Aiseya 1:2 - ALLALA KUMƐ

² Dugu-kole anubɛ san-kolo-Mari ye nala min fɔla wo ye, a ko wo ni wo tole masɔ wo la. A ko a ara ala dan minnu nabɔ a rɔ, wonu bara murutiya a ma.

Aiseya 1:2 Iomraidhean Croise

2 Mansɛnu 21:22

A ya a ban Mari la, a benbanuta Alla, kɔni, ka Marita tɔnnu tinya.

Yaburi 49:1

N bi kumɛ min fɔla, duninya-mɔgɛ bɛɛ ni a tole masɔ kɛ la.

Yaburi 50:4

Alla si san-kole anubɛ dugu-kole kele alako a si ala mɔgɛnu kiti wonu ya la nya min.

Aiseya 30:1

Mari ara a fɔ ko Yuda kun-tiginu si halaki bawo anu bara murutiya a ma. A ko anu bi koenu natɛgɛla anu nyɛrɛ ma, hali ale Mari ma sɔn minnu ma. Anu bi yisi-kima-kɛdi sɛbɛla anubɛ nyamani-gbɛrɛkɛnu tɛma, hali Mari ma sɔn minnu ma. Anu bi hakɛ sala anu nyɔgɔn kuma tala.

Aiseya 30:9

Foninya-fɔɛ wo, murutiyɛ wo, ka anu ban Marita kuma-birɛ ma wo, anu bi wonu kun na le tolon!

Aiseya 31:6

Mari ya a fɔ n ye ko wole Isirɛla mɔgɛnu bara hakɛ kɛ a la ka anu kan-kɔ sɔ a la. Kɔnɔ a ko wo ni sɛgi a ma kaka.

Aiseya 34:1

Wole sibolo-gbɛrɛnu, wo dama ni na ka wo tole masɔ. Mɔgɛ min bɛɛ ye dugu-kole kuma, wo ni na ka wo tole masɔ.

Aiseya 63:16

Ma fa le ile la. Iburayima ma a lɔn ni ala dan le male la. Yakoba fanan ma ma lɔn. Kɔnɔ ma fa le ile Mari nyɛrɛ la. Kebi hun, i tɔgɛ le, “Ma Kunkalɛ.”

Aiseya 65:2

A ko telen-gbɛn, a kɔɛn rasiginɛ mɔgɔ-murutiyanɛ wonu ye. Minnu bi sɛgila a ma, a rabɛnnɛ wonu tabira-koe la. Kɔnɔ anu kɛ-nya manɛ nya min, wo ma kin. Min ba diya anu ye, anu bi wo le mala.

Yɛrɛmaya 13:15

Nde, Yɛrɛmaya ko wole, Yuda mɔgɛnu ni wo tole masɔ Marita kumɛ la. Wo kana wasi bawo ale le ya kɛ fɔ wo ye.

Yɛrɛmaya 22:29

E, wole Yuda nyamanita-mɔgɛnu! Wo ni wo tole masɔ Mari kan la.

Yɛrɛmaya 3:22

Wole telenbɛlɛnu ni sɛgi a ma tun. Wo ni sɛgi a ma. A si wo makoto wola telenbɛlitayɛla ko la. A bɛnta wo ni a fɔ ko, “Ma namatoe le. Mata Mari Alla le ile Mari la.

Yɛrɛmaya 31:9

A ko wole, ala mɔgɛnu si sɛgi dila nyagalen bolo. Wo namato, a si wo niyi radiya. Wo ye bɔla kilɛ min fɛ, wo kan na ti gbala nyɔ. Wo ye bɔla kilɛ min fɛ, wo ti wo kian natugu nyɔ. Mari mani de wole, Isirɛla mɔgɛnu ye iko wo fa. Ala sarɛ le wole, Ifɛrɛm mɔgɛnu na.

Yɛrɛmaya 6:19

Wole duninya-mɔgɛnu, wo ni kɛ lamɔɛn. Mari ko a ye kasarɛ lanala Yuda mɔgɛnu kuma. Anu ya karagbɛlɛyɛ min tabɛn, wo ye mala anu na ka a tɛgɛ wo ma. A ko anu ma sɔn anu tole masɔla ata kumɛ la. Anu ma ata karan bira.

