Kɛwɔlɛnu 6:1 - ALLALA KUMƐ

¹ Karan-dannu yatɛ tora siyayala kɔnɔ wati do kenɛ, Yahudiya minnu bi anu nyɛrɛ kan fɔla wo, Yahudiya minnu bi Kiriki kan fɔla wo, kumɛ wulita wonu tɛma. Yahudiya Kiriki-kan-fɔlɛnu ko dɔn-fan min tafaranɛ mɔgɛnu tɛma tele-wo-tele, anuta kɛɛ-musinu sa anutɛ sɔrɔnna dɔn-fan wo rɔ.

Kɛwɔlɛnu 6:1 Iomraidhean Croise

Yobu 29:13

Hali sayɛ ara gbɛrɛn mɔgɛ minnu ma, wonu kɛnɛna n tantola. Kɛɛ-musinu bi n sigi sala ka a tɛgɛ nna wɔli-nyimɛla ko la.

Yobu 31:16

Ha bi, nde ma n ban bolo-kolɔnnu dɛnbɛn-koe ma. Ha bi, n ma kɛɛ-musinu to anuna yakɔrɔ-mamɔɛ rɔ.

Yaburi 110:3

A ko ale mansɛ wa wuli a yogenu kɛlɛla tele min ma, ala mɔgɛnu si anu nyɛrɛ lafili kɛlɛ wo rɔ pirin! Ala kemini-mɛsɛnu ta si ka kɔnkɔ-sɛnimɛnu kuma iko sɔgɔma-duri ra si ka binyɛ ma nya min.

Yaburi 72:16

Alamɛ fui-fan siyayara ala nyamanɛ rɔ duk! Alamɛ ki-fan raboroko-barakara kɔnkɛnu tɔ iko a ye Lɛbanan nyamanɛ rɔ nya min. I ni a ma, soenu na ni fa mɔgɛnu na penpen iko binyɛ waranɛ gbɛkolenu ma nya min.

Aiseya 1:17

ka wo degen ko-telenni-kɛ ma. Mɔgɛnu bira anu bira-nya la. Wo ni mɔgɔ-ragbɛrɛnnɛnu dɛnbɛ. Wo ni kelennɛnuna yoe di anu ma ka kɛɛ-musinu kumafunfan.

Aiseya 27:6

Wati ye nala, Yakoba kebilɛnu, Isirɛla mɔgɛnu, kɔni, anu si anu suli layigi pon iko kɔlɔma. Anu si gbusu ka fere. Anu gbɔɛ min bi sɔrɔnna nyɔ, duninya mumɛ si tɔnɛ sɔrɔn wo rɔ.

Yɛrɛmaya 30:19

Wo si to baraka-bira-bɛti bɔla sewɛ la. Wo si to wo diya nyɔ. A ko a si den-siyaman di wo ma, ado wo si to gbiliya-wɛ rɔ.

Isikiyɛli 22:7

Mɔgɔ-wo-mɔgɔ sa Yerusalɛm soe burɔ min si a sɔrɔnnɛnu gbiliya. Ala mɔgɛnu bi sundannu bolo labirala. Anu bi kelennɛnu anubɛ kɛɛ-musinu bolo labirala.

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Matiyu 23:13

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, Alla min bi Arinyɛni tɔ, wo ara ata mansayɛ don-dɛ sɔgɔ mɔgɛnu yarɔ. Kɔnɔ wole fanan ti don, ado mɔgɛ minnu bi anu tayala don-koe ma, wo ti sɔn wonu ni don. [

Kɛwɔlɛnu 11:20

Kɔnɔ minnu dɛnkɛninyanɛ Saiparasi anubɛ Sairini soenu burɔ, wo donu tara Antiyaki ka Mari Yisata kibara-nyima-kawandili bɔ sibolo-gbɛrɛnu ye.

