Aiseya 2:2 - ALLALA KUMƐ

² “Wati si na, Marita Bon-Sɛnimɛ sɔnɛ kɔnkɛ min kuma kɛ la, wo si ma kɔnkɔ-layan-bɛ la ka tenbi kɔnkɛ bɛɛsi la mɔgɛ bɛɛ yala. Sibolo-gbɛrɛ bɛɛ si na ke nyɔ.

Aiseya 2:2 Iomraidhean Croise

Ko-Dabirɛnu 49:1

Yakoba ya ala dannu kele. Anu ya anu nadɛn a dafɛ. A ya a fɔ anu ye ko, “Koe minnu bi nala mala wo la yarɔ, nde, Isirɛla bi nala wonu denu fɔla wo ye kɛ la.

Yobu 19:25

Kɔnɔ n ya a lɔn serr, ko n kunkalɛ ye nyɔ Arinyɛni tɔ. Nta wati wa ke, a si ma nna kiti-fɔlɛ la.

Yaburi 102:23

N bi n pose rɔ wati min, Mari ya n tafaga. A ara n siyi-fɛ wuruya.

Yaburi 2:8

A ko hali n ya a manyinika le dɔrɔn, a si sibole bɛɛsi latenbi n ma. A ko duninya mumɛ si ma ntɛ la.

Yaburi 22:27

Sibole bɛɛ hɛnkili si to Mari ko. Anu si anu ya-lamunun Mari la duninya-tonko-nanɛ bɛɛ rɔ. Sibole bɛɛ si a bato.

Yaburi 22:28

Mari kelen pe le mansɛ la. Ale le si mɔgɛ bɛɛ mara!

Yaburi 48:2

Allata kɔnkɛ kin, ado a layan. Mansa-makawanɛta soe ye sewɛ lanala duninya bɛɛ ma.

Yaburi 68:17

N tigi ye bɔla Sinayi wulɛ rɔ ka ta a Bato-Bɔn la. A si na kirindi waga-yirika-siyaman na a bolo.

Yaburi 72:8

Ala mansayɛ si a bi kɔgɔ-yi-tonke doi ma ha ka ta ke kɔgɔ-yi-tonke doi la. A si a bi Yufereti bɛ ma ha ka ta ke duninya-dan ma.

Yaburi 86:9

I ya sibole min bɛɛ labɔ duninya rɔ, wonu dama si na anu madu i kɔrɔ. Anu si i tɔgɔ-makawanɛ gbiliya.

Yaburi 87:1

Mari ya ata soe datɛgɛ kɔnkɔ-sɛnimɛ kuma.

Yaburi 87:2

Yerusalɛm di a ye ka tenbi kan tinɛ bɛɛ la Isirɛla nyamanɛ rɔ.

Aiseya 11:10

Wati ye nala, mansa-kurɛ do si bɔ Dawuda bɔnsɔn rɔ, wo si ma tamasere la duninya bɛɛ ye. Sibolenu na si dɛn ata mansaya-soe burɔ ka nyɔ gbiliya.

Aiseya 25:6

Mari Sɛnbɛ-Bɛɛ-Tigi si ladiyɛ rabɛn duninya-mɔgɛ bɛɛ ye ata kɔnkɔ-sɛnimɛ kuma. Dɔn-fen-hakikɛ anubɛ minni-fen-diyamɛ su bɛɛ si taran nyɔ.

Aiseya 27:13

Wo tele-nyɛrɛ wa ke, buru-kan si bɔ min bi mɔgɛnu takelela ka bɔ Asiriya anubɛ Iyipiti nyamanɛnu tɔ, kɛlɛ tara minnu na, kɔni. Anu si na Mari bato Yerusalɛm soe burɔ ata kɔnkɔ-sɛnimɛ kuma.

Aiseya 30:29

Kɔnɔ wole Allata mɔgɛnu, wo si sewa-siginu sa iko wo duruta a mala wola ladiya-sɛnimɛnu kuma nya min. Wo si nyagalen iko wo tenbi tala Mari Bato-Bɔn la fuli kɛnɛ a rɔ. Isirɛlata farɛ le ale Mari la.

Aiseya 49:6

Mari ara a fɔ n ye ko, wɔli-belebele ye nde, ata wɔli-kɛlɛla ko la. Isirɛla mɔgɛ toe minnu tonɛ, a si wonu nasɛgi anuta gbiliyɛ rɔ kɔnɔ min kolo wo ko, a ko anu si ma waan la sibolenu ye alako duninya mumɛ la ni kisi.

