Aiseya 13:9 - ALLALA KUMƐ

⁹ Marita lɔgɔ-latɛgɛnɛ ara gbɛrɛn. Wo wati si a taran, Mari yakɔrɛ sisinɛ dɔgɔma-ma-de! Duninya mumɛ bɛɛ ra si kolonya filili! Hakɛ-tigi bɛɛ si halaki.

Aiseya 13:9 Iomraidhean Croise

Yaburi 104:35

Alamɛ hakɛ-tiginu kasarata duninya kɛ rɔ pɔ! Alamɛ ko-yogoma-kɛlɛnu wara-koe kara-a-la feu! N ni Mari tanto n sɔndɔmɛ bɛɛ la! I ni Mari tanto!

Hɛnkilimaya-Kumɛnu 2:22

Kɔnɔ minnu karagbɛlɛ, Alla si wonu wurun burutu, iko mɔgɛ si binyɛ wurun nya min sɛnɛ rɔ.

Aiseya 13:6

Wo ni kurun dumɛ bolo. Marita lɔgɔ-latɛgɛnɛ ara gbɛrɛn. Mari Sɛnbɛ-Bɛɛ-Tigi si kasarɛ lana tele wo ma.

Aiseya 2:12

Wo tele wa ke, wasintenu wo, nyɛrɛ-kɔrɔtanɛnu wo, anubɛ sɛnbɛ-tiginu, Mari Sɛnbɛ-Bɛɛ-Tigi si wonu famayigi.

Aiseya 34:8

Mari si ata kɔnkɔ-sɛnimɛ lakanan wati kɛ le tɔ ka ala mɔgɛnuna yili sara anu yogenu na.

Aiseya 63:4

A ko ala mɔgɛnu tayili-sara-wati ara ke. Anu yogenu-tɔrɔ-wati ara ke.

Aiseya 66:17

Mɔgɛ wonu bi anu nyɛrɛ mala mɔgɔ-sɛninyanɛ la alako anu si ta anuna bɛsɛnu kɔ nya min anuna kan-tina-hakikɛnu tɔ. Anu kungban-kungban kɛnɛna bilala anu nyɔgɔn fɛ ka ta kan-tina-hakikɛ wonu tɔ. Anu bi kɔsɔ-soge anubɛ tula-soge anubɛ fen-haramunɛ donu dɔnna nyɔ. Kɔnɔ Mari ko anu dama si na halaki anu nyɔgɔn fɛ tiriya!

Aiseya 9:19

Mari Sɛnbɛ-Bɛɛ-Tigita fondo-bɔ-belebele kɛ si mintannɛ kɛ ka nyamanɛ mumɛ bɛɛ mintan gburr! Mɔgɔ-wo-mɔgɔ ti a nyɔgɔn denkun. Bɛɛ paraparɛ si ta a kun fɛ.

Isikiyɛli 13:5

Iko fira-wuli wonu, anuna foninya-wɔlɔyiya-kuma-fɔlɛnu sa tara-kerinɛ kandanna. Ni anu sa tarɛ wo sɔla tun alako nde, Mari si anu yogenu natugu anu kan ma tele min ma, soe wo ti kanan.

Isikiyɛli 30:3

ado nde, Mari ye anu tɔrɔla tele min ma, wo ara gbɛrɛn. Wo si ma tele-finyɛ la sibole bɛɛ ye.

Yowɛli 1:15

Marita wati ara gbɛrɛn. Tele wo nyɛrɛ wa ke, Mari Sɛnbɛ-Bɛɛ-Tigi si tinyalɛ kɛ, ado tinyalɛ wo, kasarɛ le ye a kɔma.

Yowɛli 2:1

Wo ni mɔgɛnu-nalɔn-buri fɛ Bato-Bɔn la Yerusalɛm soe burɔ. Wole Yuda nyamanita-mɔgɛnu, wo ni yɛrɛyɛrɛn kilan bolo bawo Mari natoe le, ado wo wati ara gbɛrɛn.

Yowɛli 2:31

Yanni Marita tele-makilannɛ wo ni ke, tele si fin, karɛ si wulen iko yele.

Nehami 1:2

Mari Alla ti sɔn a senɛ ma. Minnu bi a rasɛla, a si wonu tɔrɔ. A fonde bɔnɛ si a tayili sara.

Nehami 1:6

Alla fonde wa bɔ tumɛ min, yon si to a niyi la worɔ? A fondo-kaliyanɛ ye tɛ min nabɔla, yon si ke wo rakɔnɔna? Mari wa fondo-magboyɛ labɔ iko ta-mɛlan, farɛnu si ma gbangban la a kɔrɔ.

Nehami 1:8

A si tugu a yogenu kan ma ka anu nato dogbe iko yi wa tugu a rɔ wuu! Mɔgɛ min ba a rasɛ, a si wonu natosokɔrɔ lakira.

Sɛfanaya 1:15

Wulɔn si ma Marita diminyɛ-yira-tele la ma la. Wulɔn si ma tɔrɔya-tele la mɔgɛ bɛɛ ye. Wo wati si ma bolo-fan damasi-tinya-wati anubɛ halakiyi-wati la. Tɔrɔyɛ si pinpi lana ma kuma bɛff! A si ma iko tele ma bɔ lunyɛ min.

Sakaraya 14:1

Marita kiti-tɛgɛ-tele ara gbɛrɛn. Wo tele nyɛrɛ rɔ, sibolo-gbɛrɛnu si bui Yerusalɛm soe ma ka wola fen-kolomɛnu tala wo ya la.

Malakayi 4:1

Mari Sɛnbɛ-Bɛɛ-Tigi ya a fɔ ko wati ye nala, mɔgɔ-wasinɛnu anubɛ karagbɛlɛ damasi si mintan gburr iko bin-gbalɛ.

Lankɛnimayɛ 18:8

Ka a tɛgɛ wo ma, fitinɛ kɛ bɛɛ si na kɛ a ma tele kelen kɔrɔ, kirayɛ anubɛ yisi-gbalɛ anubɛ kɔnkɛ, kɔni. Tɛ si a mintan gburr bawo Mari Alla, Sɛnbɛ Bɛɛ Tigi le a kiti tɛgɛla.”