Aiseya 1:1 - ALLALA KUMƐ

¹ Alla ya sarakanɛ minnu don Emɔsila den Aiseya bolo ka a tɛgɛ Yuda nyamanɛ anubɛ Yerusalɛm soela ko ma, wonu denu sɛbɛnɛ buku kɛ rɔ. Kɛnu fɔra Mansa Yusaya anubɛ Mansa Yotam anubɛ Mansa Ehasi anubɛ Mansa Hɛsakayanuta wati le tɔ, anu bi Yuda nyamanɛ kun na wati min.

Aiseya 1:1 Iomraidhean Croise

2 Mansɛnu 15:1

Mansa Yɛrabowamila mansayɛ san mogan-ni-wɔrɔnfilɛ ma Isirɛla nyamanɛ kun na, Mansa Hamasala den Yusaya mara mansɛ la Yuda nyamanɛ rɔ san wo le la.

2 Mansɛnu 15:13

Mansa Yusayala mansayɛ san bi-sawa ani san kɔnɔntɛ nyɔgɛ ma Yuda nyamanɛ kun na, Yebɛsila den Salumu mara mansɛ la Isirɛla nyamanɛ rɔ san wo le la. Salumu kɛ ya karɛ kelen pe le bɔ mansayɛ la Samariya soe burɔ.

2 Mansɛnu 15:32

Mansa Rɛmalayala den Pekala mansayɛ san fila nyɔgɛ ma Isirɛla nyamanɛ rɔ, Mansa Yusayala den Yotam mara mansɛ la Yuda nyamanɛ rɔ san wo le la.

2 Mansɛnu 15:7

Mansa Yusaya ya so-sɛgi-kɛ. Anu ya a togon Mansa Dawuda halala-luyi ma Yerusalɛm soe burɔ. Ala den Yotam sigira a gbɛ rɔ.

2 Mansɛnu 18:1

Ilala den Mansa Hoseyala mansayɛ san sawa nyɔgɛ ma Isirɛla mɔgɛnu kun na, Mansa Ehasila den Hɛsakaya mara mansɛ la Yuda nyamanɛ rɔ san wo le la.

2 Mansɛnu 19:2

Ilayakim min bi ala bolon-mafɛlɛnna wo, Sɛbana min bi ala kɛdi-sɛbɛla wo, anubɛ saraka-masɔla-kun-tiginu wo, Mansa Hɛsakaya ya wonu nata Emɔsila den Nɛbi Aiseya ma. Wonu fanan tara kasa-kurɛ la anu kan na.

2 Ko-Kɔrɔta-Karan 26:1

Hamasala den Yusaya sɔrɔn-san tan-ni-wɔrɛ ma, Yuda nyamanita-mɔgɛ bɛɛsi ya ale ma anuna mansɛ la a fa gbɛ rɔ.

2 Ko-Kɔrɔta-Karan 26:22

Ale Mansa Yusaya ya koe min bɛɛsi ma ala mansayɛ kɔrɔ, Emɔsila den Nɛbi Aiseya ya wo bɛɛsi sɛbɛ.

2 Ko-Kɔrɔta-Karan 27:1

Yotam ya mansayɛ sɔrɔn a sɔrɔn-san mogan-ni-loli nyɔgɛ le ma. San tan-ni-wɔrɔ, a ye mansayɛ la ka bɔ Yerusalɛm soe burɔ. A na le Sedokila den Yerusa la.

2 Ko-Kɔrɔta-Karan 28:1

Ehasi ya mansayɛ sɔrɔn a sɔrɔn-san mogan nyɔgɛ le ma. San tan-ni-wɔrɔ, a ye mansayɛ la ka bɔ Yerusalɛm soe burɔ. Ale ma a benba Mansa Dawuda sɔn-nyimɛ bi, ado a ya min ma, wo ma ata Mari Alla hɛnɛ.

2 Ko-Kɔrɔta-Karan 29:33

Min sanɛ wo kuma, anu nara tura kɛmɛ wɔrɔ (600) la anubɛ saga waga sawa (3,000), mɔgɛnu si to minnu dɔnna.

Yaburi 89:19

I ya a fɔ ila wɔli-kɛla-nyimɛnu ye ko-rayen rɔ ko i wara dɛnbɛnɛ di kɛlɛ-kurugba-yabɔnɛ do ma. I wara wo ma mansa-yabɔnɛ la ila mɔgɛnu ye.

Aiseya 13:1

Alla ya sarakanɛ don nde, Emɔsila den Aiseya bolo. Sarakanɛ wo tɛgɛnɛ Babilɔn kɛnu denu wara-koe ma.

Aiseya 2:1

Alla ya sarakanɛ min don nde, Emɔsila den Aiseya bolo ka a tɛgɛ Yuda nyamanɛ anubɛ Yerusalɛm soela ko ma, wo le kɛ la.

