Aiseya 10:3 - ALLALA KUMƐ

³ Alla wa a lasɔ wole tɔrɔla, wo si nfen ma gbɛ? A wa kasarɛ lana wo kuma ka bɔ nyamani-yan rɔ, wo si na nfen ma? Wo burimatoe si ta yon bara wo dɛnbɛn-koe rɔ? Wo si wola fen-da-gbɛlɛnu dogon mintɔ?

Aiseya 10:3 Iomraidhean Croise

Ko-Dabirɛnu 31:1

Yakoba ya Lebanna dannu kuman-kan lamɔɛn ko, “Yakoba ara ma fa bolo-fan bɛɛsi kankan. Ale ara ma nɔnfulu-tigi la ma fa bolo-fannu tɔ.”

2 Mansɛnu 7:15

Keminɛ wonu ya Siriya wonu bolo-fannu yuluyulunɛ yen tala kilɛ la ha ka ta ke Yorodan bɛ ma. Wonu fanan sɛgira ka anu dantɛgɛ Isirɛla mansɛ ye.

Yobu 31:14

Ni n ma wo ma nun, n si ke Alla yabila kama? Alla wa n kiti, n si nfen fɔ a ye?

Hɛnkilimaya-Kumɛnu 11:4

Mari wa wuli mɔgɔ kitila, nɔnfuli ti a dɛnbɛ wulɔn kɔnɔ ko-telenni-kɛ si mɔgɔ kisi sayɛ ma.

Aiseya 13:6

Wo ni kurun dumɛ bolo. Marita lɔgɔ-latɛgɛnɛ ara gbɛrɛn. Mari Sɛnbɛ-Bɛɛ-Tigi si kasarɛ lana tele wo ma.

Aiseya 17:4

Mari ko wati ye nala, tɔn si sigi Isirɛla nyamanɛla makawɛ la. Anuna fen-tigiyɛ si a laban anu bolo bolo-kolonyɛ ma.

Aiseya 20:6

Wo wati wa ke, mɔgɛ minnu siginɛ Filisiti nyamanɛ rɔ kɔgɔ-yi dafɛ, Mari ko wonu si a fɔ ko, “Ma lanɛ minnu na ko anu si ma lakanan Asiriyanu masibɛ ma, wo ni wo yɛ lata anu bi nya min kaka. Male si ke kisila kama gbɛ?”

Aiseya 26:14

Kɔnɔ ma ye minnu kɔrɔ nun, wonu bara faga. Wonu ti beli tun. Hali anu pulan ti bɔ bawo i wara ban anu kasarala nun. Mɔgɔ-wo-mɔgɔ miri sa anu ma tun.

Aiseya 26:21

Mari ye nala bɔla ata kan-tina-sɛnimɛ rɔ san-kole rɔ. A ye nala mɔgɛnu tɔrɔla dugu-kole kuma anuta hakɛla ko la. Anu ya mɔgɛ min bɛɛsi faga dogɔn tɔ, wo bɛɛ si bɔ gbɛ ma wulɔn. Minnu bara faga nun, bɔnkɛ ti a sansan wonu ya ma tun mumɛ!

Aiseya 28:20

Wo si ma iko hɛnkilimaya-kumɛ ye kei minna ko fɔla ko kei kɛ yan ala sa-fan ko, ado ala burun-kurɛ ti a mabɔ.

Aiseya 29:6

Mari Sɛnbɛ-Bɛɛ-Tigi si na san-sɛran anubɛ dugu-yɛrɛyɛran la wo lakanan-koe la. Mari si wo lakisi fɔnyɔ anubɛ ta-wɛ la.

Aiseya 30:16

Yanni wo ni wo ma, wo miriya bɛnnɛ ma fenfen ma fɔ ka wo sigi wola so-latirimɛnu na, ado wo ma foni. A ye nala a labanna wo le ma gben! Wola soee wonu ya anu buri nya-wo-nya, wo gbennɛnu bi anu burila wonu ko.

Aiseya 30:5

a ko anu yisi si tinya bawo anu lara nyamanɛ wo le dɔrɔn na anu kisi-koe rɔ, ado a ko anu miri anu dɛnbɛn-koe ma nyamanɛ wo min bolo, wo si anu baya.

Aiseya 30:7

Iyipiti kɛnu bi wo dɛnban min kɛla, fufafuyi le wo la. Woletɔ Mari ko a ya anu kele ko, “Ninkinanka-rakolɔn.”

Aiseya 33:14

Yerusalɛm hakɛ-tiginu bi yɛrɛyɛrɛnna kilan bolo. Anu bi a fɔla ko, “Marita kiti mani de iko tɛ min ti sa mumɛ! Ta-sufa wo si male do to a niyi la?”

Aiseya 39:3

Nde, Aiseya tara ale mansɛ manyinika ko, “Sundan kɛnu bɔra mintɔ? Anu ya nfen fɔ i ye nun?” Mansa Hɛsakaya ko, “Anu bɔra fɔɔ Babilɔn nyamanɛ rɔ pon!”