Aiseya 56:5

a si a ma, a tɔgɛ ti tunu Bato-Bɔn la. Gbiliyɛ wo fisa a ye dan ko. A si tɔgɛ di a ma min ti bɔ mɔgɛnu burɔ muk!

Aiseya 56:7

a si ta wonu na ata kɔnkɔ-sɛnimɛ kuma. A si sewɛ di anu ma a madiya tinɛ, ado a si sɔn anuna sarakɛnu na anu bi minnu bɔla ata saraka-mintan-tinɛ kuma. Ata Bato-Bɔn si ma madiyali-bɔn la sibole bɛɛ ye.

Aiseya 60:3

Sibolenu si na ita wan-takanɛ wo kɔrɔ. Mansɛnu si na ita banda-ka-da-kurɛ mafɛlɛn tinɛ.

Aiseya 65:11

Mari ko wole minnu bara wo kan-kɔ sɔ ale Mari la, wo si tɔrɔ bawo wo ara nyina ata kɔnkɔ-sɛnimɛ ko. Wo ye bɛsɛ minnu kɔla, kelan tɔgɛ le, “Hɛrɛ.” Wo ye doi min kɔla, wo fanan tɔgɛ le, “Ko-latɛgɛnɛ.”

Aiseya 66:20

Wonu tenbi sɛgila, anu si sɛgi wo ta-nyɔgɛ Isirɛla mɔgɛnu na anu bolo. Anu si to nala ata kɔnkɔ-sɛnimɛ kuma Yerusalɛm. Minnu bi nala anu dununa, wo le kɛnu na, soee wo, kirindi wo, maka wo, sofɛlɛ wonubɛ nyomɛ. Anu si ma iko fui-fen-sarakɛ mɔgɛnu bi nala min na miran-sɛnimɛ rɔ Mari Bato-Bɔn la.

Aiseya 66:23

Bɛɛ si na Mari bato tinɛ. Anu si to nala a batola Karɛ-Kurɛ-Ladɛn kuma anubɛ Sulen-Tele bɛɛ ma.

Yɛrɛmaya 16:19

E, Mari, n sɛnbɛ anubɛ n natankalɛ le ile la. Tɔrɔyɛ wa na tumɛ min, n si ta i wara n nakanan-koe rɔ. Sibolenu si bɔ duninya tonke bɛɛ rɔ ka na i wara. Anu si a fɔ ko, “Bɛsi-fuyi le ye ma benbanu bolo nun dɔrɔn! Anu bi bɛsi-fufafuyinu kɔla nun minnu ti ko nyinya anu ma.

Yɛrɛmaya 23:20

ado tɔrɔyɛ wo ti bɔ anu kuma fɔ a wa ban a miriya lawɔlila. Wo wati rɔ, wole Marita mɔgɛnu si ata miriyanu nya-yen ka a ragbɛ.

Yɛrɛmaya 26:18

“Mansa Hɛsakaya ye Yuda nyamanɛ kun na tumɛ min, Mɔrɔsɛti kɛ, Nɛbi Maika ya a fɔ Yuda kɛnu ye wati wo rɔ ko Mari Sɛnbɛ-Bɛɛ-Tigi ko, ‘Yerusalɛm ma si nunku iko sɛnɛ. A si to kasarala, ado tɔ-a-la, Bato-Bɔn sɔ-tinɛ si ma gbɔngbɔn la.’

Yɛrɛmaya 3:17

Wo wati wa ke tumɛ min, mɔgɛnu si Yerusalɛm kele ko, “Marita mansaya-waganɛ.” Sibole bɛɛ kun si dɛn nyɔ ka a bato. Sibole wonu ti bila anuta tolo-gbɛlɛyɛ anubɛ anuta sɔn-yogoya-kilɛ fɛ tun.

Yɛrɛmaya 30:24

ado Mari si to diminyɛ wo kun na ha a ni ban mɔgɛ wonu tɔrɔla. A kɔrɔtɔnɛ si to ha tɔrɔyɛ min tabɛnnɛ a bolo, wo ni ban. Tele wo wa ke a ko wo ni na a lɔn.

