Aiseya 18:2 - ALLALA KUMƐ

² Anu si mɔgɔ-banu sɔ ka bɔ nyamanɛ wo rɔ kulɔnnu tɔ minnu nadannɛ sensere la Nayɛli bɛ kuma. Kɔnɔ wole nyamani-yɛnu, wo sɛgi wo warɛ sarakanɛ kɛ la wo bolo. Wola mɔgɛnu tagbɛlɛ, anu yan, ado anu fɛrɛ nunkunɛ anu ma pinapina! Duninya-mɔgɛ mumɛ bɛɛ kilannɛ anu na. Wola nyamanɛ talanɛ bɛnu denu na.

Aiseya 18:2 Iomraidhean Croise

2 Ko-Kɔrɔta-Karan 14:9

Kɛlɛ-kurugbɛ do ye nyɔ min tɔgɛ Sera. A bɔra Sudan nyamanɛ rɔ. A nara kɛlɛ-den wulu kelen (1,000,000) na a bolo anubɛ kirindi kɛmɛ sawa (300). A tara ha Marasa soe burɔ.

2 Ko-Kɔrɔta-Karan 16:8

Sudan kɛlɛ-dannu anubɛ Libiya kɛlɛ-dannu anubɛ anuna kirindi-siyamɛnu anubɛ anuna so-laburila-siyamɛnu, anu ma siya Siriya kɛlɛ-dannu ko i ya minnu nɔ nun, ba? Kɔnɔ bawo i lara Mari la a fɔlɔtɛ rɔ min kɛ, woletɔ a ya nɔlɛ di i ma worɔ.

Yobu 9:26

N niyi mani de iko yi ye tala yanba-kun-gbalɛ min na. A lakala iko tanbakɔrɔmanɛ tenbi yigila sisi-dan kan ma.

Bɔ-Koe-Iyipiti 2:3

Karɛ sawa tenbira tumɛ min, a na ma ke a dogonna tun. A ya digi ladan ka kolota don a ma. A ya dennɛ wo bi ka a sa digi wo rɔ ka a sigi sɔnfɔn-kurinu tɛma Nayɛli bɛ rɔ.

Aiseya 18:7

Dugi kɛ min talanɛ bɛnu na, wati ye nala, nyamanita-mɔgɛ wonu si kɔ-fannu nana Mari Sɛnbɛ-Bɛɛ-Tigi ma, ado mɔgɛ wonu tagbɛlɛ, anu yan. Anu fɛrɛ nunkunɛ. Duninya-mɔgɛ mumɛ bɛɛ kilannɛ anu na. Anu si ta Yerusalɛm kɔnkɔ-sɛnimɛ kuma, mɔgɛnu si Mari Sɛnbɛ-Bɛɛ-Tigi bato kan min.

Yɛrɛmaya 49:14

Nde, Yɛrɛmaya ya a lamɔɛn Mari la ko a ara kilayɛ lata sibolenu ma ko anu ni anu kundɛn Idɔm kɛnu kɛlɛ-koe ma.

Isikiyɛli 30:9

“Iyipiti kasara-tele wa na, Sudan kɛ minnu ma sui wɛ kɛlɛ ma, n si kilayɛnu nata kulɔnnu tɔ ka ta anu nalɔn. Wonu fanan kun ma si kɔ.

Hɔbadaya 1:1

Mari Sɛnbɛ-Bɛɛ-Tigi ya kumɛ kɛ le fɔ nde, Nɛbi Hɔbadaya ye Idɔm nyamanita-mɔgɛnu wara-koela ko la. Mari ya mɔgɛ do sɔ ka kuma sibolo-siyamɛnu ye, ado ma ara kumɛ wo lamɔɛn. A ko, “Wo ni wo rabɛn ka ta bui Idɔm mɔgɛnu ma.”

Habakuku 1:7

Mɔgɛ minnu ba anu mankan lamɔɛn, anu kun ma si kɔ kilan bolo. Babilɔn kɛnu wasinɛ. Anu denu mirinɛ ko anu ya ko-wo-ko ma, wo telennɛ anu yala.

Luka 10:19

Nba, wo ni wo tole masɔ, n bara fanka di wo ma alako wo ni tagama duguma-fannu anubɛ bondalɛnu kuma. Wo si Setanɛla sɛnbɛ bɛɛ nɔ, ado fenfen ti wo madumɛ.