Isikiyɛli 24:3

Nna tili kɛ rakaran nna mɔgɔ-murutiyanɛnu ye.” Nde, wo Tigi Mari ko, Dagɛ lafa yi la ka a sigi tɛ rɔ.

Isikiyɛli 36:4

Kɔnkɛnu anubɛ gburukulinu wo, folenu anubɛ lɛɛnu wo, kan-tina-tinyanɛnu wo, tonbɔn minnu nafɛyanɛ sibolo-gbɛrɛnu bolo wo, anu ni anu tole masɔ nde, anu Tigi Mari ye nala min fɔla anu ye.

Emɔsi 3:1

“Woletɔ wole Isirɛla mɔgɛnu, a ya wole min nana ka bɔ Iyipiti, kɔni, Mari ye nala kumɛ min fɔla wo kan ma, wo ni wo tole masɔ wo la.

Maika 1:1

Mansa Yɔtam wo, Mansa Ehasi wo, anubɛ Mansa Hɛsakaya wo, Mari ya sarakanɛ don Nɛbi Maika bolo wonuta wati rɔ. Nɛbi Maika wo bɔra Mɔrɔsɛti soe rɔ min bi Yuda nyamanɛ rɔ, mansa sawɛ kɛnu bi kan min nun. Mari ya ko-siyaman yira Nɛbi Maika la Samariya anubɛ Yerusalɛm so-karantan wonuna ko la.

Maika 1:2

Maika ya Mari kuman-kan latenbi ata mɔgɛnu ma ko, “Sibolo-mɔgɛ bɛɛsi ni anu tole masɔ a kin na! Duninya-tigi Mari si ma sereyɛ la wo kan ma. Wo ni wo tole masɔ. A ye nala kumala ata Arinyɛnɛ-bon-sɛnimɛ la.

Maika 3:8

“Kɔnɔ nde, Maika sa iko nɛbi doinu bawo Mari ya ata niyi anubɛ ata sɛnbɛ di nde ma fanan. A ya latelen-hɛnkili di n ma. A ara n yisi gbɛlɛya ka wole, Isirɛla mɔgɛnuna hakɛ yira wo la.

Malakayi 1:6

Mari Sɛnbɛ-Bɛɛ-Tigi ya a fɔ ata saraka-masɔlɛnu ye ko a bɛnta, den-kei ni a fa gbiliya. A bɛnta fanan, wɔli-kɛlɛ ni a tigi gbiliya. Kɔnɔ a ko wo fa le ale la kɔnɔ wo sa ale gbiliyala. A ko wo tigi le a la fanan kɔnɔ wo sa a gbiliyala. A ko a ma di wole saraka-masɔlɛnu ye mumɛ kɔnɔ hali wo, wo ye a manyinikala ko, “Ma ya a yira a la kama ko a sɔgɔ la ara bɔ ma la?”

Kɛwɔlɛnu 4:20

bawo male ara koe minnu tayen ka a lamɔɛn, a fɛrɛ sa fɔ ma ni wonu denu fɔ.”

Tɔn-Fɔɛ-Fila-Nyɔgɛ 1:31

Iko kei si ala dan sigi a kɔnkɔn tɔ nya min, a ya ma sigi a kɔnkɔn tɔ wo nya na le wulɛ rɔ ha ka na ke ma la yan.

Tɔn-Fɔɛ-Fila-Nyɔgɛ 30:19

Kaka, nde nyɛrɛ fanan bi fɛrɛ dila wo ma ka wota bi duwɛ anubɛ dankɛ tɛma, simayɛ anubɛ fagalɛ tɛma. San-kole anubɛ dugu-kole si ma sereyɛ la wota bi-koe kɛ rɔ. Nde, Musa ko wo ni simayɛ bi.

Tɔn-Fɔɛ-Fila-Nyɔgɛ 32:1

“San-kole anubɛ dugu-kole, nde, Musa ye nala min fɔla, wo ni wo tole masɔ nta kumɛ wo la. Wo ni wo tole masɔ bɛrɛkɛ!

Tɔn-Fɔɛ-Fila-Nyɔgɛ 4:26

“San-kole anubɛ dugu-kole si ma n sereyɛ la bi. Ni wo ma nna kumɛ bira, wo wa Yorodan bɛ tɛgɛ tumɛ min ka ta lanyiri-nyamanɛ wo rɔ, wo ti mɛ nyamanɛ wo rɔ! Wo si tunu yen!