Kɛwɔlɛnu 7:51 - ALLALA KUMƐ

⁵¹ “Wole yisi-gbɛlɛnu! Wo yisi manɛ iko sibolo-gbɛrɛnutɛ. Wo tengberenyanɛ Allala kumɛ lamɔɛn-koe rɔ! Wo ye Allata Ni-Sɛnimɛ kɛlɛla tuma-wo-tuma iko wo benbanu ya a ma nya min!

Kɛwɔlɛnu 7:51 Iomraidhean Croise

2 Mansɛnu 17:14

Kɔnɔ hali wo, Isirɛla mɔgɛnu ma sɔn Marita kumɛ tola a gbɛ rɔ. Anu tole gberenɛ iko anu benbanu bawo wonu ma la anuta Mari Alla la.

2 Ko-Kɔrɔta-Karan 30:8

Wo kana wo tole gbere iko anu denu. Wo ni Marita kumɛ bira. Wo na Marita Bon-sɛnimɛ la Yerusalɛm soe burɔ, wota Mari Alla ara min ma kan-tina-sɛnimɛ la, kɔni. Wo ni to Mari batola, woletɔ a ti to diminyala wo ma.

Nihɛmaya 9:16

Kɔnɔ ma benbanu mara wasintenu anubɛ tolo-gberenu na. Anu ya anu ban ita kumɛnu bira-koe ma.

Nihɛmaya 9:30

San-bo-san, i ye i munyuna anu kɔrɔ ka to anu makawandila tolon! I tora kumɛ donna ila nɛbinu da rɔ ka wo latenbi anu ma kɔnɔ mɔgɛnu tole gberenɛ gben! Woletɔ i ya a ma, sibolo-gbɛrɛnu ya anu nɔ tun.

Yaburi 75:5

ado anu ni anu fara mankan tugula.

Yaburi 78:8

Anu denu ti lanayabɛlitayɛ kɛ iko anu benbanu, murutinu anubɛ kuma-birabɛlɛ wonu, kɔni. Lanayɛ min bi anu bolo Alla wara la, wo dɔgɔ, ado anu telenni ma a ye.

Bɔ-Koe-Iyipiti 32:9

Mari ya a fɔ Musa ye tun ko, “N bara mɔgɛ kɛnu yen. Anu tole gbɛlɛ dɔgɔma-ma-de!

Bɔ-Koe-Iyipiti 33:3

Wo ni ta nyamani-hakikɛ wo rɔ. Kɔnɔ wo kalabante min kɛ, woletɔ nde nyɛrɛ ti ta wo tɛma alako n kana wo halaki kilɛ la.”

Bɔ-Koe-Iyipiti 33:5

Mari ya a fɔ Musa ye ko, “A fɔ Isirɛla mɔgɛnu ye ko anu tengberenta kati! Ni n tara anu fɛ hali doni, n si anu halaki. Kɔnɔ ale le wo la. Hali wo ma wola sɛnɛ anubɛ wola wodi-gbɛ wonu bi tun. N bi nala min mala wo la, n si to n mirila wo ma.”

Bɔ-Koe-Iyipiti 34:9

A ko, “E, Mari, ni n di i ye, i yandi, i ni ta ma tɛma kamasɔrɔn ila mɔgɛ kɛnu tengberenta. I ni mala yogoyɛ anubɛ mala hakɛ makoto ka ma ma i halalɛ la.”

Aiseya 48:4

A ko a ya a lɔn ko wo si ma tolo-gbɛlɛnu na. Wo tole gbɛlɛ iko nɛgɛ anubɛ silɛɛ.

Aiseya 63:10

Kɔnɔ anu kan-kɔ-sɔɛ Mari la, anu ya a ma, ata Ni-Sɛnimɛ yisi tinyanta. Woletɔ Mari mara anu yoge la, ado ka a tɛgɛ wo ma, a ya anu kɛlɛ.

