Kɛwɔlɛnu 7:10 - ALLALA KUMƐ

¹⁰ Alla ya a kandan ala tɔrɔyɛ bɛɛ rɔ. Yusufu sɔra Iyipiti mansɛ yakɔrɔ tumɛ min, Alla ya kɛ-nya-nyimɛ anubɛ hɛnkili di a ma. Mansɛ ya Yusufu ma kandɛ la ala nyamanɛ anubɛ ala denbayɛ bɛɛ kuma.

Kɛwɔlɛnu 7:10 Iomraidhean Croise

Ko-Dabirɛnu 39:21

Kɔnɔ hali Yusufu ye yele wo la, Mari ye a fɛ. Mari ya a ma, yele-kandanna-kun-tigi min bi nyɔ, a diyara wo ye koikoi!

Ko-Dabirɛnu 42:6

Wo wati rɔ, Yusufu le kandayɛ la Iyipiti nyamanɛ rɔ. Ale le ye dɔn-fan mayirala mɔgɛnu ma. Yusufu-kɔrɔnu tara ka anu naburun a ma dugi ma a kɔrɔ.

Ko-Dabirɛnu 44:18

Yuda ya a madon Yusufu la. A ya a fɔ a ye ko, “E, n tigi, i si sɔn i wɔlɔ matɔlɔla n na? N ni kuma? Hali i manɛ iko mansɛ, i kana i fonde magboya n na.

Ko-Dabirɛnu 48:16

Alla min nara nde ma iko melika ka n kunka ko-yogomɛ bɛɛ ma, alamɛ wota duwɛ tora ila den-keminɛ kɛnu kuma. Alamɛ tɔgɔ-nyimɛ tora den-kei filɛ kɛnu kuma iko a tora n fa Isiyaka anubɛ n benba Iburayima anubɛ nde kuma nya min. Anu bɔnsɔnnu ni siyaya dugu-kole kɛ kuma.”

1 Mansɛnu 8:50

E, Mari, i yandi, i ni kinikini ila mɔgɔ-murutiyanɛnu ma. I ni a ma, anu yogenu ni anu bira boloko-nyimɛ-kɛ ka kinikini anu ma fanan

Yaburi 22:24

A ti nyina ata mɔgɔ-tɔrɔnɛ ko ka a kan-kɔ sɔ wo la. A wa nyinikalɛ kɛ dɛnbɛn-koe rɔ wati min, Mari si a yabi.”

Yaburi 37:40

A si anu dɛnbɛ ka anu nakanan. A si anu kanan karagbɛlɛnu masibɛ ma bawo anu denu si ta Mari wara anu nakanan-koe la.

Hɛnkilimaya-Kumɛnu 16:7

Ni i kɛ-nya ya Mari hɛnɛ, hali i yoge, Mari si wo ma i diyana-mɔgɛ la.

Hɛnkilimaya-Kumɛnu 2:6

Mari le si hɛnkilimayɛ anubɛ lɔnnɛ di mɔgɛ ma. Wo kɔma, a si a ma, i ni a nya-yen.

Hɛnkilimaya-Kumɛnu 3:4

Ni i ya wo ma, i wara-koe si Alla hɛnɛ anubɛ mɔgɛnu.

Yɛrɛmaya 39:12

anu ni ta nde, Yɛrɛmaya nyini ka n fɛ-bira a kin na! N ba nyini fenfen ma, anu ni wo kɛ n ye. Anu ka ko-yogoma ma n na.

2 Timoti 4:18

Nba, Mari ti sɔn ko-yogoma wo ko-yogoma ni ma n na. A si n nadon Arinyɛni tɔ, ale ye mansayɛ la kan min. Gbiliyɛ ni di a ma habadan! Amina.

Yemesi 5:11

Ma ye mɔgɔ-munyanɛnu kelela ko mɔgɔ-sewanɛ bawo anu bara anu munyu. Wo ma Yobuta munyu-koe lamɔɛn, ba? Ado nfan, Mari ya Yobu makoe nyinya nya min a laban, wo ma wo lɔn fanan, ba? Wo mara bawo Mari fanɛ kinikinɛ anubɛ hinɛ la.

Lankɛnimayɛ 7:14

N ya a yabi ko, “N fa, nde ma a lɔn. Ile le ya wo lɔn.” A ya a fɔ n ye ko, “Minnu bara kisi ka bɔ bɛnsɛnkɔninya-wɛ rɔ, wonu denu bi wonu na. Anu ya anuna duruku-yannu ku ka a ma, anu ni gbɛ saga-dan-yele rɔ.