɛ la.

Aiseya 24:1

Mari si duninya kuma kolɔnya filili. A si dugi raburun sagbayi! A si duninya-mɔgɛnu tanyɛnsɛn.

Aiseya 24:2

A si duninya mumɛ kɛ daga kelen tɔ. A saraka-masɔla wo, a saraka-masɔbɛli wo, a yɔɔn wo, a yɔɔn-tigi wo, a fen-mayirala wo, a fen-sanna wo, a sinkali-kɛla wo, a ye sinkala min ma wo, a fen-tigi wo, a bolo-kolon wo, wo bɛɛ si kɛ daga kelen tɔ.

Aiseya 24:4

Dugi si gbala ha a ra ni farafara. Duninya mumɛ si to kɔlɔbɔ! San-kole anubɛ dugu-kole si tuli ka a mafɔsɔ.

Aiseya 42:22

Kɔnɔ kaka, ala mɔgɛnu yogenu bara anu kankan ka anu tagbɛrɛnnɛ to yele la. Anu kankannɛ dogonnɛ ara to yele la, ado anu nabɔla fenfen ti taran nyɔ.

Aiseya 5:6

N si a ma, nyɔ ni ma bin-gbansan la. Minnu sa gbɔla, n ti ko ma wonu na. N ti anu kɔrɔ wɔrɔ. N si a ma, gbenkinya anubɛ gbangbufe ni nyɔ bira-a-la. N si tɔn sigi bandɛla nɛ la a rɔ.”

Aiseya 6:11

N ya Mari manyinika. N ko, “Kɛ si to a la ha wati nyamintan?” A ya a fɔ n ye ko, “Kɛ si to a la ha soenu ta ni kolonya ka tii mɛmɛ! Ha bɔnnu na ni kolonya filili! Fɔ nyamanɛ bɛrɛn ni kasara pɔ!

Yɛrɛmaya 13:15

Nde, Yɛrɛmaya ko wole, Yuda mɔgɛnu ni wo tole masɔ Marita kumɛ la. Wo kana wasi bawo ale le ya kɛ fɔ wo ye.

Isikiyɛli 36:4

Kɔnkɛnu anubɛ gburukulinu wo, folenu anubɛ lɛɛnu wo, kan-tina-tinyanɛnu wo, tonbɔn minnu nafɛyanɛ sibolo-gbɛrɛnu bolo wo, anu ni anu tole masɔ nde, anu Tigi Mari ye nala min fɔla anu ye.

Maika 2:4

Wo kɔma, mɔgɛnu si to anu sɔn-kɔrɛ wonu takaranna ka anu ma tamasere la. Mɔgɛ kɛnu si to wole kensunte-kɔrɛnu mayɛlɛn-sigi sala. Mɔgɛ donu bi dila kaka ko, ‘Ma ara tinya pɔ! Mari ara mala kebila-dugi bi ma bolo. A ara a don ma yogenu bolo minnu si ma bira ka ma ma yɔɔnnu na.’ ”

Maika 4:4

Mɔgɛ bɛɛ si taran yisi-kimɛ rɔ anu nyɛrɛta sɛnɛnu tɔ. Mɔgɔ-wo-mɔgɔ sa nyɔ min si wo maban. Wota Mari Sɛnbɛ-Bɛɛ-Tigi ara lanyiri kɛ kiri wo ye.

Tɔn-Fɔɛ-Fila-Nyɔgɛ 29:23

Wola sɛni sa tinɛnu si ma kɔgɔ-dugi la. Fenfen ti ma-a-la wo bolo. Hali binyɛ ti ma-a-la nyɔ. Wola nyamanɛ si ma iko Sɔdɔm wo, Kɔmɔra wo, Adima wo, anubɛ Sebom mara nya min. Marita fondo-bɔ-belebele kɛra min kɛ, a ya soe wonu tinya.

Tɔn-Fɔɛ-Fila-Nyɔgɛ 29:28

Marita fondo-belebele bɔra anu kuma ka anu wurun ka anu nabui nyamani-gbɛrɛnu tɔ fugbu! Anu bi nyɔ ha bi.’