Aiseya 2:7 - ALLALA KUMƐ

⁷ Ila mɔgɛnuna nyamanɛ lafanɛ sɛnɛ anubɛ wodi-gbɛ la, ado fen-kolomɛnu ti ban anu bolo. Soeenubɛ kirindinu fanan ti ban anu bolo.

Aiseya 2:7 Iomraidhean Croise

1 Mansɛnu 4:26

So lamara tinɛ waga nani (4,000) ye Silamɛni bolo ala soeenuna ko la minnu bi kirindi saganna. So-laburilɛ si soee minnu naburi, wonu waga tan-ni-fila (12,000) ye a bolo fanan.

Yobu 3:15

N si ma nun iko kun-tigi-tenbinɛ minnu kanbɛnu nafara sɛnɛ anubɛ wodi-gbɛ la nun.

Yaburi 20:7

Donu lanɛ anuna kɛlɛ-kɛ-kirindinu na. Donu fanan lanɛ anuna soeenu denu na. Kɔnɔ male lanɛ mata Mari Allata sɛnbɛ le la.

Aiseya 30:16

Yanni wo ni wo ma, wo miriya bɛnnɛ ma fenfen ma fɔ ka wo sigi wola so-latirimɛnu na, ado wo ma foni. A ye nala a labanna wo le ma gben! Wola soee wonu ya anu buri nya-wo-nya, wo gbennɛnu bi anu burila wonu ko.

Aiseya 31:1

Minnu bi tala Iyipiti anu dɛnbɛn-koe rɔ, gbalo ye wonu kuma. Anu lanɛ Iyipiti kɛnuna soeenu anubɛ anuna kirindinu anubɛ anuna kɛlɛ-kɛ-dannu na dɔgɔma-ma-de! Kɔnɔ Isirɛlata Mari Alla-sɛnimɛ, anu ma la ale la. Anu ti a manyinika anu dɛnbɛn-koe la.

Aiseya 57:17

A ko a kɔrɔtɔnɛ wo ma ka a tɛgɛ wola kin-kɔrɔla-fasɛ ma. A ko a ya a kan-kɔ sɔ wo la ka wo tɔrɔ ala fondo-bɔɛ la. A ko hali wo, wo ma wo bɔ wo gbɛ da la. Wo ye ko-yogomɛ kun na tolon!

Hoseya 14:3

Wo kɔma, wo ni a fɔ ko, “Asiriyanu ti ke ma lakisila. Mala kɛlɛ-kɛ-soeenu ti ke ma lakisila. Ma ti a fɔ tun ko bɛsɛ le mata Alla la.” Wo ni a fɔ ko, “E, Mari, i ni ma dɛnbɛ bawo ma mani de iko kelennɛ minnu bi dɛnbɛnɛ sɔrɔnna ile le bolo.”

Maika 5:10

Mari ko wo wati wa na tumɛ min, a si wole, Isirɛla mɔgɛnuna soeenu anubɛ wola kirindinu tinya wo tɛma.

Lankɛnimayɛ 18:3

Wo mara bawo a ya ala yɛlɛnyɛ-nata-baan-kunayanɛ di mɔgɛ bɛɛ ma alako anu ni a min. Mansɛnu bara yɛlɛnyɛ kɛ a fɛ. Yilanu mara nɔnfulu-tiginu na ala nata-dan-natenbinɛ fɛ.”