Kɛwɔlɛnu 11:26

A ya a yen tumɛ min, a nara a la Antiyaki. San kelen kɔrɔ, anu mɔgɔ filɛ tora ladɛn kɛla Mari Yisata mɔgɛnu fɛ nyɔ ka nyama-ba karan. Antiyaki soe burɔ, Yisata mɔgɛnu tɔgɔ kele fɔlɔtɛ kɛra ko Kirasitita mɔgɛnu.

Kɛwɔlɛnu 11:29

Yisata mɔgɛnu ya a latɛgɛ ko anu kelen-kelennamɛ-bɛɛ wa ke anu bolo-fan fenfen sɔrɔnna, anu ni wo lata anu na-kelen-nyɔgɛnu ma minnu siginɛ Yudiya nyamanɛ rɔ anu dɛnbɛn-koe la.

Kɛwɔlɛnu 2:41

Mɔgɔ-siyaman lara kumɛ kɛ la ka batasi. Anu mɔgɔ waga sawa nyɔgɔn (3,000) kofura anu ma tele wo nyɛrɛ kɔrɔ.

Kɛwɔlɛnu 2:45

Anu ya anuna duginu anubɛ anuna bolo-fannu feri ka wodi wo rafara anu dama tɛma iko anu kelen-kelennamɛ-bɛɛ makoe ye nya min.

Kɛwɔlɛnu 2:47

Wo bɛɛ rɔ, anu bi Alla tantola. Anu diyara mɔgɛ bɛɛ ye. Minnu bara kisi, Mari tora wonu makofula tele-wo-tele.

Kɛwɔlɛnu 4:35

ka a don Yisata kilayɛnu bolo. Anu ya wodi wo rafara anu nyɔgɔn tɛma iko mɔgɛ bɛɛ makoe ye a la nya min.

Kɛwɔlɛnu 4:4

Kɔnɔ minnu ya anuna makawandili-kumɛ wo lamɔɛn, wo siyaman dɛnkɛninyara, ado anu damasi lakofunɛ mara a keima waga loli nyɔgɔn (5,000) na.

Kɛwɔlɛnu 5:14

Keinubɛ musi min bɛɛ dɛnkɛninyara Mari ma, wonu tora kofula anu ma dɛɛ!

Kɛwɔlɛnu 5:28

“Ma ara wo makawandi nun bɛrɛkɛ, ko wo kana mɔgɛnu karan kei kɛ tɔgɛ rɔ tun. Kɔnɔ wo ara min kɛ, wo ma a yen? Wo ara wola karan kɛ nyɛnsɛn Yerusalɛm fan bɛɛ. Wo ye a fɛ ka male ma ala saya-sabuyɛ la!”

Kɛwɔlɛnu 6:2

Woletɔ Marita kilaya tan-ni-filɛ ya anuna karan-dan bɛɛ kele kan-tina-kelen ka a fɔ anu ye ko, “A ma bɛn male ni Allala-kumɛ-lake boloka ka dɔn-fen-ko-wɔlɛ kɛ.

Kɛwɔlɛnu 6:7

Woletɔ Allala kumɛ tora nyɛnsɛnna. Karan-dannu yatɛ siyayara Yerusalɛm ha ka siyaya. Hali saraka-masɔlɛ siyaman dɛnkɛninyara.

Kɛwɔlɛnu 9:29

A kumara Yahudiya Kiriki kan-fɔlɛnu ye fanan ka anu sɔsɔ, woletɔ wonu ya a faga-koe rabɛn.

Kɛwɔlɛnu 9:39

Woletɔ Pita wulita ka sɛgi anu fɛ. A kera tumɛ min, anu tara a la furi sanɛ kan min san-bɔn wo la. Kɛɛ-musi bɛɛ ya anu nadɛn Pita dafɛ. Anu bi Dɔrɔkasi dila kosɛbɛ! Ale Dɔrɔkasi ya duruku-kɔrɔ-donyɛ anubɛ duruku-wɛ minnu nadan a kɛndɛ tumɛ min, anu ya wo siyaman yira Pita la.