Aiseya 5:14

Anu sɔgɛ ye lakira la kaka! A ye a dɛ sala-a-ma fagba, alako a ni anu nakunu. A ye Yerusalɛm mɔgɔ-banu makununa anubɛ a mɔgɛ toe sɔnkɔtoenu.

Aiseya 5:26

Mari ye a kɔɛn kerila wula-yanna-sibolo-gbɛrɛnu ye alako wonu ni na. A ye anu kelela fululi rɔ alako anu ni na ka bɔ duninya-tonko-nanɛ bɛɛ rɔ, ado wo ma anu yen nala tiriya?

Yɛrɛmaya 22:7

A ko a si mɔgɛnu nata minnu si a kasara. Anu si na anuna tɛgɛrannu na anu bolo alako anu ni bolɔn kɛ sɛnbɛrɛn-kɔnnu nabui ka wonu nakɛ tɛ rɔ hali anu nadanta fɛrɛn-hakikɛnu na.

Yɛrɛmaya 4:30

Ile Yuda nyamani-tinyanɛ, i ye nfen kun na? Nfenna i ye kura-hakikɛnu donna i kan na? Nfenna i ye i makirila sɛnɛ la? Nfenna i ye i ya-siyi lafinna? I ye i nyɛrɛ mabɛnna fu! I gbo i kenintenu ye, ado i faga-sɔgɛ ara anu bira.

Yɛrɛmaya 5:31

Nɛbinu sa fenfen fɔla foninyɛ kɔma. Saraka-masɔlɛnu bi anu nyɛrɛta fanka le lawɔlila, ado wole, Mari nyɛrɛta mɔgɛnu diyana-koe le wo la. Kɔnɔ kɛ damasi laban si ma wo bolo nfen na?

Yɛrɛmaya 9:9

Mari ko a ti wo tɔrɔ wola ko la, wa? A ko a bɛnta, wo ni tɔrɔyɛ min sɔrɔn, a kana wonu sigi wo ma, wa? Ale Mari kan le kɛ la.

Hoseya 5:13

Mari ko Yuda anubɛ Isirɛla ya a yen min kɛ ko anu ma kɛndɛ, wole Isirɛla mɔgɛnu tara Asiriya mansɛ wara a dandan-koe rɔ kɔnɔ wo ma ke wole, Isirɛla mɔgɛnu dandanna.

Hoseya 9:5

Ladiya-wati wa ke Mari ye, wo si nfen ma wo rɔ gbɛ?

Hoseya 9:7

Wo tɔrɔ-wati ara ke. Wo si wotɛ sɔrɔn iko a bɛnta wo ni a sɔrɔn nya min. Wo tumɛ wa ke, wole Isirɛla mɔgɛnu si a lɔn yati, ko wo tɔrɔya-wati ara ke. Wo ye a fɔla ko, “Nɛbi kɛ, yuwɛ le kɛ la.” Wo hakɛ da ara koloya min kɛ, woletɔ n gboyanɛ wo ye dɔgɔma-ma-de!

Emɔsi 5:19

Wo si ma iko kei min bi a burila yarɛ kɔrɔ ka ta bɛn suluki la. A wa a buri wo fanan kɔrɔ tumɛ min ka ta ala bɔn la alako a ni kisi, a wa a gbɔnkun ala bɔn rɔ, gbanwore fanan si a kin.

Maika 7:4

Hali minnu natelennɛ wo tɛma, wonu mani de iko dɛran. Hali mɔgɔ-nyimɛ minnu bi wo tɛma, wonu mani de iko mɔgɛnu bi binyɛ minnu dɛnna. “Wo tɔrɔ-wati le wara ke kɛ la Mari bolo iko nɛbinu ya wo lalɔn nya min nun. Wo damasi nyagbanɛ kɔndɔfili bolo.

Sɛfanaya 1:18

Mari fonde ye bɔla tele min ma bɛrɛbɛrɛkɛ, mɔgɛnuna sɛnɛ anubɛ wodi-gbɛnu ti anu bɔ tɔrɔyɛ wonu tɔ wo wulɔn-tele rɔ. Marita diminyɛ si ma iko tɛ ka duninya kɛ bɛɛ mintan. A si duninya-mɔgɛ bɛɛ lato nya-kun-kelen dogbe!

Luka 19:44

Anu si wo halaki pɔ! Hali kuru kelen ti to a gbɛ rɔ bawo Alla nara wo wara wo kisi tinɛ tumɛ min, wo ya wo ban a la wulɔn.”

Tɔn-Fɔɛ-Fila-Nyɔgɛ 28:49

“Mari si a ma, sibolo-gbɛrɛkɛ-mɔgɛnu si na wo tɛma ka bɔ wula-yan la pon, wo ti minnu kuman-kan lamɔɛn hali! Wonu si na kɛ wo ma iko bibinu.

1 Pita 2:12

Wo ni wo kɛ-nya-nyimɛ yira Alla-batobɛlɛnu na. Woletɔ anu tenbi wo maburila tumɛ min ko ko-yogoma-kɛlɛ le wole la, anu si wola kɛwɔli-nyimɛnu yen, ado Alla wa na lunyɛ min, anu si a tanto tele wo rɔ.