Kɛwɔlɛnu 8:1 - ALLALA KUMƐ

^1-2 Sɔli sɔnta Sitifen faga-koe ma. Marita mɔgɛ donu ya Sitifen togon ka di ala ko la bɛrɛkɛ! Tɔrɔya-ba wulita Allata mɔgɛnu kan ma Yerusalɛm soe burɔ wulɔn tele. Dɛnkɛninya-mɔgɛ bɛɛ nyɛnsɛnta Yudiya anubɛ Samariya nyamanɛ bɛɛ rɔ fɔ Marita kilayɛnu.

Kɛwɔlɛnu 8:1 Iomraidhean Croise

Nihɛmaya 6:3

Nde fanan ya n sara anu bara. N ko, “N bi sɛbɛna-wɔlɛ le la yan. N ti ke tala wo wara kaka. N ti sɔn wɔlɛ ni tinya nyɔ-ta-koe la kaka.”

Daniyɛli 6:10

Nba, Daniyɛli ya a lamɔɛn ko tɔn-sa-koe kɛ ara ma tonyɛ la, a tara a warɛ bɔn la. A yɛlɛta ala san-bon-burɛ do rɔ min wundan yɛ-lamununnɛ Yerusalɛm waralɛ la. Iko a duruta Alla matarala nya min kinyama sawa tele la, a ya ala wundan-dɛ laka ka Alla matara.

Daniyɛli 6:23

Mansɛ sewara dɔgɔma-ma-de! Ale mansɛ ya a fɔ ala wɔli-kɛlɛnu ye ko anu ni Daniyɛli layɛlɛ ka a bɔ denkɛ rɔ yarɛnu kɔrɔ. Anu ya a layɛlɛ tumɛ min, hali a mawɔrɔ gbɛ, anu ma a yen a ma bawo ale lara Alla la.

Matiyu 22:6

Kɔnɔ donu fanan ya ala wɔli-kɛlɛnu bira ka anu gbesi ka anu faga.

Matiyu 23:34

Nba, a nɛbi wo, a hɛnkilima wo, a karan-mɔgɔ wo, n si wonu nana wo ma. Wo si donu faga ka donu gbangban kɔlɔma ma ka donu gbesi Yahudiya-dina-bɔnnu na. Wo si to anu gbenna soenu tɔ.

Matiyu 5:13

“Wo manɛ mɔgɛnu ye iko kɔgɛ. Ni kɔgɔ-diyɛ bɔra a la, a si diya kama tun? A ti fenfen nyinya worɔ fɔ ka a lakɛ a rɔ mɔgɛnu kian kɔrɔ. Anu ni tagama a kuma.

Yɔni 15:20

N bara min fɔ wo ye, wo ni wo yili to wo ko. N ko yɔɔn-wo-yɔɔn sa nyɔ min tenbira a tigi la. Ni anu ya a lagbɛlɛya nde kuma, anu si a lagbɛlɛya wole fanan kuma. Ni anu ya nta kumɛ bira nun, anu si wole fananta kumɛ bira.

Yɔni 16:2

Wo yogenu si wo gben anuna dina-bɔnnu na, ado wo wati si na, wo fagalɛnu si anu miri ko anu bi Allala wɔli le kɛ tinɛ.

Kɛwɔlɛnu 1:8

Kɔnɔ Allata Ni-Sɛnimɛ wa yigi wo kuma tumɛ min, wo si sɛnbɛ sɔrɔn. Wo si ma sereyɛnu na nde ye ka a dabira Yerusalɛm soe burɔ, anubɛ Yudiya anubɛ Samariya nyamanɛ bɛɛ ha duninya dan la.”

Kɛwɔlɛnu 13:1

Nɛbinu anubɛ karan-mɔgɛnu bi Mari Yisata mɔgɛnu tɛma nun Antiyaki soe burɔ. Wonu denu bi Banabasi anubɛ Simiyɔn, (anu bi min kelela fanan ko, “Fara-finyɛ,”) anubɛ Lusiya min bɔra Sairini soe burɔ, anubɛ Maneyan, minnubɛ Mansa Hɛrodi makolota anu nyɔgɔn fɛ, anubɛ Sɔli.

Kɛwɔlɛnu 13:36

Dawuda ye a kɛndɛ la nun tumɛ min, a ya Alla sako kɛ. Wo kɔma, a fagara. Anu ya a togon a benbanu dafɛ, ado a furi tulita nyɔ rɔ.

Kɛwɔlɛnu 2:47

Wo bɛɛ rɔ, anu bi Alla tantola. Anu diyara mɔgɛ bɛɛ ye. Minnu bara kisi, Mari tora wonu makofula tele-wo-tele.