Kɛwɔlɛnu 9:41

Pita ya a bole bira ka a dɛnbɛ a lasɔla. Wo kɔma, a ya dɛnkɛninya-mɔgɛnu anubɛ kɛɛ-musinu kele ka a yira anu na, a kɛndɛ.

Romu 12:7

Ni matɛ le ka mɔgɛnu dɛnbɛ, ma ni wo ma. Ni karan le, ma ni karan kɛ.

1 Kɔrɛnti 10:10

Ma kana kɔrɔtɔ iko wo donu ya a ma nya min, ha niyi-bɔ-melika ya anu kasara.

2 Kɔrɛnti 11:22

Hiburunu le anu na, wa? Wo le nde fanan na. Anu bi Yahudiyanuna dina rɔ, wa? Nde fanan bi a rɔ. Iburayima bɔnsɔn le anu na, wa? Wo le nde bɛrɛni na.

Tɔn-Fɔɛ-Fila-Nyɔgɛ 26:12

“San-sawa wo san-sawa, wo si to wola yakanu dila Lifayi bɔnsɔn-mɔgɛnu ma anubɛ mɔgɔ-tɔrɔnɛ minnu dɛnbɛna sa, a mara sundan na wo, a mara kelenni na wo, a mara kɛɛ-musu la wo. Wo si a ma, mɔgɛ kɛnuna dɔntɛ si a bɔ anu ye anuna soenu tɔ. Wo wa ban wola yakanu ratalala mɔgɔ-tɔrɔnɛnu na,

Filipai 3:5

N sɔrɔn ya lɔgɔkun kelen bɔ tumɛ min, n kemininyara wulɔn le. Isirɛla kɛ le nde la n sɔrɔn-nya fɛ ka bɔ Bɛnyamɛ bɔnsɔn rɔ. Hiburu nyɛrɛ-nyɛrɛ le nde la. Yahudiyanuna tɔn-kitabu-bira-kilɛ fɛ, Farisi le nde la.

1 Timoti 5:3

Mɔgɔ-wo-mɔgɔ sa kɛɛ-musi minnu bolo, i ni wonu makoe nyinya.

1 Timoti 5:9

Kɛɛ-musi min sɔrɔn ma tenbi wɛ san bi-wɔrɔ la, i kana wo tɔgɛ sɛbɛ kɛɛ-musi-doinu tɔgɛ sɛbɛnɛ kan min, ado a nyɛrɛ latɛgɛnɛ ala kei kelen pe le ma.

Hiburunu 13:1

Wo ni to wo nyɔgɔn kenina iko a bɛnta na-kelen-nyɔgɛnu ni anu nyɔgɔn keni nya min Kirasiti rɔ.

Yemesi 1:27

Ma Fa Alla si sɔn dina min ma, wo le kɛ la. Wo tigi ni kelennɛnu anubɛ kɛɛ-musinu dɛnbɛ anuna tɔrɔyɛ rɔ. A ni a nyɛrɛ sɛninyanɛ mara duninya-ko-yogomɛ-bɛɛ ma. Dina kɛ, fɛɛ-wo-fɛɛ sa a la, ado dina-latinyani ma.

Yemesi 4:5

Allala kitabu wa a fɔ ko, “Allala Ni-Sɛnimɛ min siginɛ ma rɔ, a ye a fɛ, ma ni telen a kelen pe le ye,” wo kana wo miri ko a ara kuma-fuyi le fɔ wo la.

Yemesi 5:9

N na-kelen-nyɔgɛnu, wo kana gbunya wo nyɔgɔn kɔrɔ, ni wo ma, Alla si wo kiti tɛgɛ. Wo ni wo yɛ lata. Kiti-tɛgɛlɛ sɔnɛ dɛ la. A sɔgɛ ye a la, a ni don.