Aiseya 1:7 - ALLALA KUMƐ

⁷ Wole Isirɛla mɔgɛnu, wola nyamanɛ kasaranɛ. Wola soenu bara mintan gburr! Sibolo-gbɛrɛnu bi wola sɛnita-fannu dɔnna wo yala ka wo kasaranɛ to.

Aiseya 1:7 Iomraidhean Croise

2 Ko-Kɔrɔta-Karan 28:5

Bawo ale Mansa Ehasi ara hakɛ kɛ Mari la, woletɔ ata Mari Alla ya a ma, Siriya mansɛ ya a nɔ ka ta ala nyamanita-mɔgɔ-siyaman na biralɛ rɔ Damasika soe burɔ. Wo kɔma fanan, Mari ya a ma, Rɛmalayala den Mansa Peka ya ale Mansa Ehasi nɔ. A ya kɛlɛ-kurugba mɔgɔ waga kɛmɛ ani mɔgɔ waga mogan (120,000) faga Yuda nyamanɛ rɔ tele kelen kɔrɔ. Anu benbanuta Mari Alla sɔnta wo ma bawo Yuda mɔgɛnu bara anu ban ale la.

Yaburi 107:39

Allata mɔgɛnu, anu yogenu ya anu nɔ ka anu namiliya. Ka a tɛgɛ wo ma, anu niyi ragbɛrɛnta ka tɔrɔyɛ sɔrɔn.

Yaburi 109:11

Minnuna yili ye a la, alamɛ wonu nara bui a ma ka a bolo-fannu toronde a la. A ye fan min bɛɛ nyinina a siyi-tele-bɛɛ kɔrɔ, alamɛ sundannu ya wonu toronde a la.

Aiseya 1:8

Yerusalɛm kelen pe ara to sɔni iko soe min bi kurɔn rɔ a yogenu bolo. A latankabɛlɛ iko bɛndɛ min sɔnɛ sɛnɛ tɛma.

Aiseya 3:8

Ɔnde! Yerusalɛm tinya-koe ara to a ma. Yuda nyamanɛ fanan bi nala bui tinɛ le kɛ la. Anu ya ko-wo-ko fɔ, Mari tanama-koe le wo la. Anu ya ko-wo-ko ma, Mari gboyana-koe le wo la. Anu bi Alla rasɛla bɛɛ yala.

Aiseya 34:9

Idɔm bɛnu si ma nagatikali, iko kolota. Nyɔ-dugi si yɛlɛma munku-gbɛ la. Nyamanɛ wo mumɛ si mintan iko ta-yi le rawuyanɛ a ma.

Aiseya 49:19

Ile Yerusalɛm soe, ila nyamanɛ ara tinya ka ma tonbɔn la kɔnɔ minnu bi nala sigila nyɔ gbɛ, nyɔ ra si dɔgɔya anu ma tun. Anu denu minnu ya i tinya, anu si ta i ma wula la pon!

Aiseya 5:17

Nba kaka, saga-dannu anubɛ baa-dannu si anu de-nyini tonbɔnnu tɛma.

Aiseya 5:9

N bara a lamɔɛn ko Mari Sɛnbɛ-Bɛɛ-Tigi ye a fɔla ko, “Wola bon-belebele-hakikɛnu si kasara pɔ!

Aiseya 6:11

N ya Mari manyinika. N ko, “Kɛ si to a la ha wati nyamintan?” A ya a fɔ n ye ko, “Kɛ si to a la ha soenu ta ni kolonya ka tii mɛmɛ! Ha bɔnnu na ni kolonya filili! Fɔ nyamanɛ bɛrɛn ni kasara pɔ!

Aiseya 60:15

Lunyɛ do, i sɔgɔ labɔra anu na. Anu ya i rakolonya. Hali ka tenbi i rɔ, mɔgɔ ma a ma. Kɔnɔ a ko ka a bi bi ma, i mankan ma si to yɛlɛla. I si ma sewa tinɛ la tolon!

Aiseya 62:8

Mari ara yili-madiyɛ kɛ. A si lanyiri wo latɔnbagaya ata sɛnbɛ la. A ko a ti wola dɔn-fannu di wo yogenu ma tun. Wo ara tɔrɔ minni-fan min sɔrɔn la, a ti sɔn sundannu ni wo min tun muk!

Aiseya 64:10

Ila so-sɛnimɛnu ta ara kolonya iko wula-da-rakolɔn ye nya min. Yerusalɛm ra ara kolonya filili, ka ma tonbɔn la.

Aiseya 9:18

Mɔgɛnuna wunduyogoyɛ ye mintannɛ kɛla iko tɛ tenbi wɔnɔ-fira-gbalanɛ la. A si mintannɛ kɛ fanan iko tɛ tenbi kala-gbalɛ la. A sisi si yɛlɛ kulakula!

Aiseya 9:5

Wola kɛlɛ-dannuna sanbarɛnu anubɛ yele ye duruki minnu ma, wo bɛɛ ye mintanna le gburr!

Yɛrɛmaya 2:15

Wole Isirɛla mɔgɛnu, wo yogenu bi bɔrɔndɔ-bɔrɔndɔla wo la iko yarɛ. Wo yogenu bi wo rakilanna. Anu bara Isirɛla nyamanɛ tii. Isirɛla soe bɛɛ ara mintan. Anu tonɛ tonbonyɛ la.