Yɛrɛmaya 17:23

Kɔnɔ Mari ko wo benbanu ma sɔn anu tole masɔla a la hali ka ata kumɛ bira. A ko anu tengberenta. A ko Mari ara wo benbanu tɔrɔ nun kɔnɔ anu ma anu bɔ anu gbɛ dala. A ko anu ma anu tole masɔ a la mumɛ!

Yɛrɛmaya 4:4

Wo ni wo nyɛrɛ dantɛgɛ Marita wɔlɛ ma. Wo ni ala kumɛ bira wo yisi bɛɛ la. Wole Yerusalɛm kɛnu anubɛ Yuda nyamanta-mɔgɛ bɛɛ, Mari ko wo ni kɛnu ma. A ko ni wo tantanta kɛ do ma, a si wo halaki ata fondo-bɔɛ la min manɛ iko tɛ, ado mɔgɔ ti ke tɛ wo ladufenna ka a tɛgɛ wo sɔn-yogomɛla ko ma.

Yɛrɛmaya 6:10

N si kuma yon na? N si yon makawandi? Yon si a tole masɔ n na? Wole Yuda mɔgɛnu bara wo tole gbere. Wo ti sɔn wo tole masɔla nna makawandili-kumɛnu na. Marita kumɛ ma di wo ye. Wo ti sɔn wo tole masɔla a la muk!

Isikiyɛli 2:4

Anu tole gbɛlɛ, ado anu sa n gbiliyala. Woletɔ n bi ile kilayala anu ma ko nde, wo Tigi Mari Alla ye min fɔla, i ni wo latenbi anu ma.

Isikiyɛli 44:7

Saraka-masɔlɛnu tenbi kɛɛnnu anubɛ yele bɔla n ye sarakayɛ la tumɛ min, Isirɛla mɔgɛnu bara nta Bato-Bɔn latinya ka sɔn sibolo-gbɛrɛ-kemininyabɛlɛnu ni don nyɔ, ado sibolo-gbɛrɛ wonu tolo gbere kati! Nna mɔgɛnu bara sarama-kan tinya ma tɛma ka a tɛgɛ anuna kisimiriya-ko-ladannu ma.

Isikiyɛli 44:9

“Nde, Isirɛla Tigi Mari ara a gbɛ ko sibolo-gbɛrɛ wo sibolo-gbɛrɛ ti a kunyɛ ladon nna Bato-Bɔn la tun, katarala kemininyabɛlɛ-tolo-gbere kɛnu ma. Hali minnu siginɛ wole Isirɛla mɔgɛnu tɛma, wonu ti don.”

Yilan-Yilan Koe 27:14

bawo wole mɔgɔ filɛ ya n kuman-kan tinya wo tumɛ wo ye Sini wulɛ rɔ. Mɔgɔ damasi ya gbunya-kumɛ fɔ n ma Sɔnkɔ-Sɔnkɔ Tenke dafɛ. Wo ma sɔn ka nta gbiliyɛ anubɛ nta fanka yira mɔgɛnu na.” (Sɔnkɔ-Sɔnkɔ Tenke kɛ le Sini wulɛ rɔ Kɛdɛsi soe dala.)

Kɛwɔlɛnu 6:10

Kɔnɔ Allata Ni-Sɛnimɛ ya hɛnkili di Sitifen ma kosɛbɛ! A wa kuma tumɛ min, anu ti ke a nɔla kumɛ rɔ.

Kɛwɔlɛnu 7:27

Kɔnɔ min bi ko-yogomɛ kɛla a ta-nyɔgɛ la nun, wo ya Musa latuntun. A ko, ‘Yon ya ile ma kun-tigi anubɛ kiti-tɛgɛlɛ la ma kuma?

