Aiseya 15:2 - ALLALA KUMƐ

² Dibon so-burɔ-mɔgɛnu ye tala anuna bɛsi-kɔ-tinɛ kɔnkɛ kuma kesi-koe la. Mohabu kɛnu ya Nibɔ anubɛ Midaba so-tinyanɛ yen min kɛ, anu donta anu sɔnsɔn rɔ diyi-kɛ bolo. Anu ya anu kunyɛ gbanna ka anu dɛ masii ka a yira ko anu yisi tinyanɛ.

Aiseya 15:2 Iomraidhean Croise

2 Samuwɛli 10:4

Henɔn ya a ma, anu ya Mansa Dawudala kilayɛ wonu bira. Anu ya anu dɛ tɔnkɔn masii ka anu dɛ tɔnkɔn doi siibɛlɛ to. Wo kɔma, anu ya anuna duruku-yan-bɛnu tɛgɛ a la purunsan! Anu ya anu gben.

1 Ko-Kɔrɔta-Karan 19:4

Henɔn ya a ma, anu ya Mansa Dawudala kilayɛ wonu bira. Anu ya anu dɛ masii. Wo kɔma, anu ya anuna duruku-yan-bɛnu tɛgɛ a la purunsan! Anu ya anu gben.

Yobu 1:20

Yobu ya wonu namɔɛn tumɛ min, a ya ala duruki rafara yisi-tinya bolo. A ya a kunyɛ sii. A ya a laburun dugu ma ka Alla bato.

Aiseya 14:31

“Wole Filisiti so-burɔ-mɔgɛnu, wo ni wo dɛ sa-a-rɔ wo dɛnbɛn-koe la. Wo kun ma ni kɔ. Kirindinu bi nala gbangban tugula ka bɔ bolo-maran wara la, ado kɛlɛ-dan minnu bi nala wonu na, yuto-wo-yuto sa wonu tɔ.”

Aiseya 15:3

So-burɔ-mɔgɛnu ya kasa-kurɛ don anu kan na. Mɔgɛnu bi dila anuna kundɛn tinɛnu tɔ anubɛ anuna bɔnnu burɔ.

Aiseya 16:12

Mohabu kɛnu bi tala anuna bɛsi-kɔ-tinɛnu tɔ kɔnkɛnu kuma min kɛ, anu bi anu nyɛrɛ fɛrɛ tinyana wola ko la kɔnɔ anu ti tɔnɔ sɔrɔn wonu tɔ.

Aiseya 16:7

Mohabu kɛnu si di ka a tɛgɛ anuna tɔrɔyɛ ma. Anu ba anu miri dɔn-fen-diyamɛnu bara-koe ma anu duruta min dɔnna Kiri-Harɛsɛti soe burɔ, wo si a ma, anu yisi ma ni gboya dɔgɔma-ma-de!

Aiseya 22:12

Wo wati rɔ, ma Tigi Mari Sɛnbɛ-Bɛɛ-Tigi ya a fɔ wo ye ko wo ni wo kunyɛnu gbana ka kasa-durukinu bila wo kan na di-kɛ-tinɛ

Aiseya 3:24

Kaka, anu suma-diyamɛ ye bɔla iko tulu-suma-diyamɛ kɔnɔ anu suma-yogomɛ ye nala bɔla tutu! Kaka, anu bi anu buta kirila fen-hakikɛ la kɔnɔ yarɔma, anu bi gbamɛ mala anu butɛ-kiri-fannu na. Kaka, anu kun-sigi-nyimɛ si taran anu kuma kɔnɔ yarɔma anu kunyɛ gbananɛ si to. Kaka, anu bi anu nyɛrɛ makirila kura-nyimɛ la kɔnɔ yarɔma, kura-kore, wo le si taran anu ma. Anuna kinyɛ si ma miliyɛ la.

Yɛrɛmaya 3:21

Mɔgɛnu si wo di-kɛ-kan lamɔɛn kɔnkɛnu kun tɛma. Wole Isirɛla mɔgɛnu bi wo dɛ sala-a-rɔ madiyali-kɛ-tinɛ. Wo sɔn ara yogoya ka a dan-natenbi. Wo ara nyina wota Mari Alla ko.

Yɛrɛmaya 47:2

A ko n ni n yɛ lata kɛlɛ-dannu tɔkɔkɛ ma nala ka bɔ kantɔ-wara la iko gboron-gboronna-yi ye tugula a rɔ nya min. Mɔgɔ ti ke dugi yenna kɛlɛ-dan wonuna siyayɛ bolo. Soenubɛ mɔgɛnu si to anuna sɛnbɛ kɔrɔ. Mɔgɛnu si anu dɛ sa-a-rɔ dɛnbɛn-koe la. Anu dama si di biribiri!

Yɛrɛmaya 47:5

Kinikinɛ si na Kesa so-burɔ-mɔgɛnu ma. Asikilɔn kɛnu ti ke kumala tɔrɔyɛ bolo tun. Filisitinu si to diyi kɛ kun na ha wati nyamintan?

Yɛrɛmaya 48:1

Mari Sɛnbɛ-Bɛɛ-Tigi ya kɛ le fɔ Mohabu nyamanɛla ko la. A ko bɛɛ ni kinikini Nibɔ kɛnu ma bawo anu si na kasara. Kiriyateyim soe si bira. A tara-layan-bɛ si bui fugbu! A mɔgɛnu yarabinɛ si to,

Yɛrɛmaya 48:18

Wole min siginɛ Dibon soe burɔ, wo si yigi ka bɔ wola gbiliya-tinɛ rɔ ka na sigi gbangban rɔ. Mohabu nyamanɛ kasaralɛ ye yan. Dibon so-latankanɛ kasaranɛ si to.