Aiseya 20:2

San sawa yanni wo ni ke, Mari ya a fɔ nde, Emɔsila den Aiseya ye ko n ni nna sanbarɛ bɔ n kian rɔ ka nna kasa-duruki bɔ n kan na. N ya Mari kan to a gbɛ rɔ. N kin-takolɔn anubɛ n gbu-makolɔn tara.

Aiseya 21:2

N ya min yen ko-rayirɛ wo rɔ, yanfɛ anubɛ kasarɛ. Ilam kɛlɛ-dannu, wo ni wo sɛbɛ don! Midiya kɛlɛ-dannu, wo ni wo bui soenu ma! Babilɔn kɛnu bara tɔrɔyɛ min nana, Alla si yili kiri wo dan la.

Aiseya 37:2

Ilayakim min bi bolon-mafɛlɛnna wo, anubɛ Sɛbana min bi ala kɛdi-sɛbɛla wo, anubɛ saraka-masɔla-kun-tiginu wo, Mansa Hɛsakaya ya wonu nata nde, Emɔsila den Nɛbi Aiseya ma. Wonu fanan tara kasa-kurɛ la anu kan na.

Aiseya 38:1

Kɛ wati ya a taran, Mansa Hɛsakaya kun ma ara kɔ kirayɛ bolo. A tora doni, a ni lakiraya. Nde, Emɔsila den Nɛbi Aiseya tara a kɔndɔn tinɛ. N ya a fɔ a ye ko, “Mari ko yanni i ni faga, i ni i fɛ-koe mumɛ bɛɛ rabɛn bawo a ko i ti kirayɛ kɛ nɔ.”

Aiseya 40:9

Yerusalɛmta ko-mayonnɛ, i ni ta kibara-nyimɛ lake kɔnkɔ-layan-bɛ kuma! I ni i kan labɔ ka kibara-nyimɛ wara-koe lawanka. I ka kilan a mayonna. A fɔ soe bɛɛ rɔ Yuda nyamanɛ rɔ ko anuta Alla ye nala!

Aiseya 6:1

Mansa Yusaya ya so-sɛgi-kɛ san min na, n ya Mari yen ko-rayirɛ rɔ. A mayiginɛ ala waganɛ rɔ san ma, ado a gbiliyanɛ. Ala mansaya-duruki ya a Bato-Bɔn lafa pen!

Aiseya 7:1

Mansa Yotamna den, Mansa Ehasi, Mansa Yusaya mamanɛ, kɔni, wo ye Yuda nyamanɛ kun na tumɛ min, kɛlɛ donta nyamanɛ kun na. Siriyanuna Mansa Risen anubɛ Isirɛla mansɛ Rɛmalayala den Peka, wonu nadɛnta ka Mansa Ehasi kɛlɛ Yuda nyamanɛ rɔ. Kɔnɔ anu ma ke Yerusalɛm nɔla, Yuda nyamanɛla so-karantan, kɔni.

Yɛrɛmaya 23:16

Mari Sɛnbɛ-Bɛɛ-Tigi ya a fɔ wole, Yerusalɛm kɛnu ye ko wo kana wo tole sigi nɛbinu kan kɔrɔ. Nɛbinu bi wo buyi lafala foninyɛnu na. Ko-rayirɛ minnu bi nala nɛbi wonu kunyɛ rɔ, anu bi wo le fɔla, ado Mari miriya ma wo la feu!

Isikiyɛli 1:1

Nde, Busila den Saraka-Masɔla Isikiyɛli siginɛ Yahudiya-biranɛnu tɛma Babilɔn nyamanɛ rɔ Kiba bɛ fɛ. N sɔrɔn-san bi-sawɛ, karɛ nani nyɔgɛ, tele loli nyɔgɛ ma, ko-rayirɛ kɛra n ye. San-kole dɛ lakara, n ya Allata ko-rayirɛ yen. (Mansa Yɛhoyasin, wo birɛ san loli nyɔgɛ ma, kɛ mara wulɔn le!) N bi Kiba bɛ fɛ Babilɔn nyamanɛ rɔ tumɛ min, Mari kumara n ye, ado n ya ata Sɛnbɛ sɔrɔn.

Hoseya 1:1

Mari ya sarakanɛ kɛ don Birila den Nɛbi Hoseya bolo, ka a bi Mansa Yusayata wati ma ka a sigi Mansa Yotamta tele ma wo, Mansa Ehasita tele ma wo, ha ka ke Mansa Hɛsakayata tele ma wo tumɛ anu bi mansayɛ la Yuda nyamanɛ kun na. Wo ya a taran fanan, Yɛhowasila den Mansa Yɛrabowami ye mansayɛ la Isirɛla nyamanɛ kun na.