Kɛwɔlɛnu 22:20

Hali Sitifen min fagara ala kumɛla ko la, nde nyɛrɛ ye nyɔ nun ka sɔn a faga-koe ma ka a fagalɛnuna durukinu makandan.’

Kɛwɔlɛnu 26:10

Ka a dabira Yerusalɛm, n ya wo ma. N ya sarati sɔrɔn saraka-masɔla-wɛnu bolo ko n ni Allala mɔgɔ siyaman nadon yele la. Anu faga-koe fɔra tumɛ min, nde nyɛrɛ sɔnta wo ma.

Kɛwɔlɛnu 5:18

Anu ya Marita kilayɛnu bira mɔgɛnu yala ka anu sa yele la.

Kɛwɔlɛnu 5:20

“Wo ta wo sɔ Alla-Bato-Bɔn la ka ni-kurɛ kɛ wara-koe fɔ mɔgɛnu ye.”

Kɛwɔlɛnu 5:33

Mɔgɔ-banu ya wo lamɔɛn tumɛ min, anu yisi bɔra bɛrɛkɛ! Marita kilayɛnu faga-sɔgɛ ya anu bira kosɛbɛ!

Kɛwɔlɛnu 5:40

Anu ya Marita kilayɛnu kele bɔn la tun. Anu ya anu gbesi bosɛ la ka a fɔ anu ye ko anu kana kuma Yisa tɔgɛ rɔ tun! Wo kɔma, anu ya anu boloka.

Kɛwɔlɛnu 7:38

Isirɛla mɔgɛ minnu nadɛnta wulɛ rɔ, ale Musa taranta wonu fɛ nun. Melika min kumara a ye Sinayi kɔnkɛ kuma wo, ale Musa ya kumɛ wo latenbi ma benbanu ma. Allala kumɛ min si niyi di mɔgɛ ma, ale Musa ya wo sɔrɔn nyɔ ka wonu natenbi ma ma.

Kɛwɔlɛnu 7:54

Yahudiyanuna kun-tigi wonu ya kumɛ wo lamɔɛn tumɛ min, anu yisi bɔra Sitifen kan ma dɔgɔma-ma-de! Diminyɛ wo ya a ma, anu ya anu nyin makin.

Kɛwɔlɛnu 7:58

Anu ya a labɔ soe kɔma ka a mabon kuri la. Minnu ya sereyɛ bɔ a kan ma, wonu ya anuna durukinu to keminɛ do bolo min tɔgɛ Sɔli.

Kɛwɔlɛnu 8:14

Kilayɛ minnu bi Yerusalɛm, wonu ya Samariya kɛnuna dɛnkɛninya-koe wo lamɔɛn. Woletɔ anu ya Pita anubɛ Yɔni lata anu ma.

Kɛwɔlɛnu 8:4

Marita mɔgɛ minnu nyɛnsɛnta, wonu tara kan tinɛ bɛɛ kawandili-bɔɛ la.

Kɛwɔlɛnu 8:5

Filipi tara Samariya-so-karantan burɔ ka Yisa, Allata-Mɔgɔ-Yabɔnɛla koe kawandili bɔ nyɔ-mɔgɛnu ye.

Kɛwɔlɛnu 9:31

Nba, Allata mɔgɛ min bɛɛ ye Yudiya anubɛ Kalili sigisɔnnu tɔ anubɛ Samariya nyamanɛ rɔ, wo bɛɛ ya yisi-kimɛ sɔrɔn wo wati le tɔ. Anu tora Mari batola min kɛ, Allata Ni-Sɛnimɛ ya anu dɛnbɛ alako anu ni siyaya nya min ka sabati.

Romu 1:32

Anu denu lara a la ko Allala tɔnnu ko mɔgɛ min si to ko-sufa kɛnu mala, a bɛnta wonu ni faga. Kɔnɔ hali wo, anu tora nɔrɔnna koe wonu ma dɛɛ! Ka tenbi wo la, mɔgɔ-gbɛrɛ minnu bi wo sufanu mala, anu bi wonu sɛnbɛ donna.

Filipai 1:12

N na-kelen-nyɔgɛnu, n bi a fɛ, wo ni a lɔn ko koe minnu kɛra n na yan, wonu bara kibara-nyimɛ dɛnbɛ ka a lata yarɔ.

Hiburunu 11:27

Dɛnkɛninyɛ le fɛ, Musa bɔɛ Iyipiti, a ma kilan mansɛla diminyɛla ko la. A tora tala yarɔ bawo Alla min ti yen, a ya a yɛ sɔ wo le la.