Aiseya 16:2 - ALLALA KUMƐ

² Anuna musinu tara anu nabɛn tinɛ Anɔn bɛ dafɛ. Anu makinikininɛ sɔnɛ nyɔ iko fen ba porokɔlɔ koni-dannu ma anu nyagan rɔ.

Aiseya 16:2 Iomraidhean Croise

2 Mansɛnu 3:4

Mansa Mesa min bi Mohabu nyamanɛ rɔ, saga-waga-siyaman-tigi le wo la. San-bo-san, a si saga-den waga kɛmɛ (100,000) di Isirɛla mansɛ ma anubɛ a siyi ka bɔ saga waga kɛmɛ ma dutiyɛ la.

Hɛnkilimaya-Kumɛnu 26:2

Iko kona ye tenbila mɔgɛnu kuma nya min ka ta a ye pon, mɔgɛ min ma ko tinya, ni i ya wo danka, dankɛ wo fanan bi tenbila wo kuma wo nya na le fɛlɛlɛ!

Hɛnkilimaya-Kumɛnu 27:8

Musu-tigi min si a warɛ boloka, wo mani de iko kona min sa a nyagan dala.

Aiseya 13:14

Wo wati rɔ, sundan minnu siginɛ Babilɔn, wonu burumatoe si sɛgi anu barɛnu tɔ. Anu ta si nyɛnsɛn iko woyan wa donso-keminɛ yen. Anu si ma iko saga-fɛ-birala sa sagɛ minnu kuma.

Yɛrɛmaya 48:20

Anu si anu yabi ko, “Mohabu kɛnu miliyanɛ nyamanɛ tinyala ko la. Arɔra kɛnu ni gbele-gbelen ka di. Wo ni a fɔ Anɔn bɛ dafɛ. Mohabu nyamanɛ ara halaki pɔ!”

Yɛrɛmaya 48:46

Gbalo si na Mohabu kɛnu ma. Bɛsi Kimasi kɔlɛnu si na kasara. Kɛlɛ si ta anuna dannu na.

Yɛrɛmaya 48:9

Mohabu kɛnu tɔgɛ si sɛbɛ kanba kuri ma bawo anu sa mɛla kasarala tun! A soenu si to tonbonyɛ la. Hali mɔgɔ-den-kelan ti sigi nyɔ tun!

Yilan-Yilan Koe 21:29

A ara gbɛlɛya wole Mohabu mɔgɛnu kuma gben! Wole min bi wota bɛsɛ Kimasi kɔla, wole damasi la ara to dogbe! Kei minnu bi ile Kimasi batola, wonu bara anu buri. Musi minnu bi i batola, wonu bara bira Mansa Saihɔn ye.

Tɔn-Fɔɛ-Fila-Nyɔgɛ 2:36

Mata Mari Alla ya ma dɛnbɛ ka anuna soe bɛɛ kɛlɛ ka a dabira Arɔra soe ma min bi Anɔn ba lɛɛ rɔ ka ta ke a dafɛ-soe do ma min bi anuna lɛɛ tɛma. Wo kɔma, ma tara ha ka ke Kaliyadi nyamani-dan ma. Anuna soenu tarɛ keri-koe ma gbɛlɛya ma kuma.

Tɔn-Fɔɛ-Fila-Nyɔgɛ 3:12

Musa ya a fɔ tun ko, “Ma ya anuna nyamanɛ bi anu bolo tumɛ min, n ya nyamanɛ wo tala bɔnsɔn filɛ anubɛ a talɛ tɛma. Ka a fɔlɔ Arɔra soe ma min bi Anɔn bɛ dafɛ ha ka ta kantɔ pon, anubɛ Kaliyadi kɔnkɔ-nyamanɛ do, n bara wonu di Rubɛn anubɛ Kadi bɔnsɔnnu ma katarala a soenu ma.

Tɔn-Fɔɛ-Fila-Nyɔgɛ 3:8

“Ma ya nyamanɛ min bɛɛ sɔrɔn Yorodan bɛ tele-bɔɛ wara la mansa filɛ wonu bolo, a dabirɛ le Anɔn bɛ ma ha ka ta ke Hɛrɔman kɔnkɛ ma.

Yasowa 13:16

Anuna nyamanɛ ya a dabira Yorodan bɛ ma tele-yigi wara la ka ke Anɔn bɛ ma ha kɔnkɛ min tasiginɛ ye Midaba soela foolɛ rɔ.

Kɛlɛ-Kurugbɛnu 11:18

“Wo kɔma, anu sɛgira anu kɔma kilɛ la wulɛ rɔ tun alako anu ni Mohabu anubɛ Idɔm nyamanɛnu masangba. Anu ke Anɔn bɛ ma, anu ya anu daga makɛ nyɔ. Anu ma don Mohabu nyamanɛ worɔ bawo bɛ wo, Mohabu kɛnuna nyamani-dan le wo la.