Kɛwɔlɛnu 9:3 - ALLALA KUMƐ

³ A ye tala Damasika soe magbenna tumɛ min, ado a ara gbɛrɛn nyɔ ma, wan-belebele bɔra san-kole rɔ ka ala foolɛ bɛɛ lamalan.

Kɛwɔlɛnu 9:3 Iomraidhean Croise

Yaburi 104:2

I wara waan ma i nyɛrɛta duruku-ba la. I wara san-kole rafulen iko fani-bɔn.

Kɛwɔlɛnu 22:6

“Nba, n gbɛrɛnnɛ Damasika soe ma tele latelan wati, wan-belebele bɔra san ma tiriya ka nna foolɛ bɛɛ lamalan. N buira dugi ma.

Kɛwɔlɛnu 9:17

Woletɔ Ananayasi tara bɔn wo la. A ke nyɔ, a ya a bole sa Sɔli kuma. A ko, “N na-kelen-nyɔgɛ Sɔli, i ya Mari Yisa min yen kilɛ la, wo le ara n sɔ i wara. A ara n sɔ alako i yɛ la ni ka tun. Wo kɔma, i si fa Allata Ni-Sɛnimɛ la.”

Kɛwɔlɛnu 9:27

Nba, Banabasi nara a dɛnbɛn tinɛ ka ta a la Marita kilayɛnu bara. Sɔli ya Mari yen kilɛ la nya min anubɛ Mari ya min fɔ a ye, a ya wo bɛɛ rakaran anu ye. Sɔli ya kawandili bɔ yisi-latɛgɛ rɔ nya min Yisa tɔgɛ rɔ Damasika, a ya wo fanan takaran anu ye.

1 Kɔrɛnti 15:8

Tɔ-a-la, a bɔra gbɛ rɔ nde fanan ye. N manɛ iko dan min ma sɔrɔn yona.

1 Kɔrɛnti 9:1

Hɔrɔ ma nde la, wa? Kilaya ma nde la, wa? Ado nfan, nde nyɛrɛ ya Mari Yisa yen n yɛ la. Nta wɔlɔ-belebele Mari ye, wo le ma a ma, wo mara dɛnkɛninya-mɔgɛ la?

1 Timoti 6:16

Ale kelen pe ti faga. A ye waan min tɔ, mɔgɔ-wo-mɔgɔ ti a madon wo la. Mɔgɔ-wo-mɔgɔ ma ale yen bɛ, ado mɔgɔ-wo-mɔgɔ ti ke a yenna lefan. Alamɛ gbiliyɛ anubɛ habadan-sɛnbɛ dira ale ma! Amina.

Lankɛnimayɛ 21:23

Soe wo mako mumɛ sa tele anubɛ karɛ la bawo Allala gbiliyɛ ye malanna a burɔ. Ata lɛnpu le saga-dan la.

Lankɛnimayɛ 22:5

Suyi ti don nyɔ tun. Anu mako ti taran lɛnpu la, hali teleta waan la bawo Mari Alla nyɛrɛ si ma anuta waan la. Anu si mansayɛ kɛ nyɔ habadan!