Kɛwɔlɛnu 7:41 - ALLALA KUMƐ

⁴¹ Wo kɔma, anu ya ninki-danla muninyɛ ladan ka wo ma bɛsɛ la anu nyɛrɛ ye ka sarakɛ bɔ wo ye. Anu ya ladiyɛ ladan ka a tɛgɛ anu nyɛrɛta bolola-wɔlɔ-gbɛ wo ma ka wo gbiliya.

Kɛwɔlɛnu 7:41 Iomraidhean Croise

Nihɛmaya 9:18

Anu ya tura-bulanla muninyɛ ladan anuna bɛsɛ la. Anu ya a fɔ ko anuta alla le wo la min ya anu nabɔ Iyipiti. Wo ya a ma, anu bilara i la dɔgɔma-ma-de!

Hoseya 9:1

Wole Isirɛla mɔgɛnu, wo ni wo fara wola ladiyɛnu kɛla iko Alla-lɔnbɛlɛnu. Wo ara wo kan-kɔ sɔ wota Alla la ka ma telenbɛlɛnu na a ye. Wo ara wo nyɛrɛ ma iko musu-yɛlan ka wo nyɛrɛ latenbi wola bɛsi Beyali ma nyamanɛ kɛ mumɛ bɛɛ rɔ iko bɛsɛ wo le wo de-nyinina ka wola fui-fan sabati.

Hoseya 9:10

Mari ara a fɔ ko a bɛn fɔlɛ wole, Isirɛla mɔgɛnu na, wo manɛ iko kɔlɔma min gbɔnɛ kan-tina-ragbalanɛ rɔ. A ko, “Wo benbanu yen fɔlɛ nde, Mari bolo, anu diya donnɛ n tɔ nun iko toro-kuri gbɔ fɔlɔtɛ. Wo benbanu ke Piyɔri kɔnkɛ ma, anu donta Beyali kɔ-koe rɔ nyɔ. A ma mɛ lefan, anu gboyara nde, Mari ye iko bɛsɛ wonu gboyanɛ n ye nya min.

Lankɛnimayɛ 9:20

Mɔgɛnu ya bɛsɛ minnu nadan anu bole la, anu ma tubi ka fara wonu kɔɛ la. Mɔgɔ-toe wonu ma faga fitina sawɛ wonu kɔrɔ. Anu ma fara nyina-kɔɛ la. Bɛsɛ minnu nadannɛ sɛnɛ anubɛ wodi-gbɛ la wo, bɛsɛ minnu nadannɛ silɛɛ anubɛ kuri la wo, bɛsɛ minnu nadannɛ kɔlɔma la wo, anu ma fara wonu fanan kɔɛ la. Bɛsɛ wonu ti ke fen yenna. Anu ti ke ko lamɔɛnna. Anu ti ke tagamana. Anu ti ke fenfen mala.