Yɛrɛmaya 48:31

Woletɔ Mari ko a si di Mohabu kɛ bɛɛ anubɛ Kiri-Harɛsɛti kɛnuna ko la.

Yɛrɛmaya 48:35

Mari ko a si Mohabu kɛnu nato bawo anu bi sarakɛnu anubɛ isɛnti mintanna anuna bɛsɛnu ye. Mari kan le kɛ la.

Yɛrɛmaya 49:3

Hɛsibɔn kɛnu ni di sɔɛɛ! Eyai soe si na halaki. Raba musinu ni anu dɛ bolobɔ. Anu ni kasa-kurɛnu kɛ anu ma di-kɛ-tinɛ. Anu ni to yigi-ni-yɛlɛ kɛla kɔndɔfili bolo. A ko anu yogenu si ta anuna bɛsi Molɛki anubɛ a kɔlɛnu anubɛ anuna mɔgɔ-banu na.

Yɛrɛmaya 7:29

Mari ko wole, Yuda kɛnu ni wo kunyɛ gbana ka wo kun-sigi lakɛ a rɔ. A ko wo ni ta kɔnkɔ-makolɔn kun tɛma ka saya-sigi sa. Wo ni wo ma bawo ale Mari nyɛrɛ ara a ban wole la. A ko a ara a kan-kɔ sɔ wo la. A ye wo tɔrɔla ata fondo-bɔɛ la.

Isikiyɛli 27:31

Anu bi anu kunyɛ gbanana ala ko la ka kasa-kore kɛ anu kan ma. Anu bi diyi kɛ kun na, anu yisi fanan tinyanɛ.

Isikiyɛli 30:2

“Ile hadama-dan, i ni wɔlɔyiya-kumɛ kɛ latenbi Iyipiti kɛnu ma. Nde, wo Tigi Mari ye min fɔla, i ni wo fɔ anu ye i kulu-mayɛlɛnɛ la. Anu kilan-tele ye nala,

Isikiyɛli 7:18

Anu si kasa-kurɛnu don anu kan na yakɔrɔ-mamɔɛ bolo. Anu si yɛrɛyɛrɛn kilan bolo ka anu kunyɛnu gbana miliyɛ bolo.

Saraka-Masɔlɛnuta Tɔnnu 13:40

“Ni mele bɔra kei do kunyɛ kɔma, ni wo ma, a yarɔ, wo ti a ma kei-sɛninyabɛlɛ la.

Saraka-Masɔlɛnuta Tɔnnu 21:5

Mari ya a fɔ tun ko, “Ni min bi saraka-masɔ-wɔlɛ kɛla, wo kana a kunyɛ masii, ni wo ma, ka a buyɛ matɛgɛ, ni wo ma, ka a fɛrɛ matɛgɛ ko i ye san-di-kɛ le la.”

Emɔsi 8:10

Wo si wo kundɛn wola sewa-tele minnu ma, Mari si tele wonu ma di-kɛ-tele la. Mari ko a si wola sewa-siginu yɛlɛma yisi-magboya-siginu na. A si a ma, wo ni wo kunyɛ gbana ka kasa-kurɛnu don wo kan na. A si kunaya wole, Isirɛla mɔgɛnu kuma iko mɔgɔ-kɔrɔyanɛla den kelan wa sa. A si gbɛlɛya wo kuma ha wola tɔrɔya-wati da ni fa.

Yilan-Yilan Koe 21:28

Ala kɛlɛ-dannu bɔra Hɛsibɔn iko tɛ ka Ari soe kasara Mohabu nyamanɛ rɔ. Anu ya kɔnkɔrɔ-mɔgɛnu damasi faga minnu bi Anɔn ba-kunyɛ wara la.

Yilan-Yilan Koe 21:30

Ka a bi Hɛsibɔn ma ha ka ke Dibon soe ma, ila mɔgɛ wo bɛɛ ara halaki pɔ ka a bi Nasima soe ma ha ka ke Nofa soe ma min gbɛrɛnnɛ Midaba soe ma.”)

Yilan-Yilan Koe 32:3

“Ma ya a lɔn ko Mari ya soe kɛnu di ma ma ka a mɔgɛ bɛɛsi faga. Ataroti wo, Dibon wo, Yasa wo, Nimira wo, Hɛsibɔn wo, Ɛlɛyela wo, Sibima wo, Nibɔ wo, Biyɔn wo, ma ya wo bɛɛ bi anu bolo. Ma ya a yen ko nyamanɛ wo kin ninkinu ye, ado ninki siyaman bi ma bolo.

Tɔn-Fɔɛ-Fila-Nyɔgɛ 14:1

“Bawo Mari Allata mɔgɛ le wole la, wo kana wo kunyɛnu sii ka wo fɛrɛnu mafarafara saya-koe kuma iko sibole doinu bi a mala nya min saya-di-kɛ tinɛ.

Tɔn-Fɔɛ-Fila-Nyɔgɛ 34:1

Musa bɔra Mohabu lɛɛ rɔ ka ta Nibɔ kɔnkɔ-yɛlɛ dabira. A tara ha Pisiga kɔnkɛ kun tɛma min bi Yɛrikɔ tele-bɔɛ wara la. Mari ya lanyiri-nyamanɛ bɛɛsi yira a la. A ya a yɛ layɛlɛ Yorodan bɛ kunyɛ wara la ka Kaliyadi nyamanɛ mafɛlɛn ha Dan soe ye kan min.