Kɛwɔlɛnu 7:35

“Ado nfan, Musa wo le kɛ la, Isirɛla mɔgɛnu ya anu ban min na ka a fɔ a ma ko, ‘Yon ya ile ma kun-tigi anubɛ kiti-tɛgɛlɛ la ma kuma?’ Alla ya ale le sɔ ka a ma kun-tigi anubɛ kisilɛ la, yɔ! A ya melika min yen ta-mɛlan rɔ kɔlɔma-nɛ rɔ, melika wo le ye a dɛnbɛna mɔgɔ-kisi-koe la.

Kɛwɔlɛnu 7:39

“Kɔnɔ ma benbanu ma sɔn ala kumɛ birala. Anu ya anu ban a la. Iyipiti sɛgi-sɔgɛ ya anu bira.

Kɛwɔlɛnu 7:9

“Ma benba wonu ya anu dɔgɔ Yusufu mayira keliyɛla ko la ko a ni ta yɔɔnyɛ rɔ Iyipiti nyamanɛ rɔ. Kɔnɔ Alla ye a fɛ nun.

Romu 2:25

Ni minnu ya tɔn-kitabu wara-koe bira, anuta kemininyɛ si ko nyinya anu ma. Kɔnɔ ni minnu ma tɔn-kitabu wara-koe bira, a fisa, anu bilakore ni to nun.

Ɛfɛsa 4:30

Mɔgɔ kana Allata Ni-Sɛnimɛ ladiminya bawo ata Ni-Sɛnimɛ le Allala tamasere la wo kuma ko a halalɛ le wole la. Tamasere le ale ata Ni-Sɛnimɛ la ko Marita Tele wa na, a si ma hɔrɔya wulɔn.

Tɔn-Fɔɛ-Fila-Nyɔgɛ 10:16

Ka a dabira bi ma, wo ni Marita tɔnnu bira. Wo ni fara tolo-gbɛlɛyɛ la.

Tɔn-Fɔɛ-Fila-Nyɔgɛ 30:6

Wota Mari Alla si miriya-nyimɛ don wobɛ wo kegeyɛnu yisi rɔ ka ata kuman-kan bira. Wo si a keni wo yisi bɛɛ la. Wo siginɛ si to nyɔ lanyiri-nyamanɛ rɔ.

Tɔn-Fɔɛ-Fila-Nyɔgɛ 31:27

N ya anuna tolo-gbereyɛ anubɛ anuna murutiyɛ nya-lɔn. Anu bara murutiya Mari ma nde nyɛrɛ yala. N ba faga tumɛ min, anu si murutiya ka tenbi a fɔlɔtɛ fanan na.

Tɔn-Fɔɛ-Fila-Nyɔgɛ 9:13

“Mari ya a fɔ nde, Musa ye ko, ‘N ya mɔgɛ kɛnu lɔn. Anu kalabante.

Tɔn-Fɔɛ-Fila-Nyɔgɛ 9:6

Wo ni a lɔn wo yisi rɔ yati, ko wo sa nyamani-hakikɛ wo sɔrɔnna bawo wola ko kin. A dabira fɔlɔtɛ, wo yisi gbɛlɛ ka tenbi mɔgɛ bɛɛ la.

Filipai 3:3

ado male ara kemininya-bɛrɛ sɔrɔn. Anu denu ma de! N bi wo fɔla bawo male ye Alla batola ata Ni-Sɛnimɛ baraka rɔ. Male ara nyagalen ma tagama-nyala ko la Yisa Kirasiti rɔ. Mɔgɛnu bi min mala anu fɛrɛnu na, male ti ma yigi sa wo kuma hali doni!

Kɔlɔsi 2:11

Wo ara kemininya-su-bɛrɛkɛ sɔrɔn Kirasiti rɔ, fɛrɛta-kemininya ma min na. Ale Yisa ya wo fɛrɛ-bɔnku-nata bɔ wo rɔ ata sayɛ fɛ iko kemininyɛ si do bɔ mɔgɔ fɛrɛ la nya min.