Emɔsi 1:1

Saga-fɛ-biralɛ le Nɛbi Emɔsi la nun. A siginɛ Tekoya soe burɔ. San fila yanni dugu-yɛrɛyɛran ni ke, wo ya a taran, Yusaya ye mansayɛ la Yuda nyamanɛ rɔ. Wo ya a taran fanan, Yohasila den-kei Yɛrabowami ye mansayɛ la Isirɛla nyamanɛ rɔ. Alla kumara Nɛbi Emɔsi ye ka a tɛgɛ Isirɛla nyamanɛ ma.

Emɔsi 4:5

Ni a di wo ye fanan, wo ni na wola biredinu na wo bolo wasinteyɛ la ka a ma baraka-bira-kɔ-fannu na iko a di wo ye nya min. Wo ye wo nyɛrɛ matagbala kɔ-fan minnu di-koe rɔ, ni a di wo ye, wo ni to wo nyɛrɛ matɔgɔla iko a di wo ye nya min. Nba, Mari ko bawo ko-sufa wonu di wole, Isirɛla mɔgɛnu ye, awa, wo ni to wo sufanu mala iko a di wo ye nya min.

Maika 1:1

Mansa Yɔtam wo, Mansa Ehasi wo, anubɛ Mansa Hɛsakaya wo, Mari ya sarakanɛ don Nɛbi Maika bolo wonuta wati rɔ. Nɛbi Maika wo bɔra Mɔrɔsɛti soe rɔ min bi Yuda nyamanɛ rɔ, mansa sawɛ kɛnu bi kan min nun. Mari ya ko-siyaman yira Nɛbi Maika la Samariya anubɛ Yerusalɛm so-karantan wonuna ko la.

Nehami 1:1

Wɔlɔyiya-kumɛ le kɛ la Ninɛfa soela ko la. Ko-rayen kɛ kɛra nde, Nɛbi Nehami ye min bɔra Ɛlikosi soe burɔ.

Habakuku 2:2

Mari le ya yabilɛ kɛnu fɔ n ye. A ko, “N bi nala ko-rayirɛ min kɛla i ye, i ni wo sɛbɛ walan ma alako ko-mayonnɛ si ke a karanna nya min ka a mayon.

Yilan-Yilan Koe 12:6

Mari ya a fɔ anu ye ko, “Wo ni wo tole masɔ. Nɛbinu bi wo tɛma tumɛ min, n si ko-rayirɛ kɛ anu ye kiyo rɔ.

Yilan-Yilan Koe 24:16

N bara wula-yanna-koe ragbɛ. N bara Alla kuman-kan nya-yen. N bara hɛnkili sɔrɔn ka bɔ Alla Min Bi Fan Bɛɛ Kun Na. Alla Sɛnbɛ-Bɛɛ-Tigi ara ko-rayirɛ kɛ n ye. N bara n sa dugi ma Alla kɔrɔ. N yɛ la ara ka. Nde le nyɛrɛ ye kɛ fɔla wo ye yati!

Yilan-Yilan Koe 24:4

N bara Alla kuman-kan nya-yen. Alla Sɛnbɛ-Bɛɛ-Tigi ara ko-rayirɛ kɛ n ye. N bara n sa dugi ma Alla kɔrɔ, n yɛ la ara ka. Nde le nyɛrɛ ye kɛ fɔla wo ye yati!

Matiyu 17:9

Anu bi yigila kɔnkɛ la tumɛ min, Yisa ya a fɔ anu ye ka a magbɛlɛya ko, “Wo ara ko-rayirɛ min yen kɛ, wo kana wo rakaran mɔgɔ-wo-mɔgɔ ye, ha nde, Hadama-dan ni wuli ka bɔ furinu tɛma tumɛ min.”

Kɛwɔlɛnu 10:17

Pita ye a hɛnkili lamirila ko-rayirɛ kɛ kɔrɛ ma wati min, Kɔniliyasi ya kei minnu sɔ, wonu bi Saimon karankɛla bɔn manyinikala, ado anu sɔnɛ sansan don-dɛ la.

Kɛwɔlɛnu 26:19

“Woletɔ Mansa Agaripa, ko-rayirɛ min bɔra san-kole rɔ, n ma wo masɔsɔ.

2 Kɔrɛnti 12:1

Nyɛrɛ-matɔgɛ kɛ ti ko-nyinya n ma kɔnɔ hali wo, n ni n nyɛrɛ matɔgɔ fɔlɔn. Mari ya ko-rayirɛ anubɛ lankɛnimayɛ minnu di n ma, n ni wonu bara-koe fɔ kaka.

2 Pita 1:21

Kɛnu ma bɔ anu nyɛrɛta hɛnkili rɔ! Alla ya kumɛ min don nɛbinu da rɔ, anu ya wonu denu fɔ Allala Ni-Sɛnimɛ baraka rɔ.