Aiseya 2:9 - ALLALA KUMƐ

⁹ Hadama-dan damasi si miliya ka yarabi. Mari, i kana anu makoto mumɛ!

Aiseya 2:9 Iomraidhean Croise

Nihɛmaya 4:5

Bawo anu bi ma mayɛlɛnna wɔlɛ kɛla ko la, i yandi, i kana anu makoto anu hakɛ wo la hali ka nyina anu sɔn-yogomɛ ko.”

Yaburi 49:2

Minnu bi dala wo, minnu sa dala wo, fen-tiginu wo, bolo-kolɔnnu wo, wo dama ni wo tole masɔ.

Yaburi 59:5

E, Mari Alla Sɛnbɛ-Bɛɛ-Tigi, i lakɔɛnma, i ni na n dɛnbɛ. E, Isirɛlata Alla, na a yen i nyɛrɛ kolan la. I ni kunden ka mɔgɛ kɛnu tɔrɔ min ma i lɔn. I kana kinikini ma madɔnnɛ kɛnu ma.

Yaburi 62:9

Hadama-dannu fɛyanɛ iko ni-lafɛ kelan. A dɔgɔma wo, a kinama wo, wo bɛɛ fu. Hali i ya wo bɛɛ rasuman nya-kun-kelen, wo bɛɛ fɔkɔlɔ iko pukɛ.

Aiseya 27:11

Nyɔ-kɔlɔmanu nafɔsɔnɛ, anu bolɔnnu kerikerinɛ. Musinu si nyɔ ma sɔgɔ-nyini-tinɛ la. Mari ya mɔgɛ wo minnu dan, anuna hina-wo-hina ma taran ale rɔ bawo anu ya anu ban a nya-yen-koe ma.

Aiseya 5:15

Mɔgɛ bɛɛ si yarabi. Wasinte bɛɛ fama si yigi.

Aiseya 5:16

Kɔnɔ Mari Sɛnbɛ-Bɛɛ-Tigi ye ko-latelennɛ mala min kɛ, wo ye ata kabana-koe mayirala mɔgɛnu ye. A si ata sɛninyɛ mayira mɔgɛnu kiti tinɛ anu hakɛla ko la.

Aiseya 57:9

Wo ye tuli anubɛ sɛnti-suma-diyamɛnu kɛla wo ma alako ka wola bɛsɛ Molɛki hɛnɛ. Wo ye mɔgɛnu natala wula-yannu na pon, hali lakira fanan alako wo si bɛsi-kurɛnu sɔrɔn nya min wo si minnu kɔ.

Yɛrɛmaya 18:23

Mari, ile ya n faga-koe lɔn anu bolo. I ka kinikini anu ma anuna ko-yogomɛnuna ko la. I kana anu hakɛ makoto. I ni anu nabɔ anuna sɔ-tinɛnu tɔ. Anu tɔrɔ i fondo-bɔnɛ la.

Maraka 3:29

Kɔnɔ mɔgɔ-wo-mɔgɔ min bi kuma-yogomɛ fɔla Allala Ni-Sɛnimɛ ma, a ma ti koto bi, a ma ti koto habadan!”

Romu 3:23

ma bɛɛsi ara hakɛ kɛ, ado Alla ara gbiliyɛ min tabɛn ma ye, ma ara foo wo la.

Kɔlɔsi 2:18

Wo kana sɔn, mɔgɔ-wo-mɔgɔ ni wo yiliki min bi a nyɛrɛ gbiliyala ko-rayen rɔ ka a famayigi foninyɛ rɔ. Wo kana don melika-bato-koe rɔ. Mɔgɔ sifa wo wasinɛ hadama-danta miriya le la fufafu!

Kɔlɔsi 2:23

Nba, melika-batoe fɔrɔsɛ la wo, foninya-famayigiyɛ wo, nyɛrɛ-bagbuyi-tɔrɛ wo, tɔn wonu mani de iko hɛnkili ye anu tɔ kɔnɔ wonu ti ko-wo-ko nyinya bagbuyi-natanu-bira-koe rɔ.

Yasowa 24:19

Yasowa ya a fɔ Isirɛla mɔgɛnu ye ko, “Wo ti ke Mari Alla batola bawo a sɛnima, ado a ti sɔn a senɛ ma wo bolo. Ni wo bilara a la, a ti wo hakɛnu makoto.