Yɛrɛmaya 31:12

Isirɛla mɔgɛnu si sewa-sigi sa Yerusalɛm kɔnkɔ-sɛnimɛ kuma. Anu sewanɛ bawo Mari ara anu kɔ, a fui-fen wo, a nɔnbɔ-gbɔ-yi wo, a ɔlifi-tulu wo, anubɛ a kolo-fannu. Anu si ma iko yi siginɛ sɛnɛ min kɔrɔ, anu ti nanparan-wo-nanparan sɔrɔn tun.

Yɛrɛmaya 48:47

Kɔnɔ tɔ-a-la, Mari si a ma, Mohabu kɛnu ni to tala yarɔ. Mari ya kɛ le fɔ ka a tɛgɛ Mohabu kɛnuna ko ma.

Yɛrɛmaya 49:39

Kɔnɔ Mari ko lunyɛ do si na, a si a ma, Ilam kɛnu ni sabati tun. Ale Mari kan le kɛ la.

Yɛrɛmaya 51:44

Mari ko a si Babilɔn kɛnuna bɛsi Bɛli tinya. Mɔgɛnu ya min bɛɛ kankan bɛsi wo ye, anu si wo bɛɛ lasɛgi a tiginu ma. Sibolo-wo-sibolo ti a kɔ tun! Babilɔn tarɛnu si na bui.

Isikiyɛli 38:16

A ko ale Mansa Kɔgi si bui Isirɛla mɔgɛnu ma ka tonkore sɔ anu na iko banda-fin-fɔnyɔ wa tonkore sɔ soe la. San-siyaman ba tenbi, a wati-bɛrɛ wa ke, ale Mari si Mansa Kɔgi sɔ ko a ni ata nyamanɛ kɛlɛ. Wo wa ma tumɛ min, wo si a yira sibolenu na ale Mari ye nya min. A ko a si ata sɛninyɛ yira sibolenu na ka a tɛgɛ a ye min mala ale Mansa Kɔgi la.

Isikiyɛli 40:2

Isirɛla nyamanɛ rɔ ko-rayirɛ rɔ. A tara n sigi kɔnkɔ-layan-bɛ do kuma. N ya bɔn donu sɔnɛ yen n yarɔ dugula wara la ko-rayirɛ wo rɔ. Anu nadɛnnɛ iko soe.

Daniyɛli 10:14

Wo le ya a to, n bara na alako i ni a lɔn min bi nala mala ila mɔgɛnu na yarɔ. I ye ko-rayen min tayenna kɛ la, sinan-ko-rayen le wo la.”

Daniyɛli 2:28

kɔnɔ Alla min bi Arinyɛni tɔ, wo le si ke ko-dogonnɛ labɔla gbɛ ma. Koe min bi mala yarɔ, ale le wara wo fɔ ma tigi ye fanan. A ya ko-rayen min kɛ ala kiyo rɔ, n si wo fɔ a ye.

Daniyɛli 2:35

Tiriyante wo rɔ, a bɔnku wo, a nɛgɛ wo, a sila wo, a wodi-gbɛ wo, a sɛnɛ wo, wo damasi ranyɛnsɛnta ka ma gbangban la iko gbere-kole si ma gbangban la nya min telemɛ rɔ. Fɔnyɔ tara gbangban wo dama la a yala. Fenfen ma to. Kɔnɔ farɛ wo min kerita a la wo la, wo koloyara ka ma kɔnkɛ la. Kɔnkɛ wo kera duninya tonke bɛɛ rɔ.”

Daniyɛli 2:45

Farɛ min kurukurunta ka bɔ kɔnkɛ kuma a nyɛrɛ ma a kerita kan min, Allata mansayɛ le wo la. A fɛrɛnta mɔgɔla muninyɛ wo la min nadannɛ nɛgɛ anubɛ bɔnkɛ anubɛ silɛɛ anubɛ wodi-gbɛ anubɛ sɛnɛ la. Koe minnu bi nala mala yarɔ, Alla-makawanɛ ya wonu denu yira ile, ma tigi, la wo la. N bara ala kiyo anubɛ a kɔrɔ-bɛrɛbɛrɛ le fɔ a ye kɛ la gben, ado a ye bɔla a la le serr!”

Hoseya 3:5

Wati ye nala, Isirɛla mɔgɛnu si anu ya-lamunun anuta Mari Alla la ka Mansa Dawuda kegeyɛ do ma anuta mansɛ la. Wo wati rɔ, anu si kilan Mari la ka to ala duwɛ sɔrɔnna.

