Aiseya 18:3 - ALLALA KUMƐ

³ Duninya mɔgɛ bɛɛ, wo ni wo yɛ lata. Falafalɛ min bi tamasereyɛ la, wo ni wo yɛ lakalan wo ma kɔnkɛnu kuma. Wo ni wo tole masɔ buru-fɛ-kan la.

Aiseya 18:3 Iomraidhean Croise

Yaburi 50:1

Mari Alla Sɛnbɛ-Bɛɛ-Tigi kumara. A ya duninya-mɔgɛ bɛɛ rakele ka bɔ tele-bɔɛ ha tele-yigi.

Aiseya 1:2

Dugu-kole anubɛ san-kolo-Mari ye nala min fɔla wo ye, a ko wo ni wo tole masɔ wo la. A ko a ara ala dan minnu nabɔ a rɔ, wonu bara murutiya a ma.

Aiseya 11:12

Mari tenbi Isirɛla mɔgɛnu anubɛ Yuda mɔgɛnu kundɛnna ka bɔ duninya-tonko-nanɛ bɛɛ rɔ, a si falafalɛ layɛlɛ tamasereyɛ la ka wo yira duninya bɛɛ la.

Aiseya 13:2

Wo ni kɛlɛ-kura-falafalɛ layɛlɛ san ma kɔnkɔ-manunkunɛ kuma. Wo ni seren-seren wola kɛlɛ-dannu ye. Wo ni wo bole keri anu ye alako anu ni ta bui mɔgɔ-wasinɛnu ma Babilɔn soe burɔ.

Aiseya 13:4

Wo ni wo tole masɔ sɔnkɔ-sɔnkɔ-kan la kɔnkɛnu kuma, ado nyama-bɛrɛ-sɔnkɔ-kan le wo la. Nyamani-siyaman mɔgɛnu sɔnkɔ-kan le wo la. Kɛlɛ-dan bɛɛta Mari ye ala kɛlɛ-dannu mabɛnna kɛlɛ-kɛ-koe la.

Aiseya 26:11

Mari, i yogenu ma a lɔn mumɛ, ko i si anu tɔrɔ dɛɛ! Anu namiliya le serr, anu ni tɔrɔ. I ya tɔrɔ-dagɛ min namara anu ye, i ni wo rawuya anu kunyɛ ma. Ita mɔgɛnu di i ye nya min, i ni wo yira anu na.

Aiseya 31:9

Anuna mansɛ si a buri kilan bolo. A kɛlɛ-kurugbɛnu si anu buri ka nyina anuna tamasere falafalɛ ko. Mɔgɛnu si Mari min bato Yerusalɛm, minna saraka mintan tɛ ti dufen nyɔ mumɛ, wo kan le kɛ la.

Aiseya 49:22

Ma Tigi Mari ya a fɔ male ata mɔgɛnu ye ko a wa a kɔɛn keri sibolo-gbɛrɛnu ye tumɛ min, wonu si na anuna dannu na i ma tun.

Aiseya 5:26

Mari ye a kɔɛn kerila wula-yanna-sibolo-gbɛrɛnu ye alako wonu ni na. A ye anu kelela fululi rɔ alako anu ni na ka bɔ duninya-tonko-nanɛ bɛɛ rɔ, ado wo ma anu yen nala tiriya?

Aiseya 7:18

“Wo wati wa ke, Mari ko a si Iyipiti kɛnu kele fuli rɔ ko anu ni na ka bɔ Iyipiti iko sisɛnu minnu bi nala ka bɔ Nayɛli bɛ bolon-laban la pon! Asiriya kɛnu fanan si na ka bɔ anuta nyamanɛ rɔ iko li-kolenu.

Yɛrɛmaya 22:29

E, wole Yuda nyamanita-mɔgɛnu! Wo ni wo tole masɔ Mari kan la.

Yɛrɛmaya 51:27

A ya a fɔ Babilɔn yogenu ye ko, “Wo ni falafalɛ layɛlɛ tamasereyɛ la ka kɛlɛ-buri fɛ alako sibole bɛɛ ni a lamɔɛn. Ararati nyamanita-mɔgɛnu wo, Mini nyamanita-mɔgɛnu wo, Asikɛnasi nyamanita-mɔgɛnu wo, wo dama ni wo rabɛn kɛlɛ-kan ma. Wo ni kɛlɛ-kurugba kelen bɔ min si sɔ kɛlɛ yarɔ. Wo ni soeenu natugu Babilɔn kɛnu ma iko kondɔnnu. Sibole bɛɛ ni a mabɛn Babilɔn kɛlɛ-kan ma.

Maika 1:2

Maika ya Mari kuman-kan latenbi ata mɔgɛnu ma ko, “Sibolo-mɔgɛ bɛɛsi ni anu tole masɔ a kin na! Duninya-tigi Mari si ma sereyɛ la wo kan ma. Wo ni wo tole masɔ. A ye nala kumala ata Arinyɛnɛ-bon-sɛnimɛ la.

Maika 6:2

Wole kɔnkɛ minnu manɛ duninya-kurun-fannu na, wole min na ti maga, wo ni wo tole masɔ Marita kumɛ la. Kumɛ do ye Mari anubɛ ata mɔgɛnu tɛma. A ye nala wo rakaranna wo ye.

Maika 6:9

Ni ma ya wonu ma, hɛnkilimaya-koe le wo la.” Nɛbi Maika ya Mari kuman-kan latenbi Isirɛla mɔgɛnu ko, “Nba, kumɛ kɛ ara fɔ nkɛkuna ka ban, wole so-burɔ-mɔgɛnu, wo ni wo tole masɔ.”

Sakaraya 9:14

Mari si bɔ gbɛ rɔ wole, ala mɔgɛnu kuma. Ala kalabɛn mɛnsan si ta tiila a ma iko banda-nyin-masɔgɛ. Ma Tigi Mari si kɛlɛ-buri fɛ. A si na tiriya iko fɔnyɔ min bi yɛlɛla a ma.

Matiyu 13:16

“Kɔnɔ hɛrɛ ye wole fɛ bɛrɛkɛ! Wo yɛnu bi fan yenna. Wo tolenu bi ko lamɔɛnna.

Matiyu 13:9

Yisa ko, “Nba, ni min si ko nya-yen, a ni a tole masɔ wo la!”