Aiseya 13:4 - ALLALA KUMƐ

⁴ Wo ni wo tole masɔ sɔnkɔ-sɔnkɔ-kan la kɔnkɛnu kuma, ado nyama-bɛrɛ-sɔnkɔ-kan le wo la. Nyamani-siyaman mɔgɛnu sɔnkɔ-kan le wo la. Kɛlɛ-dan bɛɛta Mari ye ala kɛlɛ-dannu mabɛnna kɛlɛ-kɛ-koe la.

Aiseya 13:4 Iomraidhean Croise

Aiseya 17:12

Sibolo-gbɛrɛ fanka-tiginu si tugun anu nyɔgɛnu na iko kɔgɔ-yi ye sɔnkɔla a rɔ nya min.

Aiseya 48:14

A ko wo bɛɛsi ni wo kundɛn ka wo tole masɔ. Bɛsi-wo-bɛsi ti yarɔ-koe fɔ ko ata mɔgɔ-yabɔnɛ si Babilɔn kɛlɛ. Ale Mari ye nyinina min ma, ata mɔgɔ-yabɔnɛ ye wo le kɛla a ye.

Aiseya 5:26

Mari ye a kɔɛn kerila wula-yanna-sibolo-gbɛrɛnu ye alako wonu ni na. A ye anu kelela fululi rɔ alako anu ni na ka bɔ duninya-tonko-nanɛ bɛɛ rɔ, ado wo ma anu yen nala tiriya?

Aiseya 5:30

Wo tele wa na, anu bi bɔrɔndɔ-bɔrɔndɔla Isirɛla kuma le iko kɔgɔ-yi tenbi tugula a rɔ, wo kan ye nya min. Nyamanɛ kɛ mafɛlɛn! Fɔ pinpi anubɛ tɔrɔya-gbansan, wo le ye a rɔ. Pinpi ara waan yamatogon.

Yɛrɛmaya 21:4

Isirɛlata Mari Alla ko a si a ma, Babilɔn mansɛ ni ale Sɛdɛkayata kɛlɛ-dannu nɔ. Anuta kɛlɛ-kɛ-mirannu ti anu dɛnbɛ nɔ-ko sɔrɔn-tinɛ. Babilɔn kɛlɛ-dannu si don hali Yerusalɛm soe burɔ.

Yɛrɛmaya 25:14

Mari ko a si sibolo-gbɛrɛ donu tayili sara Babilɔn kɛnu na ka a tɛgɛ anu sɔn-yogomɛ ma. Sibolo siyamɛ anubɛ anuna mansɛnu si anu ma anuna yɔɔn la.

Yowɛli 2:25

Kɛlɛ-dannu bara wo foo min bɛɛsi la san-dande kɛnu kɔrɔ, a ko a si wo bɛɛ lasɛgi wo ma. A ko ale le nyɛrɛ-nyɛrɛ ya kɛlɛ-dan wonu nana wo kan ma nun.

Yowɛli 3:14

Mɔgɔ waga yirika-siyaman nadɛnnɛ Kiti Sa Lɛɛ kɛ rɔ. Marita tele si anu taran lɛɛ wo rɔ.

Lankɛnimayɛ 18:8

Ka a tɛgɛ wo ma, fitinɛ kɛ bɛɛ si na kɛ a ma tele kelen kɔrɔ, kirayɛ anubɛ yisi-gbalɛ anubɛ kɔnkɛ, kɔni. Tɛ si a mintan gburr bawo Mari Alla, Sɛnbɛ Bɛɛ Tigi le a kiti tɛgɛla.”