Kɛwɔlɛnu 7:11 - ALLALA KUMƐ

¹¹ Nba, kɔnkɔ-fitinɛ nara Iyipiti anubɛ Kenan nyamanɛ bɛɛ rɔ ka mɔgɛ bɛɛ tɔrɔ. Ma benbanu ma ke dɔn-fen sɔrɔnna.

Kɛwɔlɛnu 7:11 Iomraidhean Croise

Ko-Dabirɛnu 42:5

Mɔgɔ-siyaman bɔra nyamani-gbɛrɛnu tɔ ka ta dɔn-fen san tinɛ, ado Yakobala dannu taranta anu tɛma kamasɔrɔn kɔnkɔ-fitinɛ ye anu barɛ Kenan nyamanɛ rɔ.

Ko-Dabirɛnu 43:1

Kɔnkɔ-fitinɛ tora anu tɔrɔla Kenan nyamanɛ rɔ.

Ko-Dabirɛnu 45:11

Ni wo ye yan, n si ke le wo dɛnbɛna bawo kɔnkɔ-fitinɛ kɛ ara to gbɛ san loli. A ma di n ye wo ni tɔrɔya.”

Ko-Dabirɛnu 47:4

Ma nara le ka ma sigi ila nyamanɛ kɛ rɔ bawo kɔnkɛ ara gbɛlɛya ma kuma Kenan nyamanɛ rɔ. Kolo-fen de-nyini tina sa nyɔ tun. Woletɔ i yandi, i ni sɔn ma ni ma sigi Kosɛn sigisɔn rɔ yan.”

Yaburi 105:16

Alla ya kɔnkɔ-fitinɛ ladon anuta nyamanɛ rɔ ka anu beli-fan bɛɛ bi anu bolo.