Aiseya 1:12 - ALLALA KUMƐ

¹² A ko wo tenbi nala a bato tinɛ, yon ya a fɔ wo ye ko fɔ wo wa na saraka-sufa wonubɛ wo hakɛnu na wo bolo? Yon ya wo sɔ tagama-tagamana a Bato-Bɔn kata burɔ?

Aiseya 1:12 Iomraidhean Croise

Yaburi 40:6

Ile sa nyinina sarakɛnu anubɛ kɔ-fannu ma ma bolo. I sa ma matarala saraka-mintantɛnu ma, ma si minnu gbuya mintan saraka-mintan-tinɛ kuma. Hali sarakɛ minnu si mala hakɛ bɔ ma ma, i ma ma matara wonuna ko ma. Kɔnɔ min kolo wo dama ko, i wara n tole laka alako n ni ita kumɛ lamɔɛn.

Bɔ-Koe-Iyipiti 23:17

“Kei bɛɛsi ni ta nde, Mari Allata ladɛn sawɛ kɛnu tɔ ka nde, Mari Sɛnbɛ-Bɛɛ-Tigi bato.

Bɔ-Koe-Iyipiti 34:23

N ba ban sibolo-gbɛrɛnu gbenna wo yarɔ ka wola nyamanɛ lakoloya tumɛ min, kei bɛɛsi ni ta n bato tinɛ san-bo-san iko sawa. Wo tenbi ladɛn wonu tɔ tumɛ min, wo hɛnkili la ni tɛgɛ ko nde, Alla si a ma, wo yogenu ti wola nyamanɛ bi wo bolo wo kɔma kilɛ la.

Makawandili Kumɛnu 5:1

A ma i fɛrɛma Alla Bato-Bɔn la. Yanni mɔgɛ ni kuntanya-sarakɛnu bɔ nyɔ iko kuntan donu bi a mala nya min, a fisa, a ni ta nyɔ ka hɛnkili sɔrɔn bawo kuntan wonu ma a lɔn ko anu bi ko-yogomɛ le kun na.

Yɛrɛmaya 7:11

A ko ale nyɛrɛ-nyɛrɛ le ya kan-tinɛ kɛ yabɔ a bato-tinayɛ la. Wo ara yan ma kankan-dogon-tinɛ le la. Mari ko a kolan le bɛnnɛ wo ma.

Maika 6:8

Nɛbi Maika ko, “Ma si min ma wona, Mari ara wo fɔ ma ye nun. A ye nyinina minnu ma ma bolo, wo le kɛnu na. A dabira fɔlɔtɛ, a ko ma ni ko-latelennɛ kɛ. A fila nyɔgɛ, ma ni ma nyɔgɔn keni anubɛ Alla. A sawa nyɔgɛ, ma ni Alla diyana-koenu kɛ gbiliyɛ rɔ.

Sakaraya 7:5

A ko n ni a fɔ saraka-masɔlɛnu anubɛ mɔgɛ bɛɛ ye ko anu ya sunyɛ don min kɛ ka di a karɛ loli nyɔgɛ anubɛ a karɛ wɔrɔnfila nyɔgɛ ma san bi-wɔrɔnfilɛ kɛ kɔrɔ, anu ma wo kɛ ale Mari ye.

Matiyu 23:5

Anu si anuna ko-nyimɛ bɛɛ kɛ alako mɔgɛ ni anu yen dɔrɔn! Allala kumɛ min sɛbɛnɛ ata kitabu rɔ, anu bi wo mala lɛsimɔgɛnu na ka wonu kiri anu telɛnu anubɛ anu bolenu ma. Wonu mafɛlɛn! Anuna duruku-yan bunsannu yanyɛ-nya fanan mafɛlɛn!

Tɔn-Fɔɛ-Fila-Nyɔgɛ 16:16

“Isirɛla kei mumɛ bɛɛ si na Marita kan-tina-yabɔnɛ wo rɔ kinyama sawa san kɔrɔ. A dabira fɔlɔtɛ wo le Kanan-Ko-Ladiyɛ la, wo wa ban, Dɔn-Fen-Kun-Fɔlɛ-Ladɛn, wo wa tenbi, Lele-Sɔɛ-Ladɛn. Kei-wo-kei kana ta sɔ Mari yakɔrɔ nyɔ a bolo lakolɔn