Aiseya 22:2 - ALLALA KUMƐ

² A lasɔnkɔnɛ so-burɔ-mɔgɛ bɛɛ bolo. Mɔgɛ bɛɛ sewanɛ. Wola kɛlɛ-dan minnu bara faga kɛlɛ rɔ, wonu ma faga kɛlɛ-kɛ-tinɛ.

Aiseya 22:2 Iomraidhean Croise

Aiseya 10:4

Wo kunyɛ si to kɛlɛ rɔ, ni wo ma, kɛlɛ si ta wo la pon! Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ wo tɔrɔ-koe la.

Aiseya 23:7

Bi ko ma, Taya so-diyamɛ min da ara tɛgɛ nun, ile Taya wo le kɛ la bi, wa? Mɔgɛnu ma taran bɔla soe kɛ la nun ka ta so-kurɛnu datɛgɛ?

Aiseya 32:13

Fenfen sa nyɔnu tɔ wɔnɛ kɔma. Minnu sewanɛ nun anuna bɔnnu na wo, minnu sewanɛ anuna soenu tɔ nun wo, wo ni di wonuna ko la.

Aiseya 32:14

Hali mansɛla bolon-rakolonyanɛ si to, ado wola so-karantan fanan si ma wo nya. Mɔgɛnu siginɛ bɔn minnu na anubɛ anuna kila-mafɛlɛn-bɔnnu si ma tonbɔn la. Bintɔ-sofɛlɛnu anubɛ kolo-fannu dɔrɔn si to anu de-nyinina nyɔ.

Aiseya 37:33

Nde, Nɛbi Aiseya ya a fɔ Mansa Hɛsakaya ye tun ko, “Mari ara kɛ le fɔ Asiriya mansɛ wara-koe rɔ ko a ti a kunyɛ ladon soe kɛ burɔ. A ko ka kalabɛn kelen bɛrɛn nakɛ soe burɔ yan, wo ti ma tun. Hali ala kɛlɛ-dannu ti gbɛrɛn soe ma tun! Hali ka bɔnkɛ ladɛn tarɛ fɛ anu si yɛlɛ min ma, wo ti ma anu bolo muk!

Aiseya 37:36

Marita melika yigira Asiriyanuna dagɛ rɔ. A ya mɔgɔ waga kɛmɛ kelen mɔgɔ waga bi-segin ani mɔgɔ waga loli faga Asiriyanu tɔ (185,000). Bandɛ kanɛ, wonu furi taranta nyɔ.

Yɛrɛmaya 14:18

Ni n tara soe kɔma, n ti fenfen yen suyi kɔma. Ni n tara soe burɔ, n ti fenfen yen fɔ kɔnkɛla mɔgɔ-lakirayanɛ. A nɛbi wo, a saraka-masɔla wo, anu bara ban tala mɔgɔ filɛ wonu na nyamani-gbɛrɛnu tɔ.

Yɛrɛmaya 38:2

Mari ara a fɔ n ye ko mɔgɔ-wo-mɔgɔ tora sigini Yerusalɛm soe burɔ, a ma ta dɛgɛ min Babilɔn kɛnu ye, ni wo tigi ma faga kɛlɛ bolo, a si faga kɔnkɛ bolo, ni wo ma, kirayɛ bolo. Mɔgɔ-wo-mɔgɔ tara dɛgɛ min anu ye, wo tigi ti faga. Anubɛ a niyi dɔrɔn de ye tola.

Yɛrɛmaya 52:6

A san tan-ni-kelen-nyɔgɛ, a karɛ nani, a tele kɔnɔntɛ ma, Babilɔn kɛnu kera tarɛ punsɔgɔla ka don, ado wo ya a taran, kɔnkɛ ara mɔgɛnu malɔfɔkɔrɔya, fenfen sa anu si min dɔn. Hali Yerusalɛm soe lafoonɛ Babilɔn kɛlɛ-dannu na kɔnɔ Yerusalɛm mansɛ anubɛ ala kɛlɛ-dannu ya anu buri tala pinpi rɔ. Anu tenbira anuna mansɛla nakorɔ-kilɛ la. Tarɛ kun-da filɛ latugun tinɛ, anu tenbira nyɔ le. Anu tara Yorodan-ba-lɛɛ wara la.

Nimisa Koe 1:1

Fɔlɔ nun, Yerusalɛm soe lafanɛ mɔgɛnu na penpen, kɔnɔ kaka, a ra ara kolonya filili! A ara ma iko kɛɛ-musi min bi a diya nun kɔrɔma la. Ale Yerusalɛm min mani de nun iko mansa-tɔgɔlamɛla musi kɔnɔ kaka, a ara ma iko yɔɔn-bolo-kolɔn.

Nimisa Koe 2:20

E, Mari, i kolan lata mɔgɛ kɛnu ma. Ha bi, i wara yon tɔrɔ iko kɛnu? I ma a yen, musinu bi anu diyana-dannu soge dɔnna? Ma yogenu bi saraka-masɔlɛnu anubɛ nɛbinu fagala ita Bato-Bɔn la.

Isikiyɛli 22:5

Nyamanɛ min bi a dala wo, nyamanɛ min bi wula-yan la wo, wo bɛɛ ye a rasɛla ka a tɛgɛ ala tɔn-birabɛlitayɛla ko ma.

Sɛfanaya 2:15

Minnu bi Ninɛfa soe burɔ, wonu wasinɛ dɔgɔma-ma-de! Anu mirinɛ ko laa-wo-laa sa anu na. Anu kɛnɛna a fɔla ko, “Mala soe kɛ makawara ka tenbi soe dama la.” Kɔnɔ tɔ-a-la, nyɔ si ma tonbon-bɛrɛbɛrɛ la. Fɔ sogenu dɔrɔn, wonu denu si taran nyɔ. Mɔgɔ-wo-mɔgɔ wa tenbi nyɔ, a si nyima a rɔ, wo kɔma, a si a bole sa a dɛ la ka a dɛ bosi a kɔrɔ.