Yɛrɛmaya 4:7

Sibolenuta kasara-kɛlɛ ara fɔlɔla nala iko yarɛ wa bɔ faran la. A ara a warɛ boloka ka na wola nyamanɛ tinya-tinɛ. Wola soenu si tii mɛmɛ! Hali mɔgɔ-den-kelan, a ti to wonu tɔ.

Yɛrɛmaya 44:6

Woletɔ a ko a ya a fonde labɔn Yuda soenu anubɛ Yerusalɛm soe burɔ ka soe wonu mintan gburr! Ha bi, soe wonu bi tonbonyɛ la.

Yɛrɛmaya 6:8

Mari ko tɔrɔyɛ kɛnu ni ma wole, Yerusalɛm kɛnu makawandi-fan la. Ni wo ma wo tole masɔ, a si a ban wo la. A ko a si wola soe kɛ ma dugu-magbalanɛ la. Nyɔ si ma tonbɔn la.

Yɛrɛmaya 7:34

Wo wati rɔ, Mari ko kɔnyɔ-tolon ti taran nyamanɛ kɛ kan-tinɛ fenfen tɔ. Sewa-wo-sewa ti taran Yerusalɛm luyinu ma anubɛ Yuda nyamanɛ toe bɛɛ rɔ. Nyamanɛ wo si ma dugu-magbalanɛ la.

Nimisa Koe 5:2

I ya ma halala-dugi don sibolo-gbɛrɛnu bolo kaka. Mala bɔnnu fanan bi anu bolo.

Isikiyɛli 25:4

Anu sewanɛ min kɛ, sibolo-gbɛrɛ minnu bi tele-bɔɛ wara la wulɛ rɔ, n si a ma, wonu ni na anu nɔ. Wonu si na anu dagɛ makɛ ale Amonnuna nyamanɛ rɔ ka sigi nyɔ. Kɔn-gbɔɛ anubɛ nonɛ minnu bi nyɔ anuna ko la, wonu si na wonu bɔ anu bolo ka wonu ma anu beli-fan la.

Isikiyɛli 30:12

N si Nayɛli bɛ gbala a worɔn la todo! N si Iyipiti latenbi karagbɛlɛnu ma ka a mara. Sibolo-gbɛrɛ doinu si nyamanɛ wo bɛɛ tinya. Nde, Mari le wara kɛ fɔ.

Hoseya 7:9

Sɛnbɛ sa wo bolo tun bawo wo ara wo dun sundan wonu na. Sundan wonu bi wo tabundenna kɔnɔ wo sa wo kalama.

Hoseya 8:7

Ni min ya wunduyogoyɛ fui, wo tigi ye kasarɛ le tɛgɛla. Wola fui-fen-kuran ti ma dɛgɛ la wo ye. Hali wo mara lefan, sundannu denu bi nala wo dɔnna wo bolo.

Saraka-Masɔlɛnuta Tɔnnu 26:33

N si wo yogenu nana ka wo kɛlɛ ka wo bira ka ta wo la nyamanɛ siyamɛnu tɔ. Wola nyamanɛ rakolɔn si to. Wola soenu si ma iko tonbon-kɔrɛnu.

Saraka-Masɔlɛnuta Tɔnnu 26:34

Kɔnɔ yanni wo yogenu ni wo bira, san-wɔrɔnfila wo san-wɔrɔnfila, wo ti sɔn wola nyamanɛ ni a sulen wo bolo. Wo tumɛ wo ye wo yogenu bolo kan-tina-gbɛrɛkɛnu tɔ, wola nyamanɛ si a sulen wo kɔma.

Maika 5:11

Wo hɛnkili latɛgɛnɛ wola soe minnu ma anubɛ wola kan-tinɛnu ko wo si kanan nyɔ, Mari si wonu tinya pɔ!

Maika 6:13

Woletɔ Mari ko a ara wuli wole, Isirɛla mɔgɛnu tɔrɔyala ka wo halaki wola hakɛnuna ko la.

Tɔn-Fɔɛ-Fila-Nyɔgɛ 28:33

Wo wa ban tɔrɔ-dɛgbɛ kɛla sɛnɛ minnu na, sibolo-gbɛrɛkɛ-mɔgɛnu si na sɛnita-fan wonu bi ka ta a la anu bolo pon! Woleta tɔnɛ si ma tɔrɛ anubɛ bosɛ la.

Tɔn-Fɔɛ-Fila-Nyɔgɛ 28:43

“Sundan minnu bi wo tɛma, wonu fanka si koloya wotɛ ko, wole fanka ma si to yigila doni-doni!

Tɔn-Fɔɛ-Fila-Nyɔgɛ 29:23

Wola sɛni sa tinɛnu si ma kɔgɔ-dugi la. Fenfen ti ma-a-la wo bolo. Hali binyɛ ti ma-a-la nyɔ. Wola nyamanɛ si ma iko Sɔdɔm wo, Kɔmɔra wo, Adima wo, anubɛ Sebom mara nya min. Marita fondo-bɔ-belebele kɛra min kɛ, a ya soe wonu tinya.