Sakaraya 14:10

Ka a bi kantɔ-wara la Kiba soe ye kan min ha ka yigi dugula wara la Rimɔn soe ye kan min, tɛngbɛnya wo dugi mumɛ bɛɛ ra si kɛnya bɛrɛtɛ! Hali wo, Yerusalɛm soe dɔrɔn si to a gbɛ rɔ kɔnkɛ kuma. Yerusalɛm soe si a dabira tara-don-dɛ ma min tɔgɛ Bɛnyamɛ. Soe wo le ye tala sɔla furr, ha tarɛ tonke don-dɛ ma min bi a sɔ-gba-kɔrɛ rɔ. A si ta fanan ha tara-layan-bɛ do ma min tɔgɛ Hananɛli. Wo kɔma, a si ta sɔla ha mansɛla nɔnbɔ-gbɔ-yi burun-tinɛ.

Sakaraya 14:9

Wo wati rɔ, Mari si ma duninya-mumɛ-mansɛ la. Duninya-mɔgɛ bɛɛ si Mari kelan kele a tɔgɔ kelan la ka a bato.

Sakaraya 8:22

Mari ko fanka ye sibolo-gbɛrɛ minnu na, wo siyaman si na a bato tinɛ Yerusalɛm soe burɔ ka a manyinika ata duwɛ wara-koe la.

Sakaraya 8:3

A ko a si a ya-lamunun Yerusalɛm soe la ka ta a mayigi ata so-sɛnimɛ wo rɔ tun. A ko mɔgɛnu si to soe wo kelela ko Soe Min Telennɛ a ye. A ko anu si Mari Sɛnbɛ-Bɛɛ-Tigita kɔnkɛ kele ko Kɔnkɔ-Sɛnimɛ.

Malakayi 3:12

Wo kɔma, a ko duninya sibole bɛɛ si wo kele ko mɔgɔ-sewanɛnu bawo wola nyamanɛ si ma sigi-tina-hakikɛ la.

Yilan-Yilan Koe 24:14

A ya a fɔ mansɛ ye tun ko, “N bi sɛgila n kɔma nna mɔgɛnu bara. Kɔnɔ samani n ni ta, n ni i makawandinu to. Isirɛla mɔgɛnu bi nala min mala ila mɔgɛnu na wati-natoe, n si wo fɔ i ye.”

Kɛwɔlɛnu 2:17

‘Alla ko a si min ma tele-labannu tɔ, wo le kɛ la. A ko a si ata Ni-Sɛnimɛ layigi mɔgɛ bɛɛ kuma. Mala den-keinu anubɛ mala dunmusinu si wɔlɔyiyɛ kɛ. Mala kemini-mɛsɛnu si ko-rayirɛnu yen. Mala kɛmɔgɛnu si kiyonu sa.

2 Timoti 3:1

I hɛnkili to kɛ ko! Ko-gbɛlɛmɛnu si kɛ tele-labannu tɔ.

Hiburunu 1:2

kɔnɔ tele-laban kɛnu tɔ, a kumara male ye ala dan le baraka rɔ. Alla ya duninya kɛ dan ale le baraka rɔ. Tɔ-a-la, fan bɛɛ si ma atɛ la.

2 Pita 3:3

Wo ni kɛ lɔn fɔlɔn ko tele-labannu tɔ, nata-yogomɛ ye kun-tigiyɛ kɛla mɔgɛ minnu kun na, donu si na ka wonu mayɛlɛn.

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”

Lankɛnimayɛ 20:4

Wo kɔma, n ya mansaya-sigi-fannu yen. Minnu mayiginɛ anu tɔ, Alla ya kiti-tɛgɛ-sɛnbɛ di anu ma. Minnu ya Yisala tonyɛ fɔ ka Allala kawandilɛ bɔ, n ya wonu fanan niyinu yen. Anu ya anu kunyɛnu tɛgɛ a dagɛ rɔ bawo anu ma sogo-feremɛ wonubɛ ala muninyɛ kɔ. Anu ma sogo-feremɛ wola mandan sɔrɔn anu telɛnu ma, ni wo ma, anu bolenu. Anu niyi si sɛgi anu tɔ tun ka mansayɛ kɛ Allata-Mɔgɔ-Yabɔnɛ fɛ san waga kelen kɔrɔ.